TƏ́DA 24:17 - Bibəl ta Sar̄

¹⁷ Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

Bible sar

¹⁷ Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán *Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

TƏ́DA 24:17 Referans Kwoze

JEJU TEĒ KUM JA̰A̰ 22:16

Mā Jeju, m-ə́la deē yāḿ kə́ dɔ rā̰ tə́ kadə̄ reē teē kumsí dɔ yá̰a̰ gə̄ ń noō tə́ malang kə̄ kem Egəlijə gə̄ tə́. Mā i de kə́ gír kojə yā Dabid tə́ ō, dɔgə́ loo tīī kə́ ndə́lē ō.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

2 PIYER 1:19

Adə̄ jḭḭ j-əhɔ gír najə̄ ń ngé koō ta gə̄ ədan̄ ní adə̄ ngan̄g ngá̰ý tɔȳ kə́ kété ɓáý. Ré ə̄ndāī kumsí gír najə̄ ní tə́ anī, ī-rāāī i yá̰á̰ kə́ majə. Tɔdɔ̄ ni-to i tītə̄ hor lámbá kə́ unjə̄ loo kə́ risə til tə́ beé bátə́ kadə̄ loo tīīń ō, tītə̄ dɔgə́ loo tīī kə́ teē ngarān̄g kemsí tə́ beé ō.

JAKARI 10:4

Ngār kə́ tayā tayā gə̄ a ḭḭn̄ Juda yā reē. Nin̄ ngangə̄n̄ tītə̄ mbal̄ kə́ majə tām̄ yā kújə́ tə́ beē, tītə̄ bēl̄ gə̄ kə́ yā kənda nang tə́ do̰ō̰ń kújə tandā beé, tītə̄ ga̰ gərā kə́ yā rɔ̄ɔń beē.

PĀ GƏ̄ 45:6

Ādə̄ kum gərā yāí kə́ ta katə gə̄ əlan̄ ɓōĺ kə́ ngá̰ý kem de gə̄ tə́ ō, ādə̄ gərā yāí gə̄ tɔ́sə̄n̄ kújə́ mósə madə̄ ba̰ā̰í gə̄ ō.

Najə̄ kə́ Majə yā Jeju ń Luk ndang ní 1:78

Tɔdɔ̄ kum Nə́ɓā yājí o̰o̰n ngá̰ý ō, kemən majə ngá̰ý ō. Ni a rāā kadə̄ loo kə́ unjə̄ kow kógə̄ḿ ḭḭ dɔ rā̰ tə́ unjə̄ dɔjí tə́ kow tītə̄ mbang kə́ əɓa gír ɓē tə́ beé.

HEBƏRO 1:8

Banī tām̄ yā ngōn̄ Nə́ɓā tə́ ɓáa Nə́ɓā əda na: Kōr̄ kāgə̄ mbang yāí ḭ̄ Nə́ɓā i kə́ kəndān kadə̄ ndi ngándáńg. Ḭ̄ ā ó̰o̰ ɓē yāí i kə yá̰a̰ rāā kə́ gōtə́.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

1 YÁ̰A̰ GƏ̄ 18:2

Ni-tetə Moab gə̄ rɔ̄ɔ̄ ō, adə̄ nin̄ télən̄ ngé kəla yān gə̄ kə́ a əgānən̄ tír̄.

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

JEREMI 48:45

Ngé ka̰ȳ naā kə́ kɔr asədə́ nák gə̄ reē dəban̄ ndílí kem ɓē kə́ Hesəbon tə́. Banī hor əɓa bup Hesəbon, ta ndo̰ hor teē kem kújə yā mban̄g Sihon tə́ kə̄ ndagá ba o̰o̰ bɔ̄gə̄ ɓē gə̄ kə́ Moab ō, kār̄ dɔ ngé kutə mbī gə̄ ō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

IJAI 15:1

Najə̄ kə́ tām̄ yā ɓē kə́ Moab tə́. A̰á̰ā̰, ndɔ̄ɔ́, kem ndɔ̄ kə́ kógə̄ḿ beē tə́, nujən̄ ɓē kə́ Ar kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́. A̰á̰ā̰, ndɔ̄ɔ́ kem ndɔ̄ kə́ kógə̄ḿ beē tə́, nujən̄ ɓē kə́ Kir kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

2 MBAN̄G 3:5

Ba dan ń Akab oy kɔ̄ɔ́ anī, Mesa mbātə́ kadə̄ Joram ń o̰o̰ ɓē gotən tə́ ní ni-ndi dɔn tə́.

1 SAMUEL 14:38

Anī Saul ɓāŕ ngār gə̄ malang ba ədadə́ na: Ə̄ndāī ma̰ȳ majə á̰a̰ī ké i yá̰á̰ rí kə́ majaĺ n i kə́ rāā ɓōólaā ní wa.

TƏ́DA 21:29

Moab, yá̰á̰ kə́ to kum kaȳ aĺ əso dɔí tə́. Sḭḭ̄ ngé rāā ɓesə̄ Kemos gə̄, tasí tḭ̄ḭ̄ kɔ̄ɔ́. Moab, rāān̄ ngání kə́ dəngam gə̄ adə̄ a̰ȳn̄ naā ram ram. Rāān̄ ngé kə́ dəyá̰ gə̄ ɓəlo yā Sihon mban̄g yā Amor gə̄ tə́.

HEBƏRO 7:14

De gə̄ malang gerə̄n̄ kadə̄ Kɔ́ɔ̄ɓē yājí i de kə́ gír ɓē yā Juda tə́, ojənən̄ i noó. Ba dan ń Moijə ɔr̄ najə̄ yā ngé tun̄ yá̰a̰ gə̄ ní, ni-əda najə̄ kógə̄ḿ dɔ gír ɓē ń noō tə́ alé.

2 SAMUEL 8:14

Dabid tə́ndā ngé ko̰o̰ ɓē gə̄ dɔ nang kə́ Edom tə́ kə taá malang, adə̄ Edom gə̄ télən̄ ɓəlo gə̄ yā Dabid. Kɔ́ɔ̄ɓē rāā adə̄ Dabid tetə rɔ̄ɔ̄ loo malang ń ni-aw̄ rɔ̄ɔ̄ tə́ tū tə́ ní.

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.