TƏ́DA 24:8 - Bibəl ta Sar̄

⁸ Nə́ɓā teē sedə́ kɔ̄ɔ́ Ejiptə tə́ kə tɔ́gən kə́ tītə̄ tɔ́gə dɔgə. Gíŕ nápar de gə̄ ń a ənīn̄ ngán Israel gə̄ rɔ̄ɔ̄ ní, ngán Israel gə̄ a tetən̄n̄də́ rɔ̄ɔ̄ i gidə kógə̄ḿ beē. Ngán Israel gə̄ a tétə̄n̄ kə̄ngādə́ ō, a túrə̄n̄də́ kə kum gərā yādə́ gēé yā kur kɔdədə́ ō.

Bible sar

⁸ Nə́ɓā teē sedə́ kɔ̄ɔ́ Ejiptə tə́ kə tɔ́gən kə́ tītə̄ tɔ́gə dɔgə. Gíŕ nápar de gə̄ ń a ənīn̄ ngán Israel gə̄ rɔ̄ɔ̄ ní, ngán Israel gə̄ a tetən̄n̄də́ rɔ̄ɔ̄ i gidə kógə̄ḿ beē. Ngán Israel gə̄ a tétə̄n̄ kə̄ngādə́ ō, a túrə̄n̄də́ kə kum gərā yādə́ gēé yā kur kɔdədə́ ō.

TƏ́DA 24:8 Referans Kwoze

PĀ GƏ̄ 45:5

Āl̄ sə́nda ō, úr gərā ō, ba ī-tetə rɔ̄ɔ̄ tām̄ yā najə̄ kə́ rɔ̄kum tə́ ō, yā rɔ̄ɔń dɔ ngé ndoō gə̄ tə́ ō, dɔ yá̰á̰ kə́ súmūú tə́ ō! Ādə̄ jī ko̰í rāā yá̰á̰ kə́ to ɓōĺ gə̄.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

TƏ́DA 23:24

Á̰a̰ī gír de gə̄ kə́ a ḭḭn̄ kə̄ dɔɔ́ tītə̄ dā̰ kə́ do̰, á̰a̰ī kósə de gə̄ kə́ ḭḭ ran̄ dɔɔ́ tītə̄ ɓɔl. Ni-əsa dā̰ kəhɔn ō, a̰ȳ mósən ō, pá tá tél to nang tə́.

TƏ́DA 23:22

I ni n teē sedə́ kɔ̄ɔ́ dɔ nang kə́ Ejiptə tə́ kə́ tɔ̄gə́ kə́ tītə̄ tɔ́gə dɔgə ní.

TƏ́DA 14:9

Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

JEREMI 50:9

A̰á̰ā̰, m-ā m̄-ɓāŕ nápar de kə́ ngá̰ý gə̄ kə́ mbɔ́r ɓē kə́ ko̰ó̰ tə́ ń ɓoon̄ naā ní, kadə̄ aw̄ ənīn̄ ɓē kə́ Babilon rɔ̄ɔ̄. Nin̄ a əndān̄ rɔ̄də́ kə ta naá yā kənīnneé rɔ̄ɔ̄ ō, gír yān a gān̄g ō. Kum gərā yādə́ gə̄ a nalə̄n̄ yá̰a̰ alé, tītə̄ go̰ rɔ̄ɔ̄ kə́ jīn atə ngá̰ý beē.

IJAI 38:13

Kété tá kadə̄ loo tīī ní, mā i yá̰á̰ kógə̄ḿ to̰ alé. Kɔ́ɔ̄ɓē tétə̄ kə̄ngāḿ gə̄ malang kɔ̄ɔ́ tītə̄ ɓɔl beé. Kɔ́ɔ̄ɓē, kadaá bátə́ ndɔ̄ɔ́ ní, ā ī-gān̄g gír najə̄ yāḿ.

