TƏ́DA 23:21 - Bibəl ta Sar̄

²¹ Kɔ́ɔ̄ɓē a̰a̰ yá̰á̰ kə́ majaĺ dan ngán Israel gə̄ tə́ aĺ ō, ni-a̰a̰ yá̰á̰ kə́ gōtə́ aĺ dɔ dáńdə́ tə́ aĺ ō. Ni i Nə́ɓā yādə́ ō, ni-ndi i dɔ dáńdə́ tə́ ō. Nin̄ ɓōkə́n̄ mban̄g yādə́ ń i Kɔ́ɔ̄ɓē ní tɔ̄ȳ ō.

Bible sar

²¹ Kɔ́ɔ̄ɓē a̰a̰ yá̰á̰ kə́ majaĺ dan ngán *Israel gə̄ tə́ aĺ ō, ni-a̰a̰ yá̰á̰ kə́ gōtə́ aĺ dɔ dáńdə́ tə́ aĺ ō. Ni i Nə́ɓā yādə́ ō, ni-ndi i dɔ dáńdə́ tə́ ō. Nin̄ ɓōkə́n̄ mban̄g yādə́ ń i Kɔ́ɔ̄ɓē ní tɔ̄ȳ ō.

TƏ́DA 23:21 Referans Kwoze

PĀ GƏ̄ 23:4

Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

JEREMI 50:20

Dan ń noō tə́ ní, de gə̄ a saān̄ yá̰á̰ kə́ to gō jī aĺ ń Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

IJAI 38:17

Rɔ̄nel̄ aĺ yāḿ kə́ ngá̰ý tél i rɔ̄nel̄. A̰á̰ā̰, ḭ̄ ī-rāā adə̄ m̄-teē ta yo tə́ sɔɔ̄ń tár yāí. Majaĺ yāḿ gə̄ malang ní, ḭ̄ ī-ɓōkə́də́ gidií tə́ sa̰y kɔ̄ɔ́.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 8:10

Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 118:15

Kɔĺ rɔ̄nel̄ ō kɔĺ tetə rɔ̄ɔ̄ ō taā loo kem kújə tandā yā de kə́ súmūú gə̄ tə́. Jī Kɔ́ɔ̄ɓē kə́ ko̰ó̰ rāā yá̰á̰ kə́ to kɔsə gɔn.

PĀ GƏ̄ 97:1

Kɔ́ɔ̄ɓē i mban̄g. Ādə̄ dɔ nang tḭ́ḭ̄ bal walya, ādə̄ de gə̄ malang ń ndin̄ ta kaw̄ nú ní rāān̄ rɔ̄nel̄!

NDŪ NAJƏ̄ 33:5

Gerə̄n̄ kadə̄ Kɔ́ɔ̄ɓē i mban̄g yā Yesurun. i loo ń ngār gə̄ kə́ dɔ Israel gə̄ tə́ kánə̄n̄ naā ō, gír ɓē gə̄ malang yā Israel kánə̄n̄ naā ō ní.

EJEKIEL 48:35

Laa ndogə̄ mbal̄ ń gīr̄ gidə ɓē ní asə kíl deē 18 000. Əla gír ndɔ̄ ń noō tə́ ní, a ɓārə́n̄ rī ɓē na i Kɔ́ɔ̄ɓē i loo ń toō tə́.

PĀ GƏ̄ 103:12

Tītə̄ ń gír ɓē i sa̰y rɔ̄ loo kə́ no ɓē tə́ ní, tītə̄ ń toō ni ɓōkə́ yá̰á̰ kə́ gōtə́ aĺ gə̄ ń jə-rāāī ní sa̰y kɔ̄ɔ́ rɔ̄jí tə́ ō.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

PĀ GƏ̄ 32:2

Rɔ̄nel̄ i kə deē ń Kɔ́ɔ̄ɓē əhɔ gír yá̰á̰ kə́ gōtə́ aĺ yān aĺ ō, deē ń gól̄ loo aĺ ō ní!

