TƏ́DA 22:9 - Bibəl ta Sar̄

⁹ Nə́ɓā reē rɔ̄ Balam tə́ ba dəjen na: De gə̄ ń ə́hɔ́də́ mbā toó i náā gə̄?

Bible sar

⁹ Nə́ɓā reē rɔ̄ Balam tə́ ba dəjen na: De gə̄ ń ə́hɔ́də́ mbā toó i náā gə̄?

TƏ́DA 22:9 Referans Kwoze

TA KƏLA 20:3

Ndɔ̄ɔ́ anī Nə́ɓā reē dɔ Abimelek tə́ kə nīí, ədan na: Ā óy najə̄ dəyá̰ ń ādə̄ əhɔ adīn̄ tə́ ní, tɔdɔ̄ ngaan i noó.

TƏ́DA 22:20

Nə́ɓā reē rɔ̄ Balam tə́ ndɔ̄ɔ́ ədan na: Ré de gə̄ ń toō reēn̄ i ɓāríī tə́ anī āw̄ sedə́. Ba i yá̰á̰ ń m-ā m-ɔ́jiī ní ngóy n ā ī-rāā ní.

JA̰A̰ 11:51

Ni i ngol ngé tun̄ yá̰a̰ gə̄ kə́ ɓāl̄ ngeé ń noō tə́, adə̄ əda i najə̄ kə́ Nə́ɓā əndā tan tə́ tām̄ yā Jeju ń i gáŕ kadə̄ oy tām̄ yā Jipə gə̄ tə́ malang ní.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

MATIYE 7:22

Ndɔ̄ sarya tə́ anī de gə̄ ngá̰ý a ədamə̄n̄ na: Kɔ́ɔ̄ɓē, Kɔ́ɔ̄ɓē! J-oō najə̄ ta Nə́ɓā tə́ ba j-əda de gə̄ i kə rīí aĺ a? Jə-tə̄ɓā ndíĺ kə́ majaĺ gə̄ i kə rīí aĺ a? Jə-rāā yá̰á̰ kə́ yáā gə̄ ngá̰ý i kə rīí aĺ a?

DANIEL 2:45

Ngōn̄ mbal̄ ń rəte kanjə̄ kadə̄ jī deē ɔdən ba reē tɔ̄ɔ̄ gində̄ ō, gində̄ nə̄ngā kasə ō, nánjə ō, gində̄ arjā̰a̰ ō, lɔ́r ō, á á̰a̰ā̰ ní ɔjə i gō yá̰á̰ ń noō. Kɔ́ɔ̄ ɓē gə̄, Nə́ɓā kə́ bo ɔjiī i yá̰á̰ ń a rāā yā reē ní. Nī ní i nī kə́ rɔ̄kum ō, kumən ń m-ɔ́jiī ní asə kadə̄ deē taā kem ō.

Teē Ngán Israel gə̄ 4:2

Kɔ́ɔ̄ɓē dəje Moijə na ké i rí n i jīn tə́ noō wa. Anī Moijə əda na i kāgə̄.

TA KƏLA 41:25

Jəjep əda Parao̰ na kum nī ń na rāān ní na i kógə̄ḿ beē, na yá̰á̰ ń Nə́ɓā a rāā yā rāā ní n na ɔjən kété kadə̄ ger̄ toó.

TA KƏLA 31:24

Banī Nə́ɓā reē dɔ Laban tə́ kə nīí ndɔ̄ɔ́, ədan na kə lōō rāā yá̰á̰ kógə̄ḿ kə Jakobó.

TA KƏLA 16:8

Ni-ədan na: Agar, ɓəlo yā Sarai, ḭ́ḭ i rá? Āw̄ i kə̄ rá? Agar tél ədan na: M-ā̰ȳ i kɔ́ɔ̄ḿ Sarai.

TA KƏLA 4:9

Kɔ́ɔ̄ɓē dəje Kain na: Ngōkó̰ó̰í Abel i rá? Anī Kain tél ədan na: m̄-ger̄ alé. Mā i nge ngɔ̄m̄ ngōkó̰ó̰ḿ a?

TƏ́DA 22:8

Anī Balam ədadə́ na: Ī-ɓīī laā. Bírí anī m-ā m-ə́dásí yá̰á̰ ń Kɔ́ɔ̄ɓē a ədam̄ ní. Adə̄ de kə́ bo gə̄ kə́ Moab ton̄ ɓē Balam ndɔ̄ ń noō tə́.

TƏ́DA 22:10

Balam tél əda Nə́ɓā na: I Balak ngōn̄ Sipor ń i mban̄g kə́ Moab ní n əladə́ kadə̄ reē ədamə̄n̄ na: