TƏ́DA 24:5 - Bibəl ta Sar̄

⁵ Ngán Israel gə̄, sḭḭ̄ ń i de gə̄ kə́ gír kaa yā Jakob tə́ ní, kújə tandā yāsí gə̄ ń ī-ndiī kemeé ní majən̄ ngá̰ý.

Bible sar

⁵ Ngán Israel gə̄, sḭḭ̄ ń i de gə̄ kə́ gír kaa yā Jakob tə́ ní, kújə tandā yāsí gə̄ ń ī-ndiī kemeé ní majən̄ ngá̰ý.

TƏ́DA 24:5 Referans Kwoze

TƏ́DA 24:4

mā ń i de kə́ nge koō najə̄ kɔr̄ Nə́ɓā ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjəm̄ ō ní, dan ń m̄-rɔȳ Nə́ɓā anī, ni tḛḛ̄ kumḿ adə̄ m-á̰á̰ yá̰á̰ kə́ to lo mundə̄ tə́. Ōōī najə̄ kɔrə̄ḿ:

TƏ́DA 24:6

Taān̄ loo tītə̄ man̄ kə́ ḭḭ dɔ mbalá, ton̄ tītə̄ ndɔr̄ gə̄ kə́ kadə bā tə́. Ton̄ tītə̄ kāgə̄ aloe gə̄ ō, kāgə̄ sédər gə̄ ō, kə́ Kɔ́ɔ̄ɓē əndādə́ kadə man̄ tə́.

Teē Ngán Israel gə̄ 38:21

Gində̄ gə̄ malang ń rāān̄neé kújə ndi Kɔ́ɔ̄ɓē yā kəndā sandúkə ndū najə̄ kemeé ní n toó. I Moijə n mēr̄ ngán Lebi gə̄ mbɔ̄jə́ kɔȳn ní. Deē ń ɔr no ngán Lebi gə̄ loo mbɔ̄jə́ kɔȳn tə́ ní i Itamar ngōn̄ Aaro̰ nge tun̄ yá̰a̰.

LEBI GƏ̄ 23:42

Sḭḭ̄ ngán Israel gə̄ malang ā ī-ndiī kem kújə́ kámbə gə̄ tə́ ndɔ̄ sīrí,

TƏ́DA 2:34

Yá̰a̰ malang ń ngán Israel gə̄ rāān̄ ní, rāān̄ i kə gō ń Kɔ́ɔ̄ɓē ədań Moijə ní. Nin̄ ndin̄ ɓē i kə gō ɓūtə̄ yādə́ gēé, kadə dərapóo yādə́ gə̄ tə́ ō, ré a ndɔ́tə̄n̄ ɓē anī a njə̄rān̄ i kə gō gír kaadə́ gēé ō, gír kojə yādə́ gēé ō.

TƏ́DA 24:2

Dan ń ni un kumən kə̄ dɔɔ́ á a̰a̰ ngán Israel gə̄ kə́ ndin̄ kem gérger yādə́ gə̄ tə́ kə gō gír ɓē yādə́ gēé ní anī, Ndíl yā Nə́ɓā reē dɔn tə́,

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

JOJUE 24:10

Banī m̄-mbātə́ koō najə̄ yā Balam, adə̄ ni tɔ́r̄ i tan tá dɔsí tə́. I beé n m̄-gāngəń dɔsí jī Balak tə́ ní.

NEHEMI 13:2

Tɔdɔ̄ nin̄ tə́nīn̄ ta ngán Israel gə̄ kə yá̰a̰ kəsaá aĺ ō, kə maná aĺ ō. Tá Moab gə̄ mangən̄ Balam kə naraá kadə̄ ndɔ̄ĺ ngán Israel gə̄ ō, banī Nə́ɓā yājí tūr̄ ndɔ̄ĺ adə̄ tél i tɔ́r̄ ta.

PĀ GƏ̄ 84:2

Kɔ́ɔ̄ɓē kə́ ɓoo kə́ tɔ́gən i ngá̰ý, nelə̄m̄ kə kújə yāí gēé ngá̰ý!

PĀ KƏ́ MAJƏ 4:7

Ī-mandə ngá̰ý, madə́! Looí kə́ majaĺ gətóo!

PĀ KƏ́ MAJƏ 6:4

Madə́, ī-majə tītə̄ ɓē ń rīn na i Tirsa ní ō, tītə̄ ɓē kə́ Jerusalem ō, ī-to ɓōĺ tītə̄ yá̰á̰ kə́ bo gə̄ kə́ dɔ rā̰ tə́ ō.

MALASI 2:12

Ré deē kógə̄ḿ rāā yá̰á̰ kə́ tītə̄ ń noō anī, ādə̄ Kɔ́ɔ̄ɓē rāā adə̄ gír kojə yān malang gətóo kɔ̄ɔ́, dan ngán Israel gə̄ tə́! Ādə̄ de kə́ nge kadə̄ Kɔ́ɔ̄ɓē kə́ bo kə́ tɔ́gən i ngá̰ý yá̰a̰ ndējə̄ gə̄ kə rīneé to̰ gətóo!