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

NGÉ SARYA 6:13

Jedeo̰ tél ədan na: Kɔ́ɔ̄ḿ, ré Kɔ́ɔ̄ɓē i naā tə́ sejí anī yá̰a̰ malang kə́ tōr̄ gə̄ ń toō rāān̄jí i tām̄ rí tə́? Yá̰á̰ kə́ yáā gə̄ ń kaají gə̄ ədan̄jí dan ń a ənīnəńjí gotə teē kə́ Kɔ́ɔ̄ɓē teē sedə́ kɔ̄ɔ́ kem ɓē kə́ Ejiptə tə́ ní i rá? Kə́ rɔ̄kum tə́ tā anī Kɔ́ɔ̄ɓē əya̰jí kɔ̄ɔ́ tām̄ ni əlají kem jī Madian gə̄ tə́.

Teē Ngán Israel gə̄ 34:9

Gō tə́ anī əda na, dan ń Kɔ́ɔ̄ɓē na rāā kem majə seneé ɓá ní, na n-rāān ɓɔ́ kadə̄ kə dān̄də́ kə aw̄ sedə́. Na n-ger̄ majə kadə̄ de gə̄ ń noō na i de gə̄ kə́ dɔdə́ na ngan̄g ngá̰ý ɓá tā ba kə mā̰ȳ rɔ̄n dɔ majaĺ yādə́ gə̄ tə́ ō, dɔ yá̰á̰ kə́ gōtə́ aĺ gə̄ ń rāān̄ tə́ ní ō, kə rāādə́ gír deē yān gə̄ kə́ rɔ̄kum tə́ ō.

Teē Ngán Israel gə̄ 13:21

Kɔ́ɔ̄ɓē nəkɔ́ i kété nodə́ tə́: Kadaá anī ni i dan kil̄ man̄ kə́ ra kə ngālāá ɓururu kə́ a ɔjədə́ ta róbə́ tə́ ō, ndɔ̄ɔ́ anī ni i tū hor kə́ ra kə ngālāá ɓururu kə́ kadə̄ a̰a̰n̄neé loo tə́ ō, adə̄ nin̄-asən̄ njə̄rā kadaá ō, ndɔ̄ɔ́ ō.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

2 KORḚNTƏ 5:19

Tɔdɔ̄ kété Nə́ɓā rāā kəla kə ta kūl̄ Kərist, əndāń de gə̄ malang naā tə́ seneé, kanjə̄ kəhɔ gíŕ yá̰á̰ kə́ gō tə́ aĺ gə̄ ń nin̄-rāān̄ ní. Ba kəla kəndā de gə̄ naā tə́ seneé ngeé ń toō ní, ni-əndā kəla kəda de gə̄ najə̄n dɔjí tə́.

2 KORḚNTƏ 2:14

Banī jə-ndadə̄ j-adə̄ Nə́ɓā, tām̄ ni-ndɔ́r̄jí aw̄ sejí gō Kərist ń tetə rɔ̄ɔ̄ tə́ ní ngándáńg ō, ni-unjí rāań adə̄ de gə̄ gerə̄n̄ Kərist kə̄ loo gə̄ tə́ malang ō. Adə̄ to i tītə̄ sēē ítər kə́ otə majə kə́ taā loo beé.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

TƏ́DA 14:18

Kɔ́ɔ̄ɓē i de kə́ nge rāā wōn̄g láẃ aĺ ō, nge rāā kem majə ngá̰ý ō, nge kəndā njan dɔ yá̰á̰ kə́ gōtə́ aĺ kə́ deē rāā tə́ ō, dɔ dum̄ naā yā deē tə́ ō. Banī deē ń najə̄ əhɔn̄ ní, a mbəre najə̄ dɔn tə́ kɔ̄ɔ́ aĺ ō, yá̰á̰ kə́ majaĺ gə̄ ń bəra ngán gə̄ rāān̄ ní, a ənda ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō najə̄n tə́.

TƏ́DA 14:19

Kɔ́ɔ̄ɓē dan ń kem majə yāí i ngá̰ý ɓá ní, ī-mā̰ȳ rɔ̄í ɓáý to̰ dɔ majaĺ yā gír de gə̄ ń toō tə́, tītə̄ ń ə́lań gír mā̰ȳ rɔ̄í dɔdə́ tə́ i dɔ nang kə́ Ejiptə tə́ bátə́ ūgəń sedə́ laā ní.

