TƏ́DA 24:7 - Bibəl ta Sar̄

⁷ Man̄ kə́ kem gembé rə̄ɓā adə̄ aw̄ kə̄ kem ndɔr̄ gə̄ tə́ dɔ kó gə̄ tə́ adə̄ asə kōō gə̄ majə. Mban̄g yā ngán Israel gə̄ a tetə mban̄g Agag rɔ̄ɔ̄. Ko̰o̰ ɓē yān a ḭḭ kə gidəneé.

Bible sar

⁷ Man̄ kə́ kem gembé rə̄ɓā adə̄ aw̄ kə̄ kem ndɔr̄ gə̄ tə́ dɔ kó gə̄ tə́ adə̄ asə kōō gə̄ majə. Mban̄g yā ngán *Israel gə̄ a tetə mban̄g Agag rɔ̄ɔ̄. Ko̰o̰ ɓē yān a ḭḭ kə gidəneé.

TƏ́DA 24:7 Referans Kwoze

1 YÁ̰A̰ GƏ̄ 14:2

Loo ń noō tə́ Dabid ger̄ kadə̄ Kɔ́ɔ̄ɓē əndān mban̄g dɔ Israel gə̄ tə́ ō, ger̄ kadə̄ ɔsən̄ gɔn ko̰o̰ ɓē yān ngá̰ý sɔɔ̄ń Israel gə̄ ń i gír de gə̄ yā Nə́ɓā ní ō.

2 SAMUEL 5:12

Loo ń noō tə́ Dabid ger̄ kadə̄ Kɔ́ɔ̄ɓē əndān mban̄g dɔ Israel gə̄ tə́ ō, ɔsə ko̰o̰ ɓē yān kə̄ dɔɔ́ sɔɔ̄ń ngán Israel gə̄ ń i gír deē yān gə̄ ní ō.

JEJU TEĒ KUM JA̰A̰ 17:1

Anī de kə́ dɔ rā̰ tə́ kógə̄ḿ dan ngé kə́ sīrí gə̄ ń kópə kə́ sīrí gə̄ i jīdə́ tə́ ní, reē ɔr̄ najə̄ seḿ, ədam̄ na: Ī-reē ādə̄ m-ɔ́jiī sarya yā dəyá̰ kə́ nge rāā ájə́ba ngá̰ý ń ndi kadə bā bo gə̄ tə́ ní.

JEREMI 51:13

Ḭ̄ ń ī-ndi ngɔr kadə man̄ kə́ ngá̰ý gə̄ tə́ ō, ḭ̄ ń yá̰a̰ kənge yāí i ngá̰ý ō ní, ndɔ̄í asə, tɔdɔ̄ yá̰a̰ gə̄ malang ń ī-sāā ní, ənge ādə̄ ɔdə jīí kɔ̄ɔ́ ɓáa.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

JEJU TEĒ KUM JA̰A̰ 17:15

Gō tə́ anī de kə́ dɔ rā̰ tə́ ní ədam̄ na: Man̄ gə̄ ń na m-á̰a̰ā̰ loo ń dəyá̰ kə́ nge rāā ájə́ba ndi tū tə́ ní, na i gír de gə̄ ō, kósə de gə̄ ō, nápar de gə̄ ō, gír ta gə̄ ō.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

JA̰A̰ 1:49

Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 48:1

Kojə yā Jakob gə̄, sḭḭ̄ ń rī Israel ɓār̄ dɔsí tə́ ō, i Juda n ojəsí ō ní, ōōī. Sḭḭ̄ ī-túbiī kə rī Kɔ́ɔ̄ɓēé ō, ɔ̄rī najə̄ yā yá̰a̰ gə̄ ń Nə́ɓā yā Israel rāā ní ō, banī sḭḭ̄ i de kə́ rɔ̄kum gə̄ aĺ ō, de kə́ súmūú gə̄ aĺ ō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

PĀ GƏ̄ 68:26

Ngé kənī pā gə̄ i kété, gōsə̄ gə̄ utə̄n̄ gōdə́, ba ngáń kə́ dəyá̰ kə́ ngé kənda kɔdə gə̄ njə̄rān̄ kə gō kadədə́.

PĀ GƏ̄ 18:43

m̄-rāādə́ adə̄ télən̄ bumbə́rú kə́ kadə̄ nél ɔy dáyń. m̄-tə́ɓādə́ njaḿ tə́ tītə̄ bɔr kə́ kum róbó beē

ESDRAS 4:20

Kété ní mban̄g kə́ tɔ́gə́də́ i ngá̰ý gə̄ ndin̄ Jerusalem ba o̰o̰n̄ ɓē dɔ nang kə́ gidə bā Opəratə kə́ dām̄ kə́ no ɓē tə́ malang. De gə̄ əgān̄də́ tīr̄ ō, adə̄n̄də́ lambóo ō, ngé njə̄rā mbā gə̄ adə̄n̄də́ yá̰á̰ ń gāngə̄n̄ najə̄ njə̄rā mbā róbə gə̄ tə́ ní ō.

TƏ́DA 24:20

Gō tə́ anī Balam a̰a̰ Amalek gə̄ ba tə́da najə̄ gə̄ ń toō: Amalek gə̄ i nápar de gə̄ kə́ tɔ́gə́də́ i ngá̰ý, banī ndɔ̄ kə́rēý tə́ anī a nujən̄də́ sák sák kɔ̄ɔ́.

PĀ GƏ̄ 89:27

Ni a ɓārə́m̄ mā na i bɔbə̄n ō, Nə́ɓā yān ō, mbal̄ kə́ nge kajən ō.

1 MBAN̄G GƏ̄ 5:1

Salomo̰ ndi dɔ ɓē ko̰o̰ gə̄ tə́ malang, əla gír dɔ ɓē ko̰o̰ gə̄ kə́ kadə bā Opəratə tə́ ō, dɔ nang yā Pilistin gə̄ tə́ ō, bátə́ ugə̄ń dɔ nin̄ dɔ nang kə́ Ejiptə tə́. Ɓē ko̰o̰ gə̄ ní əgānən̄ lambóo ō, rāān̄ kəla yān ō, bátə́ kadə̄ oyń.

ESTER 3:1

Gō yá̰a̰ gə̄ ń noō tə́ ní mban̄g Jerses əndā Haman kə́ ngōn̄ Hamedata ń i de kə́ gír yā Agag tə́ ní loo kə́ bo tə́. Ni-ɔsə gɔnən ō, əndān dɔ de kə́ bo yān gə̄ tə́ malang ō.

PĀ GƏ̄ 72:11

Mban̄g gə̄ malang a ɔsən̄ nodə́ nang tə́ non tə́. Nápar de gə̄ malang a rāān̄ kəla yān.

IJAI 30:25

Ndɔ̄ ń a tɔ̄lə̄n̄ de gə̄ malang kɔ̄ɔ́ tə́ ní, dan ń kújə rɔ̄ɔ̄ dɔ ɓē tə́ kə́ ngāl̄ ɓururu gə̄ a tə́sōn̄ tə́ ní, ngán man̄ gə̄ a yḭ̄lə̄n̄ loo dɔ mbal̄ bo gə̄ tə́ ō, dɔ ngán mbal̄ gə̄ tə́ ō.