TƏ́DA 23:24 - Bibəl ta Sar̄

²⁴ Á̰a̰ī gír de gə̄ kə́ a ḭḭn̄ kə̄ dɔɔ́ tītə̄ dā̰ kə́ do̰, á̰a̰ī kósə de gə̄ kə́ ḭḭ ran̄ dɔɔ́ tītə̄ ɓɔl. Ni-əsa dā̰ kəhɔn ō, a̰ȳ mósən ō, pá tá tél to nang tə́.

Bible sar

²⁴ Á̰a̰ī gír de gə̄ kə́ a ḭḭn̄ kə̄ dɔɔ́ tītə̄ dā̰ kə́ do̰, á̰a̰ī kósə de gə̄ kə́ ḭḭ ran̄ dɔɔ́ tītə̄ ɓɔl. Ni-əsa dā̰ kəhɔn ō, a̰ȳ mósən ō, pá tá tél to nang tə́.

TƏ́DA 23:24 Referans Kwoze

TA KƏLA 49:9

Ngōnə̄ḿ Juda, ḭ̄ i ɓɔl kə́ əhɔ dā̰ əsan, ba tél a aw̄ kə̄ gogə́ loo ton tə́. Ɓɔl tétə̄ kejən ba to nang tə́ anī, i náā-n asə rāān kadə̄ ḭḭ dɔɔ́?

TA KƏLA 49:27

Benjamḛ i soó kə́ nge rə́yā̰ dā̰ naā tə́. Kə ndɔ̄í ni əsa dā̰ kəhɔn, ba loo sɔlí anī kēgə̄n̄ naā yá̰a̰ kə́ kənge loo rɔ̄ɔ̄ tə́ kə madə̄n gēé.

JEJU TEĒ KUM JA̰A̰ 5:5

Banī deē kógə̄ḿ kə́ dan kum kɔɔ̄ gə̄ tə́ ədam̄ na kə m̄-nōō alé. Na kə m-á̰a̰ā̰, na ɓɔl kə́ gír ɓē yā Juda tə́ ń i de kə́ gír kaa yā Dabid tə́ ní, na tetə rɔ̄ɔ̄ yā kɔsəń mbō̰ kə́ sīrí gə̄ kə́ tū makətūbə̄ ní tə́ kɔr̄ ō, na tetə rɔ̄ɔ̄ yā teēń kemən ō.

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.

TƏ́DA 24:17

Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

NAHUM 2:11

Ɓogən̄ yá̰a̰ malang kɔ̄ɔ́ ō, tɔ̄ɔ̄n̄ yá̰a̰ malang kɔ̄ɔ́ ō, rējə̄n̄ yá̰a̰ malang kɔ̄ɔ́ ō. Jī de gə̄ ur̄ wak kɔ̄ɔ́ ō, njadə́ udə̄ lagəja ō, ndewn̄ kə̄ rɔ̄də́ gə̄ tə́ malang ō, ta kumdə́ tūr̄ kɔ̄ɔ́ ō.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 31:4

Najə̄ ń Kɔ́ɔ̄ɓē ədam̄ ní n toó: A ɓārə́n̄ i nge ngɔ̄m̄ yá̰a̰ kul̄ gə̄ kə́ nin̄ i ngá̰ý yā kadə̄ reē rɔ̄ɔ̄nən̄. Banī ni ɓōĺ kɔĺ yādə́ gə̄ ń a urən̄ ní alé. Kōōdə́ ń a ɓār̄ ní usən alé. Mā Kɔ́ɔ̄ɓē kə́ bo kə́ tɔ́gən i ngá̰ý ní, yāḿ mā a to i tītə̄ ń noō ō, m-ā m̄-risə dɔ mbal̄ Siyo̰ tə́, dɔ ngōn̄ yān tə́ yā rɔ̄ɔ̄.

PĀ GƏ̄ 17:12

Nin̄ ton̄ tītə̄ ɓɔl kə́ ngóō ta dā̰ sḛḛ yā rə́yā̰n naā tə́ beē, ton̄ tītə̄ balsáa ɓɔl kə́ ɓɔ̄ɔ̄ rɔ̄n kem túpə́ kámbə́ tə́ beē.

NDŪ NAJƏ̄ 33:20

Yá̰á̰ ń Moijə əda dɔ Gad tə́ ní n toó: Ādə̄ de gə̄ tɔ̄ȳn̄ Kɔ́ɔ̄ɓē nge kadə̄ Gad dɔ nang kə́ laa. Gad to a əsa dā̰ yān kə́ əhɔn tītə̄ ɓɔl. Ni-rə̄yā̰ kɔ̄bən ō, njar dɔn ō.

TƏ́DA 23:25

Balak əda na: Ré ī-ndigə ndɔ̄ĺdə́ aĺ anī, ī-lōō gíŕ tɔ́r̄ taí tə́ dɔdə́ tə́.

NAHUM 2:12

Ɓē ń ɓɔl gə̄ ndin̄ tū tə́ kété ní, tél i rí? Kété ní, ngán ɓɔl gə̄ a əngen̄ yá̰a̰ kəsa yādə́ i kem ɓē ní tə́. Dan ń ɓɔl aw̄ sāā yá̰a̰ kəsaá anī, de kə́ ɔdə rɔ̄ ngánən gə̄ gətóo.

1 MBAN̄G GƏ̄ 10:20

Ba loo kə́ mehḛ́ gə̄ kə́ kadə̄ deē tə́ndā njan tū tə́ ní, rāān̄ ɓɔl gə̄ kutə gidə i jōó kə gō kadaá, mehḛ́ dām̄ kə́rēý tə́ ō, mehḛ́ dām̄ kə́ noō tə́ ō. Rāān̄ yá̰á̰ kə́ tītə̄ ń noō kem ɓē ko̰o̰ kə́rēý tə́ aĺ ɓáý.

2 YÁ̰A̰ GƏ̄ 9:18

Kōr̄ kāgə̄ mbang ní əndān̄ i dɔ loo kə́ rāān̄ adə̄ ḭḭ kə̄ dɔɔ́ tə́. Ba rāān̄ loo tə́ndā nja kə́ yā kal̄ kaw̄ń dɔ loo ní tə́ gír i mehḛ́. Rāān̄ yá̰a̰ kəndā nja dɔ tə́ kógə̄ḿ kə lɔ́rɔ́ ta kōr̄ kāgə̄ mbang ní tə́ ō. Rāān̄ loo ɓōkə́ jī gə̄ tū kōr̄ kāgə̄ mbang ní tə́ dām̄ jōó ō, rāān̄ ɓɔl gə̄ jōó ba tə́ndān̄də́ kadə loo ɓōkə́ jī gə̄ ní tə́ ō,