TƏ́DA 23:9 - Bibəl ta Sar̄

⁹ Ré m̄-ra ta tél mbal̄ gə̄ tə́ ba m-á̰a̰ dɔdə́ anī, ré m̄-ra dɔ ngán mbal̄ gə̄ tə́ dɔɔ́ ba m-ə̄ndā ma̰ȳdə́ anī, m-á̰a̰ i gír de gə̄ kə́ ndin̄ tayā ba əlan̄ rɔ̄də́ dan nápar de kə́ rang gə̄ tə́ alé.

Bible sar

⁹ Ré m̄-ra ta tél mbal̄ gə̄ tə́ ba m-á̰a̰ dɔdə́ anī, ré m̄-ra dɔ ngán mbal̄ gə̄ tə́ dɔɔ́ ba m-ə̄ndā ma̰ȳdə́ anī, m-á̰a̰ i gír de gə̄ kə́ ndin̄ tayā ba əlan̄ rɔ̄də́ dan nápar de kə́ rang gə̄ tə́ alé.

TƏ́DA 23:9 Referans Kwoze

NDŪ NAJƏ̄ 33:28

Ngán Israel gə̄ ənīn̄ kemdə́ báŕ báŕ ndin̄neé tām̄ yá̰á̰ kə́ yā rāādə́ gətóo. Ngán kaa Jakob gə̄ aw̄ ndin̄ loo kə́ yá̰á̰ kə́ majaĺ a rāādə́ tū tə́ aĺ tə́. Nin̄ ndin̄ i dɔ nang kə́ kōō gémē ō, kāgə̄ nduú ō, a əɓan̄ tū tə́ i kə ta kūl̄ tal kə́ ngá̰ý kə́ ḭḭ dɔ rā̰ tə́.

NDŪ NAJƏ̄ 32:8

Dan ń Nə́ɓā kə́ dɔɔ́ sa̰y ngá̰ý gán̄g dɔ nang adə̄ nápar de gə̄ ō, ɔr̄ kam̄ de gə̄ naā tə́ ō ní, əndā dɔ nin̄ loo yā gír de gə̄ i kə gō kutə ngán Israel gēé.

Teē Ngán Israel gə̄ 33:16

Tɔdɔ̄ ré na aw̄ sedə́ aĺ anī ké a gerə̄n̄ kadə̄ na rāā kem majə kə gír deē yān gēé ō, seneé ní Moijə ō, ké i ba̰ý wa. Na i ndin ni Kɔ́ɔ̄ɓē dɔ dáńdə́ tə́ ngóy n na a ɔjə kadə̄ nin̄ na i gír de gə̄ kə́ na n-ton̄ tītə̄ gotə gír de kə́ dɔ nang tə́ laā gə̄ aĺ ní.

ESTER 3:8

Haman əda mban̄g Jerses na: Kɔ́ɔ̄ ɓē gə̄, gír deē kógə̄ḿ kə́ dáńg gə̄ kə́ tə̄ndā tḭ̄ḭ̄n̄də́ kə̄ loo gə̄ tə́ dan gír de gə̄ tə́ gō nang gə̄ kə́ kem ɓē ko̰o̰ yāí tə́ ndin̄ noó. Nin̄ ndin̄ i tayā ō, yá̰a̰ kāgə̄ ɓē yādə́ tō tītə̄ yā gír de kə́ rang gə̄ aĺ ō, yá̰a̰ gə̄ ń ndū najə̄ yā mban̄g əda kadə̄ yā rāā ní nin̄ rāān̄ aĺ ō. Ré mban̄g əya̰də́ adə̄ ndin̄ jəke anī yá̰á̰ kə́ mban̄g a ənge gírí gətóo.

ESDRAS 9:2

Na táān̄ dəyá̰ gə̄ dan gír de gə̄ ń noō tə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ kə́ dəngam gə̄ tə́ ō. Adə̄ ngán Israel gə̄ ń i de kə́ táĺ gə̄ ní na gurə́n̄ naā kə de kə́ kem ɓēé gēé. Na i ngār gə̄ ō, de kə́ bo gə̄ ō n əlan̄ gír rāā yá̰a̰ gə̄ kə́ majaĺ ń noō ń ɔjə kadə̄ nin̄ ran̄ dɔ ndūdə́ tə́ aĺ ní.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

AMOS 9:9

A̰á̰ā̰, m-ā m-ə́dá yá̰a̰ gə̄ kə́ kadə̄ de gə̄ rāān̄, dan nápar de gə̄ tə́ malang ní, m-ā m̄-yéȳ gír de gə̄ ń i ngán Israel gə̄ ní, tītə̄ ń deē a əgań kum yá̰a̰ kə yḛngəreé noō beē, adə̄ kɔkərɔ kógə̄ḿ a əsō nang tə́ alé.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

JEREMI 49:31

Ḭ́ḭī dɔɔ́, āw̄ ə̄nīī nápar de kə́ usədə́ yá̰a̰ aĺ gə̄ ń ndin̄ kanjə̄ sōl̄ yá̰á̰ kógə̄ḿ ní rɔ̄ɔ̄. Najə̄ ń Kɔ́ɔ̄ɓē əda ní n noó. Ta róbə yādə́ gə̄ gətóon̄ ō, gində̄ kutə ta róbə yādə́ gə̄ gətóon̄ ō. I de gə̄ kə́ nin̄ ndin̄ i kə kéŕdə́.

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!