TƏ́DA 25:1 - Bibəl ta Sar̄

¹ Ngán Israel gə̄ ndin̄ Sitim anī əlan̄ gír rāā kaya kə ngáń kə́ dəyá̰ kə́ Moab gə̄.

Bible sar

¹ Ngán Israel gə̄ ndin̄ Sitim anī əlan̄ gír rāā kaya kə ngáń kə́ dəyá̰ kə́ Moab gə̄.

TƏ́DA 25:1 Referans Kwoze

1 KORḚNTƏ 10:8

Jə-lōōī sāā naā loo kaya tə́ tītə̄ ń ngé kə́rēý gə̄ dáńdə́ tə́ rāān̄neé, adə̄ de gə̄ dūbú kutə jōó gidə i mətá oyn̄neé ndɔ̄ kógə̄ḿ beē ní.

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.

TƏ́DA 33:49

Ndin̄ i dɔ dán ɓē kə́ Bet Yesimot tə́ kə ɓē kə́ Abel Sitim.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

MISE 6:5

Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

JOJUE 3:1

Jojue nin̄ kə ngán Israel gēé ḭḭn̄ Sitim kə gír looí ɓatə, aw̄ ugə̄n̄ ta bā Jurdḛ tə́. ɓīīn̄ kə̄ ta bā tə́ noō a ngóōnəń kum mbang kə́ yā teēń bā Jurdḛ kə̄ gidə kə́rēý tə́.

KOHELET 7:26

Mā m-á̰a̰ kadə̄ dəyá̰ adə̄ deē wur katə̄ tɔȳ yo dan ń ni-tél i gūmbə̄ ō, kemən tél i réng ō, jīn gə̄ télən̄ i kəlā do̰ō̰ deē ō ní. Deē ń nel̄ Nə́ɓā seneé ní a teē jī dəyá̰ ní tə́ yā ka̰ȳ, banī nge rāā majaĺ əsō kem jīn tə́.

Teē Ngán Israel gə̄ 34:15

Ā ī-ə́hɔī madə̄ naā kə de gə̄ kə́ dɔ nang ní tə́ alé, na sōgə́ a ɓārə́n̄sí kadə̄ aw̄ ī-rāāī ɓesə̄ sedə́ dan ń a rāān̄ ɓesə̄ yādə́ gə̄ ní ō, kadə̄ ə́saī yá̰a̰ gə̄ ń a tun̄ adə̄n̄ ɓesə̄ yādə́ gə̄ ní ō.

TƏ́DA 25:17

Ī-rɔ̄ɔ̄ī de gə̄ kə́ Madian, ī-tɔ̄līdə́ kɔ̄ɔ́ malang.

TƏ́DA 31:2

Āw̄ ī-dal ba̰ā̰ yá̰á̰ kə́ majaĺ ń de kə́ Madian gə̄ rāān̄ kə ngán Israel gēé ní. Gō tə́ anī ā óy yā kaw̄ gō kaaí gə̄ tə́.

NDŪ NAJƏ̄ 3:29

Loo ń noō tə́ jə-tél jə-ndiī wól loo ń ra sɔɔ̄n̄ ta naā kə ɓē kə́ Bet Peor tə́ ní.

NDŪ NAJƏ̄ 4:3

Yá̰á̰ ń Kɔ́ɔ̄ɓē rāā Baal Peor ní, sḭḭ̄ kɔ́ gə̄ á̰a̰ī kə kumsí malang. De gə̄ malang ń unən̄ gō ɓesə̄ Baal kə́ Peor ní, Kɔ́ɔ̄ɓē Nə́ɓā yāsí nujə sedə́ kɔ̄ɔ́ malang dɔ dáńsí tə́.

NDŪ NAJƏ̄ 32:38

Sḭḭ̄ ūlīdə́ kə dā̰ kə́ tun̄ gə̄ ō, ādīdə́ kasə nduú gə̄ kadə̄ a̰ȳn̄ ō ní, ādə̄ ɔjən̄ rɔ̄də́ kə̄ ndágá ba ajən̄sí ō, ngɔ̄mə̄n̄sí ō tā.

JOJUE 22:17

Yá̰á̰ kə́ gōtə́ aĺ ń jə-rāāī Peor ní asəjí aĺ ɓáý a? Ngán Israel gə̄ ń i de gə̄ yā Kɔ́ɔ̄ɓē gə̄ ní, yá̰á̰ kə́ tōr̄ rāādə́ tāmən tə́, ba ɓōólaā gə̄gē gíŕ yá̰á̰ kə́ tōr̄ ní gān̄g dɔjí tə́ aĺ ɓáý,

JEREMI 40:11

Tāa Juda gə̄ malang ń ndin̄ Moab ō, dan Amon gə̄ tə́ ō, ngé gə̄ ń ndin̄ Edom ō, kə gō ɓē gə̄ malang ní ō, oōn̄ kadə̄ mban̄g kə́ Babilon na əya̰ gō yá̰á̰ kə́rēý gə̄ adə̄ Juda ō, na əndā Gedalia kə́ ngōn̄ Ahikam kə́ ngōn̄ Sapan dɔ ɓē gə̄ tə́ ō,

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

OJEE 9:10

Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

Teē Ngán Israel gə̄ 22:19

Deē ń tun̄ yá̰a̰ adə̄ Kɔ́ɔ̄ɓē ngóy alé ba tun̄ yá̰a̰ adə̄ ɓesə̄ gə̄ ō ní, a tɔ̄l̄nən̄ kɔ̄ɔ́.

2 MBAN̄G 23:7

Kújə gə̄ kə́ kadə kújə yā Kɔ́ɔ̄ɓē tə́ ń de gə̄ a rāȳn̄ kemeé a ndɔ̄ȳnə̄ń ɓesə̄ gə̄ ní mban̄g Josias tɔ̄ɔ̄də́ kɔ̄ɔ́. Dəyá̰ gə̄ a əjōn̄ kūbə̄ gə̄ kə́ yā ndɔ̄ý ɓesə̄ Asera i kem kújə gə̄ ní tə́.

PĀ GƏ̄ 106:28

Nin̄ əlan̄ dɔdə́ gír ɓesə̄ Baal kə́ Peor tə́ ō, əsan̄ dā̰ kə́ tun̄ kadə̄ ngé koy gə̄ ō.