DANIEL 6:24

Loo ń noō tə́ rɔ̄ mban̄g nelə̄n ngá̰ý, adə̄ ni-əda kadə̄ ɔrə̄n̄ Daniel kɔ̄ɔ́ bəlo ɓɔl gə̄ tə́. Ɔrə̄n̄ Daniel bəloó banī a̰a̰n̄ do kógə̄ḿ rɔ̄n tə́ alé, tɔdɔ̄ ni-taā kem Nə́ɓā yā mámák.

PĀ GƏ̄ 21:12

Ré nómə̄n̄ rāā yá̰á̰ kə́ majaĺ seí ō, oōn̄ naā dɔí tə́ loo mundə̄ tə́ ō anī, a asən̄ rāā yá̰á̰ kógə̄ḿ seí alé.

NDŪ NAJƏ̄ 32:42

Gərā yāḿ gə̄ a a̰ȳn̄ mósə kadə̄ rāādə́ kə́ kasə tə́ ō, kaskar yāḿ a əsa dā̰ yā ndān̄ ō. Adə̄ i mósə de gə̄ ń tɔ̄lə̄n̄də́ ní ō, de gə̄ ń əhɔn̄də́ ta rɔ̄ɔ̄ tə́ ní ō, ngol áskar gə̄ yā madə̄ ba̰ā̰ gə̄ ō.

NDŪ NAJƏ̄ 32:23

M-ā m̄-kán̄ yá̰á̰ kə́ tōr̄ gə̄ kə̄ dɔdə́ tə́. M-ā m̄-túr̄də́ kə kum gərā yāḿ gēé.

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

TƏ́DA 21:5

adə̄ əlan̄ gíŕ tə́da najə̄ dɔ Nə́ɓā tə́ ō, dɔ Moijə tə́ ō, ədan̄ na: Ī-teēī sejí kɔ̄ɔ́ kem ɓē kə́ Ejiptə tə́ i tām̄ rí tə́? I kadə̄ j-oy kem dəla loo tə́ a? Mápa gətoó laā ō, man̄ gətóo laā ō, mána ń i yá̰a̰ kəsa kə́ ɓāl̄ ɓō tə́ ní nel̄ tají to̰ aĺ ō.

MATIYE 2:15

Ni-ndi tū tə́ noō bátə́ adə̄ Herod oy. Adə̄ najə̄ ń Kɔ́ɔ̄ɓē əndā ta nge koō ta yān tə́ adə̄ əda ní reē udə gírí. Ni-əda na: m̄-ɓāŕ ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́.

JOJUE 2:10

Tɔdɔ̄ j-oō kadə̄ Kɔ́ɔ̄ɓē rāā adə̄ bā tə̄ɓā gə̄ ḭḭ kɔ̄ɔ́ nosí tə́ adə̄ ī-manīneé dan ń ī-teēī kɔ̄ɔ́ kem ɓē kə́ Ejiptə tə́ ní ō, j-oō kadə̄ ī-tɔ̄lī mban̄g kə́ jōó gə̄ yā Amor gə̄ ń ndin̄ gidə bā Jurdḛ tə́ ní, adə̄ i mban̄g Sihon ō, mban̄g Og ō, tá na ī-nujiī yá̰a̰ yādə́ gə̄ kɔ̄ɔ́ malang tām̄ yā Nə́ɓā tə́ ɓáý to̰ ō.

Teē Ngán Israel gə̄ 23:22

Ré ōōī tan adə̄ ī-rāāī yá̰a̰ gə̄ ń m-ə́dásí ní anī, m-ā m̄-tél nge ba̰ā̰ madə̄ ba̰ā̰sí gə̄ ō, nge rɔ̄ɔ̄ ngé rɔ̄ɔ̄sí gə̄ ō.

PĀ GƏ̄ 45:6

Ādə̄ kum gərā yāí kə́ ta katə gə̄ əlan̄ ɓōĺ kə́ ngá̰ý kem de gə̄ tə́ ō, ādə̄ gərā yāí gə̄ tɔ́sə̄n̄ kújə́ mósə madə̄ ba̰ā̰í gə̄ ō.