TƏ́DA 22:6 - Bibəl ta Sar̄

⁶ Ní, m̄-rāāī ɓɔ́, ī-reē ī-ndɔ̄ldə́ ādə̄m̄ tām̄ tɔ́gə́də́ tɔȳ yāḿ. Majanī m-ā m̄-tetədə́ rɔ̄ɔ̄ ō, m-ā m̄-tə̄ɓādə́ kɔ̄ɔ́ dɔ nang ń ndin̄ tū tə́ ní ō. Tɔdɔ̄ m̄-gēr̄ kadə̄ deē ń ā ī-tɔ́r̄ taí dɔn tə́ ní, a ənge tɔ́r̄ ta ō, deē ń ā ī-ndɔ̄lə́n ní, ndɔ̄ĺ a əsō dɔn tə́ ō.

Bible sar

⁶ Ní, m̄-rāāī ɓɔ́, ī-reē ī-ndɔ̄ldə́ ādə̄m̄ tām̄ tɔ́gə́də́ tɔȳ yāḿ. Majanī m-ā m̄-tetədə́ rɔ̄ɔ̄ ō, m-ā m̄-tə̄ɓādə́ kɔ̄ɔ́ dɔ nang ń ndin̄ tū tə́ ní ō. Tɔdɔ̄ m̄-gēr̄ kadə̄ deē ń ā ī-tɔ́r̄ taí dɔn tə́ ní, a ənge tɔ́r̄ ta ō, deē ń ā ī-ndɔ̄lə́n ní, ndɔ̄ĺ a əsō dɔn tə́ ō.

TƏ́DA 22:6 Referans Kwoze

TƏ́DA 24:9

Nin̄ tɔ́sə̄n̄ yár̄ pá tá ton̄ nang tə́ tītə̄ ɓɔl gə̄. I náā n asə kɔsə sedə́ ta kḭḭ dɔɔ́? Israel, deē ń a tɔ́r̄ tan dɔí tə́ ní, tɔ́r̄ ta i dɔ kɔ́ɔ̄ tə́, ba deē ń a ndɔ̄líī ní, a ndɔ̄lə́n̄ kɔ́ɔ̄.

KƏLA RĀĀ 16:16

Ndɔ̄ kógə̄ḿ tə́ j-a j-aw̄ kə̄ loo ndɔ̄ȳ tə́ anī, nge kəla kə́ dəyá̰ kógə̄ḿ tə́nī tají: Ndíĺ kə́ majaĺ kógə̄ḿ i kemən tə́. Ndi ɓáa ɔsə seneé ta kɔjə yá̰á̰ kə́ a rāā yā rāā yá̰a̰ gə̄. Adə̄ kɔ́ɔ̄n gə̄ əngen̄ yá̰á̰ ngá̰ý gírən tə́ loo kɔjə yá̰á̰ kə́ a rāā yā rāā yá̰a̰ gə̄ tə́.

EJEKIEL 13:6

Yá̰a̰ gə̄ ń a̰a̰n̄ ní i yá̰á̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ ní, i yá̰á̰ kə́ rɔ̄kum aĺ gə̄ ō. Nin̄ ədan̄ na: Kɔ́ɔ̄ɓē əda na, banī mā Kɔ́ɔ̄ɓē m-ə́ládə́ alé. Nin̄ əndān̄ kemdə́ dɔ tə́ kadə̄ najə̄ yādə́ i rɔ̄kum.

NEHEMI 13:2

Tɔdɔ̄ nin̄ tə́nīn̄ ta ngán Israel gə̄ kə yá̰a̰ kəsaá aĺ ō, kə maná aĺ ō. Tá Moab gə̄ mangən̄ Balam kə naraá kadə̄ ndɔ̄ĺ ngán Israel gə̄ ō, banī Nə́ɓā yājí tūr̄ ndɔ̄ĺ adə̄ tél i tɔ́r̄ ta.

1 MBAN̄G GƏ̄ 22:13

Nge kəla ń aw̄ ɓāŕ Mise tə́ ní ədan na míndə́ ngé koō ta gə̄ malang na i gō naā tə́, na ədan̄ i najə̄ kə́ majə dɔ mban̄g tə́. Ní kə Mise kə ɔr̄ najə̄ kə́ tītə̄ yādə́, kə əda najə̄ kə́ majə.

