TƏ́DA 23:22 - Bibəl ta Sar̄

²² I ni n teē sedə́ kɔ̄ɔ́ dɔ nang kə́ Ejiptə tə́ kə́ tɔ̄gə́ kə́ tītə̄ tɔ́gə dɔgə ní.

Bible sar

²² I ni n teē sedə́ kɔ̄ɔ́ dɔ nang kə́ Ejiptə tə́ kə́ tɔ̄gə́ kə́ tītə̄ tɔ́gə dɔgə ní.

TƏ́DA 23:22 Referans Kwoze

NDŪ NAJƏ̄ 33:17

Ādə̄ de gə̄ rɔȳn̄ Jəjep. Ni-ngan̄g tītə̄ man̄g kə́ bəra beé. Gajən kə́ ngan̄g ngan̄g gə̄ i jōó tītə̄ gajə dɔgə. Ni-tɔ́səń gír de gə̄ ō, bugə́juńdə́ bátə́ aw̄ sedə́ əndādə́ ta ngóy dɔ nang tə́ ō. Gajən kə́ kógə̄ḿ i dūbə̄ de kə́ ngá̰ý gə̄ yā Epəraim, ba gajən kə́rēý i ɓūtə̄ de kə́ ngá̰ý gə̄ yā Manase.

TƏ́DA 24:8

Nə́ɓā teē sedə́ kɔ̄ɔ́ Ejiptə tə́ kə tɔ́gən kə́ tītə̄ tɔ́gə dɔgə. Gíŕ nápar de gə̄ ń a ənīn̄ ngán Israel gə̄ rɔ̄ɔ̄ ní, ngán Israel gə̄ a tetən̄n̄də́ rɔ̄ɔ̄ i gidə kógə̄ḿ beē. Ngán Israel gə̄ a tétə̄n̄ kə̄ngādə́ ō, a túrə̄n̄də́ kə kum gərā yādə́ gēé yā kur kɔdədə́ ō.

PĀ GƏ̄ 22:21

Ɔ̄rə̄m̄ ta yo kaskar tə́ kɔ̄ɔ́. Ī-taām̄ ta ngān̄g bísə gə̄ ń noō tə́.

Teē Ngán Israel gə̄ 20:2

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní.

PĀ GƏ̄ 92:10

Á̰a̰ madə̄ ba̰ā̰í gə̄, Kɔ́ɔ̄ɓē, á̰a̰ madə̄ ba̰ā̰í gə̄ a oyn̄ kɔ̄ɔ́ ō, ngé rāā yá̰a̰ majaĺ gə̄ malang a tə̄ndān̄ naā yā tḭ̄ḭ̄ ō.

PĀ GƏ̄ 68:35

Ədaī na tɔ́gə i yā Nə́ɓā, ə́daī na ni i de kə́ bo dɔ ɓē kə́ Israel tə́ ō, tɔ́gən i dan kil̄ man̄ tə́ ō.

TƏ́DA 22:5

Mban̄g əla de gə̄ gō Balam ngōn̄ Beor tə́ ɓē kojən tə́ Petor dɔ gɔ́sə bā tə́ kadə̄ ədanən̄ na: Kósə de gə̄ kə́ teēn̄ Ejiptə reē ndin̄ laā. Nin̄ taān̄ dɔ nang malang. Ndin̄ i kadə loo yāḿ tə́ ngɔr.

Teē Ngán Israel gə̄ 14:18

Ré n-ɔsə gɔnən nəkɔ́ tītə̄ ń noō anī, de kə́ Ejiptə gə̄ na a gerə̄n̄ kadə̄ ni i Kɔ́ɔ̄ɓē.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

JOJUE 2:10

Tɔdɔ̄ j-oō kadə̄ Kɔ́ɔ̄ɓē rāā adə̄ bā tə̄ɓā gə̄ ḭḭ kɔ̄ɔ́ nosí tə́ adə̄ ī-manīneé dan ń ī-teēī kɔ̄ɔ́ kem ɓē kə́ Ejiptə tə́ ní ō, j-oō kadə̄ ī-tɔ̄lī mban̄g kə́ jōó gə̄ yā Amor gə̄ ń ndin̄ gidə bā Jurdḛ tə́ ní, adə̄ i mban̄g Sihon ō, mban̄g Og ō, tá na ī-nujiī yá̰a̰ yādə́ gə̄ kɔ̄ɔ́ malang tām̄ yā Nə́ɓā tə́ ɓáý to̰ ō.

IJAI 34:7

Dɔgə gə̄, kə man̄g kə́ bəra gə̄ ō, kə man̄g gə̄ ō əsōn̄ ndɔ̄ naā tə́. Mósə taā loo dɔ nang tə́ ō, mból dā̰ taā loo dɔ nang tə́ ō.

Teē Ngán Israel gə̄ 12:41

Dan ń ɓāl̄ kə́ ɓú sɔ́ kə kutə mətá gə̄ ní mānə̄n̄ anī, asə dɔ ndɔ̄ ń ngán Israel gə̄ teēn̄neé kem ɓē kə́ Ejiptə tə́ kɔ̄ɔ́ ní.

Teē Ngán Israel gə̄ 12:51

I ndɔ̄ ń noō tə́ bang n Kɔ́ɔ̄ɓē teēń kə ngán Israel gēé kem ɓē kə́ Ejiptə tə́ kɔ̄ɔ́ ní.