TƏ́DA 24:18 - Bibəl ta Sar̄

¹⁸ Ni a taā ɓē kə́ Edom ō, gō nang kə́ Seir ń i ɓē yā madə̄ ba̰ā̰n gə̄ ní ō. Israel ɔjə tɔ́gən kə̄ ndágá.

Bible sar

¹⁸ Ni a taā ɓē kə́ Edom ō, gō nang kə́ Seir ń i ɓē yā madə̄ ba̰ā̰n gə̄ ní ō. Israel ɔjə tɔ́gən kə̄ ndágá.

TƏ́DA 24:18 Referans Kwoze

AMOS 9:12

Loo ń noō tə́ ngán Israel gə̄ a télən̄ yā taā dɔ nang kə́ jóo gə̄ yā ɓē ko̰o̰ kə́ Edom ō, yā nápar de gə̄ ń ger̄mə̄n̄ kété ní ō. I mā Kɔ́ɔ̄ɓē n m-ə́da najə̄ ń noō ní ō, m-ā m̄-rāā yá̰á̰ ní ō.

2 SAMUEL 8:14

Dabid tə́ndā ngé ko̰o̰ ɓē gə̄ dɔ nang kə́ Edom tə́ kə taá malang, adə̄ Edom gə̄ télən̄ ɓəlo gə̄ yā Dabid. Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.

TA KƏLA 27:29

Ādə̄ gír de gə̄ rāān̄ kəla yāí! Ādə̄ gír nápar de gə̄ ɔsən̄ nodə́ nang tə́ noí tə́! Ī-tél ngol ngákó̰ó̰í gə̄, ādə̄ ngákó̰ó̰í gə̄ ɔsən̄ nodə́ nang tə́ noí tə́! Ādə̄ ndɔ̄ĺ i dɔ deē ń a ndɔ̄líī tə́ ní, ba ādə̄ tɔ́r̄ ta i dɔ deē ń a tɔ́r̄ tan dɔí tə́ ní!

IJAI 63:1

Deē ń ḭḭ dɔ nang kə́ Edom tə́, kem ɓē bo kə́ Bosra tə́ reē toó i náā? Man̄ yá̰á̰ kə́ kərē tákə̄ kūbə̄ yān gə̄. Ni o̰ō̰ i kūbə̄ kə́ majə ngá̰ý gə̄. Ni-njə̄rā kə̄ kété ba ənda kadən, ni-əndā kemən dɔ tɔ́gən tə́ mámák. Kɔ́ɔ̄ɓē əda na: I mā. Sarya gāngə̄ḿ i gōtə́, m-ásə kajəsí.

IJAI 34:5

Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.

PĀ GƏ̄ 60:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Dabid kə́ yā kəgań kem deē dɔ yá̰á̰ kə́ rāā yá̰á̰ tə́ ō, yā ndóoń deē yá̰a̰ ō.

TA KƏLA 32:3

Dan ń Jakob a̰a̰də́ anī əda na loo ń toō i gérger yā Nə́ɓā, adə̄ ni əndā rī loo ní na i Mahanaim.

TA KƏLA 27:40

Ā ī-ndi kə kumií i kə ta kūl̄ kaskar yāí ō, ā ī-rāā i ɓer̄ yā ngōkó̰ó̰í ō, ba ā ī-tetə njúkə yān kɔ́í tə́ yā teēń dɔɔ́.

TƏ́DA 20:18

Banī mban̄g kə́ Edom tél ədan na: Ā ī-mānī dɔ nang yāḿ tə́ alé. Ré ī-nāāī mān̄ anī m-ā m̄-rɔ̄ɔ̄sí.

TƏ́DA 24:19

Nge ko̰o̰ ɓē kógə̄ḿ teē dan ngán Jakob gə̄ tə́, gotə de gə̄ ń na̰yn̄ kem ɓēé ní, ni-tɔ̄l̄də́ malang.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

ABƏDIAS 1:2

Kɔ́ɔ̄ɓē əda na: Edom, m-ā m̄-rāāī kadə̄ ā ī-tél ā ī-dūú dan nápar de gə̄ tə́. A kídīn̄ tɔȳ de gə̄ malang.

1 MBAN̄G GƏ̄ 11:14

Kɔ́ɔ̄ɓē sə̄lā madə̄ ba̰ā̰ kógə̄ḿ dɔ Salomo̰ tə́. Rīn na i Hadad. Ni i de kə́ Edom, gír kaan i gír kaa mban̄g.

1 MBAN̄G GƏ̄ 11:15

Kété dan ń Dabid rɔ̄ɔ̄ ɓē kə́ Edom ní, Joab ń i ngol áskar yān gə̄ ní ɔy ngé rɔ̄ɔ̄ yān gə̄ aw̄ dubə̄ń nīń ngán Israel gə̄ ń oyn̄ ta rɔ̄ɔ̄ tə́ ní kem ɓē kə́ Edom tə́. Gō tə́ anī ni tɔ̄l̄ de kə́ dəngam gə̄ kə́ kem ɓē kə́ Edom tə́ kɔ̄ɔ́ malang.