TƏ́DA 23:19 - Bibəl ta Sar̄

¹⁹ Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

Bible sar

¹⁹ Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

TƏ́DA 23:19 Referans Kwoze

1 SAMUEL 15:29

Kɔ́ɔ̄ɓē ń i tɔ́gə yā ngán Israel gə̄ ní, a sor̄ aĺ ō, a tūr̄ ndūn aĺ ō, tɔdɔ̄ ni i deē á a tūr̄ ndūn alé.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

MALASI 3:6

Mā Kɔ́ɔ̄ɓē m̄-tūr̄ alé. Ba sḭḭ̄, ngándáńg ní sḭḭ̄ i ngán Jakob gə̄!

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

Najə̄ kə́ Majə yā Jeju ń Luk ndang ní 21:33

Dɔ rā̰ ō, dɔ nang ō a mānə̄n̄, ba najə̄ yāḿ mā a mān̄ aĺ bátə́.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

PĀ GƏ̄ 89:35

M-ā m̄-mān̄ dɔ ndūḿ ń m-ə̄nī m-ə́hɔń madə̄ naā seneé ní alé, najə̄ ń teē taḿ tə́ ní, m-ā m̄-tūr̄ ndūḿ gō tə́ alé.

OJEE 11:9

M-ā m̄-bə̄gā wōn̄g yāḿ kə́ ngá̰ý alé, m-ā m̄-tél yā reē nujə ɓē kə́ Epəraim kɔ̄ɔ́ alé. Tɔdɔ̄ mā i Nə́ɓā, ba i deē ndul alé. Epəraim, ɓēé looí ní, mā i Nə́ɓā kə́ táĺ ō, m-ā m̄-reē kə wōngōó aĺ ō.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

1 YÁ̰A̰ GƏ̄ 17:17

Banī Kɔ́ɔ̄ɓē, kə́ tām̄ yāí tə́ ɓáa nge ń noō asə aĺ ɓáý adə̄ ə̄nī míndí yā rāā yá̰a̰ tām̄ yā kojə yāḿ tə́ ɓáý. Ḭ̄ ī-rāām̄ mā i de kə́ bo ngá̰ý tə́. Kɔ́ɔ̄ɓē Nə́ɓā yāḿ,

Makətūbə̄ ń Pol ndang adə̄ Rom gə̄ ní 9:6

Adə̄ yá̰á̰ ń Nə́ɓā ənī míndən yā rāā ní, ni-rāā aĺ i mbée a? Najə̄ m̄-sāā kəda ní n noó alé. Tɔdɔ̄ de gə̄ malang ń nin̄ i gír yā Israel tə́ ní, nin̄ i Israel kə́ rɔ̄kum gə̄ malang alé.

2 TIMOTE 2:13

Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́, tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.

HEBƏRO 7:21

Banī əndān̄ Jeju nge tun̄ yá̰á̰ tə́ i kə túbūú, tɔdɔ̄ Nə́ɓā əda na: Kɔ́ɔ̄ɓē túbə ō, ni a tūr̄ ndūn aĺ ō: Ā ī-ndi nge tun̄ yá̰a̰ tə́ ngándáńg.

JAKƏ 4:5

Aké sḭḭ̄ ɔ́jiīneé na najə̄ ń ndangən̄ kem makətūbə̄ yā Nə́ɓā tə́ ní i kə ndāńg a? Ndangən̄ na: Nə́ɓā rāā jang dɔ Ndíĺ ń ni-əndā kemjí tə́ ní.

TA KƏLA 28:15

Mā i naā tə́ seí. Loo malang ń ā āw̄ tū tə́ ní m-ā m̄-ngɔ̄mī ō, m-ā m̄-tél yā reē seí dɔ nang ń toō tə́ ō. M-ā m-ə́ya̰ī kɔ̄ɔ́ alé. M-ā m̄-rāā yá̰a̰ malang ń m-ə́daī ní.

TƏ́DA 14:35

Yá̰á̰ ń kadə̄ mā Kɔ́ɔ̄ɓē m-ə́dásí ní n noó. M-ə́dásí najə̄ kə́ rɔ̄kum, ngán Israel gə̄ kə́ ngé ta majaĺ gə̄ ń toō ń əndān̄ rɔ̄də́ naā tə́ ba mbātə́mə̄n̄ ní, yá̰á̰ ń m-ā m̄-rāā sedə́ ní n noó. A oyn̄ yā təgā kem dəla loo ń toō tə́.

TƏ́DA 23:18

Anī Balam tə́da najə̄ gə̄ ń toō: Balak, ḭ́ḭ dɔɔ́, ōō. Ngōn̄ Sipor, ī-nēl̄ mbīí ōoń najə̄ kɔrə̄ḿ.

PĀ GƏ̄ 89:34

Banī kem majə yāḿ a to tām̄ yān tə́ ngándáńg ō, ndūḿ ń m-ə̄nī m-ə́hɔń madə̄ naā seneé ní, m-ā m̄-rā dɔ tə́ ō.

PĀ GƏ̄ 110:4

Kɔ́ɔ̄ɓē a tūr̄ ndūn alé, tɔdɔ̄ túbə əda na: Ḭ̄ i nge tun̄ yá̰á̰ kə́ njɔ́ḿ gə̄ tə́ tītə̄ yā Melkisedek.