NDŪ NAJƏ̄ 9:24

Jóo nəkɔ́ ń m̄-gerə̄ńsí toó ní sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

NDŪ NAJƏ̄ 31:23

Gō tə́ anī Kɔ́ɔ̄ɓē əda Jojue ngōn̄ Nun na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń m-ə̄nī ndūḿ yā kadə̄də́ tə́ ní. Ba mā i naā tə́ seí.

NDŪ NAJƏ̄ 32:5

Ta kumən tə́ ɓáa sḭḭ̄ i yá̰á̰ kə́ nujə kɔ̄ɔ́ gə̄. Sḭḭ̄ i ngánən gə̄ to̰ alé sɔɔ̄ń majaĺ yāsí. Sḭḭ̄ i ngáń kə́ nujə kɔ̄ɔ́ gə̄, ī-tɔ̄ɔ̄ī kɔ̄ɔ́ gō róbə́ kə́ súmūú tə́.

LEBI GƏ̄ 9:24

Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.

TƏ́DA 9:22

Ré kil̄ man̄ ní ndi dɔ kújə yā Nə́ɓā tə́ rāā i ndɔ̄ jōó, aké rāā i nāā kógə̄ḿ, aké rāā i ndɔ̄ ngá̰ý gə̄gē anī, ngán Israel gə̄ a ndin̄ i gotoó ba a ɔrə̄n̄ dɔɔ́ alé. Ré kil̄ man̄ ní ḭḭ kɔ̄ɔ́ anī ɔrə̄n̄ dɔɔ́ ō.

TƏ́DA 16:3

Nin̄ kánə̄n̄ naā dɔ Moijə nin̄ kə Aaro̰ tə́ ba ədan̄də́ na: Ń toō asə tā. Ngán Israel gə̄ malang nin̄ i de kə́ táĺ gə̄ ō, Kɔ́ɔ̄ɓē i dɔ dáńdə́ tə́ ō, ba i náā n adə̄sí ta róbə kḭḭ dɔ ngé gə̄ ń Kɔ́ɔ̄ɓē kán̄də́ naā tə́ ní?

1 SAMUEL 25:28

Ba ī-mā̰ȳ rɔ̄í dɔ yá̰á̰ kə́ gōtə́ aĺ yāḿ tə́. m̄-ger̄ majə kadə̄ Kɔ́ɔ̄ɓē a rāā kadə̄ gír kojə yāí a o̰o̰ ɓē ngándáńg, tɔdɔ̄ ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē ō kə dɔ ndɔ̄ gə̄ malang ń ī-ndiń kə kumií ní deē oō najə̄ kə́ majaĺ kógə̄ḿ dɔí tə́ aĺ ō.

PĀ GƏ̄ 99:2

Kɔ́ɔ̄ɓē i de kə́ bo kem ɓē kə́ Siyo̰ tə́ ō, ni i dɔ gír de gə̄ tə́ malang ō.

PĀ GƏ̄ 135:21

Ādə̄ de kə́ Siyo̰ gə̄ tɔ̄ȳn̄ Kɔ́ɔ̄ɓē ń ndi Jerusalem ní! Aleluya!

IJAI 33:21

Kɔ́ɔ̄ɓē a ɔjə kadə̄ ni i de kə́ majə ngá̰ý i loo ń noō tə́. Ndɔ̄ń tə́ ɓáa loo ní i gō nang yā bā kə́ bo gə̄ ō, i loo kə́ ndērə̄n̄ bəlo kə́ laa kə́ ra kə ngālāá gə̄ tū tə́ kadə̄ man̄ mānəń. Too kə́ yā rɔ̄ɔń gə̄ a mānə̄n̄ tū tə́ alé. Too bo gə̄ a əndan̄ danən yā gān̄g alé.

JOEL 2:27

Ā ī-gerī kadə̄ mā i dán Israel gə̄ tə́ ō, kadə̄ mā i Kɔ́ɔ̄ɓē Nə́ɓā yāsí ō, Nə́ɓā kə́ rang gətóo ō.