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

1 MBAN̄G GƏ̄ 22:6

Anī mban̄g kə́ Israel tə́ ɔsə dɔ ngé koō ta gə̄ ɓú sɔ́ naā tə́, ba dəjedə́ na ké kə n-aw̄ kə n-rɔ̄ɔ̄ Aram gə̄ dɔ ɓē kə́ Ramot kə́ Galaad tə́, aké kə n-lōō gírí wa. Anī ngé koō ta gə̄ ní tél ədanən̄ na kə aw̄ Kɔ́ɔ̄ɓē na a əla ɓē ní kem jīn tə́.

1 SAMUEL 17:43

Pilistin ní ədan na: Mā i bísə́ á ī-reē kə̄ rɔ̄ḿ tə́ kə sálang kāgāá a? Gō tə́ anī Pilistin ní ɓāŕ rī ɓesə̄ yān gə̄ ndɔ̄ĺəń Dabid,

NDŪ NAJƏ̄ 23:4

Amon gə̄ ō, Moab gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé i kə́ bátə́ gə̄ tə́. Ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé. Ká i gír kojə yādə́ kə́ nge ko̰ kutə gə̄gē a udə alé.

TƏ́DA 22:17

Tɔdɔ̄ m-ā m-ɔ́sə gɔnií ngá̰ý ō, m-ā m̄-rāā yá̰a̰ malang ń ā ə́dam̄ ní ō, ba ī-reē ī-ndɔ̄ĺ gír de gə̄ ń toō ādə̄m̄.

TƏ́DA 22:12

Nə́ɓā əda Balam na: Ī-lōō kaw̄ sedə́. Ā ī-ndɔ̄ĺ gír de gə̄ ń noō alé, tɔdɔ̄ tɔ́r̄ ta i dɔdə́ tə́.

TA KƏLA 27:29

Ādə̄ gír de gə̄ rāān̄ kəla yāí! Ādə̄ gír nápar de gə̄ ɔsən̄ nodə́ nang tə́ noí tə́! Ī-tél ngol ngákó̰ó̰í gə̄, ādə̄ ngákó̰ó̰í gə̄ ɔsən̄ nodə́ nang tə́ noí tə́! Ādə̄ ndɔ̄ĺ i dɔ deē ń a ndɔ̄líī tə́ ní, ba ādə̄ tɔ́r̄ ta i dɔ deē ń a tɔ́r̄ tan dɔí tə́ ní!

TA KƏLA 12:3

M-ā m̄-rāā majə kə de gə̄ ń a tɔ́rə̄n̄ tadə́ dɔí tə́ ní ō, m-ā m̄-ndɔ̄ĺ deē ń a tájī ní ō. M-ā m̄-rāā majə kə gír kojə yā de gə̄ malang kə́ dɔ nang tə́ sɔɔ̄iń ḭ̄.

Gōsə̄ najə̄ gə̄ 26:2

Ndɔ̄ĺ kə́ kanjə̄ kumən a rāā yá̰a̰ aĺ tītə̄ ndetə kə́ ḭḭ bɔ̄gə̄ aw̄ sa̰y aĺ beē ō, tītə̄ yel̄ gabə kɔsə kə́ ḭḭ bɔ̄gə̄ beé ō.

PĀ GƏ̄ 109:28

Nin̄ i kə ndɔ̄lɔ́ tadə́ tə́, banī ḭ̄ ī-rāā majə. Nin̄ ḭḭn̄ kə rɔ̄ɔ́, banī rɔ̄də́ sɔl̄də́, adə̄ rɔ̄ḿ mā nge kəla yāí nelə̄m̄.

JOJUE 24:9

Balak ngōn̄ Sipor ń ni i mban̄g kə́ dɔ nang kə́ Moab tə́ ní sāā rɔ̄ɔ̄ ngán Israel gə̄. Ni-əla ɓāŕ Balam ngōn̄ Beor tə́ kadə̄ reē ndɔ̄ĺsí.

MISE 6:5

Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

TƏ́DA 23:13

Balak tél əda Balam na: Ī-reē ādə̄ m-āw̄ seí loo kə́ rang tə́ kadə̄ ī-ra tū tə́ á̰a̰ń gír de gə̄ ní, ba ī-ndɔ̄ĺdə́ ādə̄m̄. Kété ní á̰a̰ i núsə́də́ ngóy, adə̄ i malang alé.

TƏ́DA 23:27

Balak əda Balam na: Ī-reē ādə̄ m-āw̄ seí loo kə́ rang tə́ ɓáý to̰. Majanī Nə́ɓā a ndigə kadə̄ ī-ndɔ̄ĺ kósə de gə̄ ń toō loo ní tə́ ādə̄m̄.