IJAI 21:17

Dan ngé rɔ̄ɔ̄ gə̄ kə́ Kedar tə́ ní, ngé kur gərā gə̄ a na̰yn̄ i sḛ́ý beē ngóy. Najə̄ ń Kɔ́ɔ̄ɓē, Nə́ɓā yā Israel, əda ní n noó.

IJAI 31:2

Tá ni i de kə́ ɔl ō: Asə reē kə yá̰á̰ kə́ to kum kaȳ aĺ ō, ni-lōō gíŕ yá̰á̰ kə́ tōr̄ ń sāā rāā tə́ ní aĺ ō. Ɓūtə̄ yā de kə́ majaĺ gə̄ ní, ni-ḭḭ sedə́ kə rɔ̄ɔ́ ō, ni-mbātə́ rāā kə deé yā ngé rāā yá̰á̰ kə́ majaĺ ō.

IJAI 40:8

Mu tutə ō, hútə̄ yá̰a̰ ur̄ ō, banī najə̄ yā Nə́ɓā yājí to gotoó ngándáńg.

IJAI 46:11

m̄-ɓāŕ deē kógə̄ḿ sa̰y ngá̰ý dām̄ kə́ gír ɓē tə́, deē ní ngan̄g tītə̄ kərō beé. Yá̰a̰ gə̄ ń m̄-núm̄ ní, i ni n a rāādə́ kadə̄ reē udən̄ gírí ní. Yá̰á̰ m-ə́dá ní, m̄-rāā yá̰á̰ ní. Yá̰á̰ ń m̄-núm̄ ní, m̄-rāā yá̰á̰ ní adə̄ udə gírí.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

JEREMI 4:28

I tām̄ ń toō tə́ n dɔ nang əhɔ ndoō ní. No rā̰ əga ndul dɔɔ́ nú, tɔdɔ̄ i yá̰á̰ kə́ m-ún ndūḿ dɔ tə́ kɔ̄ɔ́ ɓá, i yá̰á̰ kə́ m̄-nóm̄ rāā i jóo ngá̰ý. M-ā m̄-lōō gírí alé, m-ā m̄-tūr̄ ndūḿ alé.

DANIEL 4:28

Najə̄ ní i ta mban̄g tə́ ɓáý anī deē kógə̄ḿ ɔr̄ najə̄ dɔ rā̰ tə́ adə̄ ndūn ɓār̄ əda na: Mban̄g Nabukodonosor, ōō najə̄ ń toō, taān̄ ko̰o̰ ɓē jīí tə́ kɔ̄ɔ́!

TA KƏLA 26:3

Ī-ndi kem ɓē ń toō tə́. M-ā m̄-ndi seí ō, m-ā m̄-rāā majə seí ō, tɔdɔ̄ m-ā m-ādī ḭ̄ ō, ngání gə̄ ō, ngán kaaí gə̄ ō, dɔ nang ń toō malang, yā kadə̄ ndūḿ ń m-ə̄nī m-ādə̄ bɔbí Abəraham ní reē udəń gíŕ kə́ rɔ̄ tə́.

JOJUE 21:45

Najə̄ kə́ majə gə̄ malang ń Kɔ́ɔ̄ɓē əda ngán Israel gə̄ ní kógə̄ḿ ké to karī gətóo, rāān̄ yá̰a̰ malang.

1 SAMUEL 3:12

Ndɔ̄ ń noō tə́ ní yá̰a̰ malang ń m-ə́da dɔ Eli tə́ ō, dɔ gír kojə yān tə́ ō ní m-ā m̄-rāā. M-ā m-ə́lá gír i ta kəla gíŕ tə́ bátə́ ta tɔ̄l̄ ta tə́ kanjə̄ kəya̰ yá̰á̰ kógə̄ḿ kɔ̄ɔ́.

1 MBAN̄G GƏ̄ 14:11

De kə́ gír kojə yāí tə́ ń a oy kem ɓēé ní, bísə gə̄ a əsanən̄ ō, aké a oy bembeé ní yel̄ kə́ dɔɔ́ gə̄ a əsanən̄ ō. Najə̄ ń Kɔ́ɔ̄ɓē əda ní n noó.

2 MBAN̄G 7:2

Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

2 MBAN̄G 15:12

Yá̰á̰ ń noō rāā adə̄ najə̄ ń Kɔ́ɔ̄ɓē əda Yehu kété ní reē udə gírí rɔ̄kum. Nī-ədan na ngōnən ō, ngōn̄ kaan ō, kaa gugūn ō, kaa dɔgən ō, na a ndin̄ dɔ kōr̄ kāgə̄ mban̄g kə́ Israel tə́.

PĀ GƏ̄ 77:9

A rāā kem majə sejí to̰ aĺ i kə́ bátə́ gə̄ tə́ a? A ədají najə to̰ aĺ i kə́ njɔ́ḿ gə̄ tə́ a?

PĀ GƏ̄ 132:11

Kɔ́ɔ̄ɓē ənī ndūn adə̄ Dabid, rɔ̄kum, ni a tūr̄ ndūn alé, ni ədan na: I ngōnīí kógə̄ḿ n m-ā m̄-gə̄rān yā kəndān mban̄g gotií tə́ ní.