TƏ́DA 23:1 - Bibəl ta Sar̄

¹ Balam əda Balak na: Ī-rāā loo tun̄ yá̰a̰ gə̄ gír sīrí ādə̄m̄ loo ń toō tə́ ō, ī-reē kə man̄g gə̄ sīrí ō, bal batə̄ gə̄ sīrí ō.

Bible sar

¹ Balam əda Balak na: Ī-rāā *loo tun̄ yá̰a̰ gə̄ gír sīrí ādə̄m̄ loo ń toō tə́ ō, ī-reē kə man̄g gə̄ sīrí ō, bal batə̄ gə̄ sīrí ō.

TƏ́DA 23:1 Referans Kwoze

TƏ́DA 23:29

Balam ədan na: Ī-rāā loo tun̄ yá̰a̰ gə̄ gír sīrí loo ń toō tə́ ādə̄m̄, ba ī-tɔ̄l̄ man̄g kə́ bəra sīrí ō, bal batə̄ sīrí ō, ādə̄m̄.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

EJEKIEL 45:23

Kem ndɔ̄ kə́ sīrí gə̄ ń de gə̄ a rāānəń nāā tə́ ní, kə dɔ ndɔ̄ gə̄ ni a ndējə̄m̄ man̄g kə́ bəra gə̄ sīrí, kə́ loodə́ kógə̄ḿ kə́ nujə gətóo ō, bal batə̄ gə̄ sīrí, kə́ loodə́ kógə̄ḿ kə́ nujə gətóo ō, tām̄ yā yá̰a̰ tun̄ kə́ kə taá malang tə́. Kə dɔ ndɔ̄ gə̄ ni a ndējə̄ bal bə̄yā̰ kógə̄ḿ kadə̄ Nə́ɓā mā̰yń rɔ̄n dɔ majaĺ tə́ ō.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

Makətūbə̄ yā Job 42:8

Ba ń toō ɓáa ə́hɔī man̄g kə́ bəra gə̄ sīrí ō, bal batə̄ gə̄ sīrí ō, ba āw̄ ə́ngeī nge kəla yāḿ Job. Ī-tɔ̄lī dā̰ gə̄ ń noō ī-tunīdə́ kə taá malang tām̄ yá̰á̰ kə́ gōtə́ aĺ ń ī-rāāī tə́ ní ō, ādə̄ nge kəla yāḿ Job ndɔ̄ȳ Nə́ɓā tām̄ yāsí tə́ ō. Ré m̄-rāāsí yá̰á̰ kə́ tōr̄ tām̄ kɔ̄r̄ yāsí tə́ aĺ anī, i najə̄ yā nge kəla yāḿ Job tə́. Tɔdɔ̄ sḭḭ̄ ə́daī najə̄ kə́ rɔ̄kum dɔḿ tə́ tītə̄ nge kəla yāḿ Job alé.

2 YÁ̰A̰ GƏ̄ 29:21

Reēn̄ kə man̄g kə́ bəra gə̄ sīrí ō, bal batə̄ gə̄ sīrí ō, ngán batə̄ gə̄ sīrí ō, bal bə̄yā̰ gə̄ sīrí kə́ yā tun̄ tām̄ majaĺ yā de kə́ ndogó mbangāá gə̄ tə́ ō, majaĺ kə́ loo kə́ táĺ tə́ ō, majaĺ yā Juda gə̄ tə́ ō. Gō tə́ anī mban̄g əda ngé tun̄ yá̰a̰ gə̄ ń i ngán Aaro̰ gə̄ ní na kə tunə̄n̄ yá̰a̰ gə̄ ní dɔ loo tun̄ yá̰a̰ yā Kɔ́ɔ̄ɓē tə́.

1 YÁ̰A̰ GƏ̄ 15:26

Tá tɔ̄lə̄n̄ man̄g kə́ bəra gə̄ sīrí ō, bal batə̄ gə̄ sīrí ō, ba tunə̄n̄ kadə̄ Nə́ɓā rāań kə ngán Lebi kə́ ngé kətō sandúkə madə̄ naā yā Kɔ́ɔ̄ɓē gə̄ ní

2 MBAN̄G 18:22

Ā ə́damī na ə̄ndāī kemsí na i dɔ Kɔ́ɔ̄ɓē Nə́ɓā yāsí tə́. Ba i Ejekias n nujə loo ndɔ̄ȳ gə̄ yā Kɔ́ɔ̄ɓē Nə́ɓā yāsí ō, loo tun̄ yá̰a̰ yān gə̄ ō, ba əda de kə́ Jerusalem gə̄ ō, de kə́ Juda gə̄ ō, na kə ndɔ̄ȳn̄ loo kə́ rang tə́ alé, ba na i ta loo tun̄ yá̰á̰ kə́ Jerusalem tə́ ngóý ní aĺ a?

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

TƏ́DA 29:32

Kə ndɔ̄ kə́ nge ko̰ sīrí anī dā̰ kə́ loodə́ kógə̄ḿ nujə aĺ gə̄ ń ā ī-tunīdə́ ní n toó: Man̄g kə́ bəra gə̄ sīrí ō, bal batə̄ gə̄ jōó ō, ngán batə̄ kə́ ɓāl̄ kógə̄ḿ gə̄ kutə gidə i sɔ́ ō.

Teē Ngán Israel gə̄ 20:24

Ā ī-rāāī loo tun̄ yá̰a̰ kə nángāá yā kadə̄m̄. A ī-ndējə̄mī yá̰a̰ tun̄ kə́ róō horoó gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, i dɔ loo tun̄ yá̰á̰ ní tə́. I batə̄ yāsí gə̄ ō, bə̄yā̰ yāsí gə̄ ō, man̄g yāsí gə̄ ō n ā ī-tɔ̄lī yā tun̄ dɔ tə́ kadə̄m̄ ní. Loo gə̄ ń m-ā m̄-rāā kadə̄ əga kemsí dɔḿ tə́ tū tə́ ní, m-ā m-āw̄ rɔ̄sí tə́ yā rāā majə sesí tū tə́.

TƏ́DA 22:41

Teē kə ndɔ̄ý anī, Balak aw̄ kə Balam Bamot Baal ń i loo kə́ kḭḭ kə̄ dɔɔ́ tə́ ní. Ré deē ra loo ní tə́ anī, a a̰a̰ dɔ núsə ngán Israel gə̄.

TƏ́DA 23:2

Balak rāā yá̰á̰ ń Balam mērə̄n rāā ní. Gō tə́ anī nin̄ jōó mbak ndējə̄n̄ man̄g kə́ bəra kógə̄ḿ ō, bal batə̄ kógə̄ḿ ō, kə dɔ loo tun̄ yá̰a̰ gēé.

TƏ́DA 23:30

Balak rāā yá̰á̰ ń Balam ədan ní. Gō tə́ anī ni tɔ̄l̄ man̄g kógə̄ḿ ō, bal batə̄ kógə̄ḿ ō, ba tun̄ kə dɔ loo tun̄ yá̰a̰ gēé.