TƏ́DA 24:14 - Bibəl ta Sar̄

¹⁴ Ngɔlaā m-ā m̄-tél yā kaw̄ gogə́ rɔ̄ de gə̄ yāḿ gə̄ tə́, ba ī-reē ādə̄ m-ə́daī yá̰á̰ ń ndɔ̄ń tə́ anī ngán Israel gə̄ a rāān̄ kə de yāí gēé ní.

Bible sar

¹⁴ Ngɔlaā m-ā m̄-tél yā kaw̄ gogə́ rɔ̄ de gə̄ yāḿ gə̄ tə́, ba ī-reē ādə̄ m-ə́daī yá̰á̰ ń ndɔ̄ń tə́ anī ngán *Israel gə̄ a rāān̄ kə de yāí gēé ní.

TƏ́DA 24:14 Referans Kwoze

MISE 6:5

Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

2 TIMOTE 3:1

Yá̰á̰ ń kadə̄ ī-ger̄ majə ní n toó: Ta ngóy ndɔ̄ gə̄ tə́ anī, kum mbang kə́ tōr̄ gə̄ a ton̄.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

JEREMI 49:39

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

IJAI 24:22

A kánə̄n̄də́ tītə̄ dəngáy gə̄ beé kem bəlo kógə̄ḿ kə́ bo tə́. A utə̄n̄ tadə́ kem kújə dəngáý kógə̄ḿ tə́. Ndɔ̄ ngá̰ý gō tə́ anī, i gáŕ kadə̄ nin̄ a ɔjən̄ yá̰a̰ rāādə́ gə̄.

TƏ́DA 24:17

Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

TƏ́DA 24:25

Balam tə́da najə̄ gə̄ ń noō oy anī, ɔtə əsō róbó ta kaw̄ kə̄ gogə́ ɓēé looneé ō, Balak ɔtə aw̄ loo yān ō.

JOJUE 13:22

Balam kə́ kɔdə̄sā kə́ ngōn̄ Beor i dan de gə̄ ń ngán Israel gə̄ tɔ̄lə̄n̄də́ kə kaskaraá ní tə́ ō.