TƏ́DA 24:6 - Bibəl ta Sar̄

⁶ Taān̄ loo tītə̄ man̄ kə́ ḭḭ dɔ mbalá, ton̄ tītə̄ ndɔr̄ gə̄ kə́ kadə bā tə́. Ton̄ tītə̄ kāgə̄ aloe gə̄ ō, kāgə̄ sédər gə̄ ō, kə́ Kɔ́ɔ̄ɓē əndādə́ kadə man̄ tə́.

Bible sar

⁶ Taān̄ loo tītə̄ man̄ kə́ ḭḭ dɔ mbalá, ton̄ tītə̄ ndɔr̄ gə̄ kə́ kadə bā tə́. Ton̄ tītə̄ kāgə̄ aloe gə̄ ō, kāgə̄ sédər gə̄ ō, kə́ Kɔ́ɔ̄ɓē əndādə́ kadə man̄ tə́.

TƏ́DA 24:6 Referans Kwoze

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

PĀ GƏ̄ 104:16

Kāgə̄ gə̄ yā Kɔ́ɔ̄ɓē ō, kāgə̄ sédər kə́ Liban tə́ gə̄ ń Kɔ́ɔ̄ɓē əndādə́ ní ō, əngen̄ man̄ adə̄ asədə́.

EJEKIEL 47:12

Gír kāgə̄ kə́ tayā tayā gə̄ kə́ a anə̄n̄ a əɓan̄ kadə man̄ ní tə́ dɔ gɔ́sə bāá dām̄ jōó mbak. Mbīdə́ a ndəlē aĺ ō, kan̄də́ a təgā aĺ ō. Nin̄ a anə̄n̄ kə dɔ nāā gə̄, tɔdɔ̄ man̄ ní teē i kem loo kə́ táĺ tə́. De gə̄ a əsan̄ kan̄də́ gə̄ ō, mbīdə́ a adə̄ de kə́ mo̰y rɔ̄ ngan̄g ō.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JEREMI 17:18

Ādə̄ rɔ̄sɔl̄ rāā ngé rāām̄ yá̰á̰ kə́ tōr̄ gə̄, ba ādə̄ rāām̄ mā alé. Ādə̄ i nin̄ n ndewn̄, ba i mā alé. Ī-rāā ādə̄ ndɔ̄ yá̰á̰ kə́ to kum kaȳ aĺ əsō dɔdə́ tə́. Ī-nujə sedə́ ba ī-tél ī-nujə sedə́ ɓáý to̰.

IJAI 41:19

M-ā m-ə̄ndā kāgə̄ kə́ tayā tayā gə̄ kem dəla loo tə́, kāgə̄ kə́ bo gə̄ ō kə́ dūú gə̄ ō. Gō nang ń man̄ gətóo tū tə́ ní, kāgə̄ gə̄ kə́ kə gō gíŕdə́ gēé tayā tayā ní, m-ā m̄-ɓoodə́ naā tə́ tū tə́.

PĀ KƏ́ MAJƏ 6:11

M-āw̄ kem ndɔr̄ kāgə̄ nəwayēe gə̄ tə́ ka̰a̰ ngán kāgə̄ gə̄ kə́ əɓan̄ wól loo tə́, ka̰a̰ kāgə̄ nduú tə́ ké ta jīn gə̄ sitən̄ wa ō, ka̰a̰ kāgə̄ gərenadə gə̄ tə́ ké hútə̄n̄ wa ō.

PĀ GƏ̄ 45:8

Yá̰á̰ kə́ gōtə́ nelī, ba yá̰á̰ kə́ majaĺ nelī aĺ ngá̰ý. Nə́ɓā, i tām̄ ń toō tə́ n Nə́ɓā yāí ur yibə̄ rɔ̄nel̄ dɔí tə́ gə̄rāīneé ḭ̄ ba i madí gə̄ aĺ ní.

TA KƏLA 13:10

Lot un kumən kə́ dɔɔ́ anī a̰a̰ ndágə loo kə́ Jurdḛ tə́ ń man̄ aw̄ tū tə́ majə ní. Kété tá kadə̄ Kɔ́ɔ̄ɓē nujə Sodom ō, Gomor ō ní, ndágə loo kə́ Jurdḛ tə́ ní to i tītə̄ loo kə́ kem ndɔr̄ yā Kɔ́ɔ̄ɓē tə́ ō, to i tītə̄ dɔ nang kə́ Ejiptə tə́ ō, bátə́ ugə̄ń Soar.

TƏ́DA 24:5

Ngán Israel gə̄, sḭḭ̄ ń i de gə̄ kə́ gír kaa yā Jakob tə́ ní, kújə tandā yāsí gə̄ ń ī-ndiī kemeé ní majən̄ ngá̰ý.