TƏ́DA 24:4 - Bibəl ta Sar̄

⁴ mā ń i de kə́ nge koō najə̄ kɔr̄ Nə́ɓā ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjəm̄ ō ní, dan ń m̄-rɔȳ Nə́ɓā anī, ni tḛḛ̄ kumḿ adə̄ m-á̰á̰ yá̰á̰ kə́ to lo mundə̄ tə́. Ōōī najə̄ kɔrə̄ḿ:

Bible sar

⁴ mā ń i de kə́ nge koō najə̄ kɔr̄ Nə́ɓā ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjəm̄ ō ní, dan ń m̄-rɔȳ Nə́ɓā anī, ni tḛḛ̄ kumḿ adə̄ m-á̰á̰ yá̰á̰ kə́ to lo mundə̄ tə́. Ōōī najə̄ kɔrə̄ḿ:

TƏ́DA 24:4 Referans Kwoze

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

EJEKIEL 1:28

Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

KƏLA RĀĀ 22:17

m̄-tél m-āw̄ gogə́ Jerusalem, ba dan ń m̄-ndi m-ā m̄-ndɔ̄ȳ kem kújə yā Kɔ́ɔ̄ɓē tə́ anī, m-á̰á̰ yá̰á̰ kógə̄ḿ.

KƏLA RĀĀ 10:19

Piyer ndi a gír̄ kum yá̰á̰ ń ndɔ̄wn ní ɓáý anī, Ndíl ədan na: De gə̄ mətá ra a sāānī laā.

KƏLA RĀĀ 10:10

Banī ɓō rāān adə̄ gḛy kəsa yá̰a̰. Ba dan ń a rāān̄ yá̰a̰ kəsa tām̄ yān tə́ anī, ni-a̰a̰ yá̰á̰ kógə̄ḿ.

PĀ GƏ̄ 89:19

Nge ń i der yājí ō mban̄g yājí ō ní, ndi i kə ta kūl̄ Kɔ́ɔ̄ɓēé ō, kə ta kūl̄ kə́ táĺ yā Israel ō.

1 SAMUEL 19:24

Ni-ɔr̄ kūbə̄ kə́ rɔ̄n tə́ tītə̄ yā madə̄n gə̄ ō, ba a̰a̰ oy oy no Samuel tə́ ō. Gō tə́ anī teē əsō nang tə́ ba to rɔ̄n karī ndɔ̄ ń noō tə́ bátə́ loo tíbə dɔn tə́ ō, loo tīī dɔn tə́ ō. I tām̄ najə̄ ń noō tə́ n de gə̄ a ədan̄neé na ké Saul i dan nge koō ta gə̄ tə́ ō wa ní.

TƏ́DA 22:31

Anī Kɔ́ɔ̄ɓē teē kum Balam adə̄ ni-a̰a̰ nge kaw̄ kəla yā Kɔ́ɔ̄ɓē n ra kum róbó kə njár̄ kəyā kaskaraá jīn tə́ ní. Kə̄ ta jī tə́ noō Balam ɔsə non nang tə́ non tə́.

TƏ́DA 22:20

Nə́ɓā reē rɔ̄ Balam tə́ ndɔ̄ɔ́ ədan na: Ré de gə̄ ń toō reēn̄ i ɓāríī tə́ anī āw̄ sedə́. Ba i yá̰á̰ ń m-ā m-ɔ́jiī ní ngóy n ā ī-rāā ní.

TA KƏLA 15:12

Ta mbang kudə tə́ anī, ɓīī rāā Abəram, adə̄ ɓīī ɓīī kə́ gōn əsō. Anī ɓōĺ kə́ ngá̰ý rāān.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

TƏ́DA 24:5

Ngán Israel gə̄, sḭḭ̄ ń i de gə̄ kə́ gír kaa yā Jakob tə́ ní, kújə tandā yāsí gə̄ ń ī-ndiī kemeé ní majən̄ ngá̰ý.

TƏ́DA 24:15

Anī Balam tə́da najə̄ gə̄ ń toō: Mā Balam ngōn̄ Beor, mā ń i de kə́ kumḿ a̰a̰ yá̰á̰ kə́ to loo mundə̄ tə́ ō, mā ń i de kə́ nge koō najə̄ kɔr̄ Nə́ɓā ō, mā ń i nge ger̄ yá̰a̰ yā Nə́ɓā kə́ dɔɔ́ sa̰y ngá̰ý ní ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjə̄m̄ ní ō. Dan ń m̄-rɔȳ Nə́ɓā anī, ni-tḛḛ̄ kumḿ adə̄ m-á̰á̰ yá̰á̰ kə́ to loo mundə̄ tə́.

1 MBAN̄G GƏ̄ 22:17

Anī Mise tūr̄ ədan na n-a̰a̰ ngán Israel gə̄ malang tḭ̄ḭ̄n̄ naā kə̄ dɔ mbal̄ gə̄ tə́ tītə̄ batə̄ gə̄ kə́ nge kul̄də́ gətóo beé, ba Kɔ́ɔ̄ɓē əda na de gə̄ ń toō ngoldə́ gətóó ní, ādə̄ náā nəkɔ́ a tél ta kaw̄ gogə́ ɓēé kə kem kə́ sɔl̄ lɔmɔɔ́!