TƏ́DA 22:5 - Bibəl ta Sar̄

⁵ Mban̄g əla de gə̄ gō Balam ngōn̄ Beor tə́ ɓē kojən tə́ Petor dɔ gɔ́sə bā tə́ kadə̄ ədanən̄ na: Kósə de gə̄ kə́ teēn̄ Ejiptə reē ndin̄ laā. Nin̄ taān̄ dɔ nang malang. Ndin̄ i kadə loo yāḿ tə́ ngɔr.

Bible sar

⁵ Mban̄g əla de gə̄ gō Balam ngōn̄ Beor tə́ ɓē kojən tə́ Petor dɔ gɔ́sə bā tə́ kadə̄ ədanən̄ na: Kósə de gə̄ kə́ teēn̄ Ejiptə reē ndin̄ laā. Nin̄ taān̄ dɔ nang malang. Ndin̄ i kadə loo yāḿ tə́ ngɔr.

TƏ́DA 22:5 Referans Kwoze

NDŪ NAJƏ̄ 23:4

Amon gə̄ ō, Moab gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé i kə́ bátə́ gə̄ tə́. Ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō, a udən̄ dan ngé kán̄ naā gə̄ yā Kɔ́ɔ̄ɓē tə́ alé. Ká i gír kojə yādə́ kə́ nge ko̰ kutə gə̄gē a udə alé.

MISE 6:5

Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

JOJUE 24:9

Balak ngōn̄ Sipor ń ni i mban̄g kə́ dɔ nang kə́ Moab tə́ ní sāā rɔ̄ɔ̄ ngán Israel gə̄. Ni-əla ɓāŕ Balam ngōn̄ Beor tə́ kadə̄ reē ndɔ̄ĺsí.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

JOJUE 13:22

Balam kə́ kɔdə̄sā kə́ ngōn̄ Beor i dan de gə̄ ń ngán Israel gə̄ tɔ̄lə̄n̄də́ kə kaskaraá ní tə́ ō.

TƏ́DA 23:7

Tā anī ni tə́da najə̄ gə̄ ń toō: Balak əla gōḿ tə́ dɔ nang kə́ Aram tə́ adə̄ m̄-reē. Mban̄g kə́ Moab əla ɓārə́m̄ tə́ dɔ mbal̄ gə̄ kə́ gír ɓē tə́ tə́ ba ədam̄ na: Ī-reē, ī-ndɔ̄ĺ de gə̄ kə́ gír kaa yā Jakob tə́ ādə̄m̄. Ī-reē ə̄nī taí gō ngán Israel gə̄ tə́ ādə̄m̄.

PĀ GƏ̄ 105:24

Nə́ɓā rāā adə̄ gír deē yān gə̄ rosən̄ loo láẃ ngá̰ý ō, rāā adə̄ tɔ́gə́də́ i ngá̰ý tɔȳ yā madə̄ ba̰ā̰də́ gə̄ ō.

TA KƏLA 13:16

M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

Teē Ngán Israel gə̄ 10:15

Yḭm̄ gə̄ ní taān̄ loo dɔ nang tə́ malang adə̄ dɔ nang tél ndul mikəri. Nin̄-əsan̄ mu gə̄ ō, kan̄ kāgə̄ gə̄ ō ń kɔ̄sə̄ nujəń aĺ ní, adə̄ dɔ nang kə́ Ejiptə malang ndágə doy ō, kāgə̄ kógə̄ḿ kə́ mbīn na̰y dɔ tə́ gətóo ō.

TƏ́DA 31:8

Nin̄ tɔ̄lə̄n̄ mban̄g kə́ mí gə̄ kə́ Madian ō. Rī mban̄g gə̄ ní n toó: Ebi ō, Rekem ō, Sur ō, Hur ō, Reba ō. Nin̄ tɔ̄lə̄n̄ Balam ngōn̄ Beor kə kəyā kaskaraá ō.

NDŪ NAJƏ̄ 23:5

Tɔdɔ̄ dan ń ī-teēī kɔ̄ɔ́ kem ɓē kə́ Ejiptə tə́ á sḭḭ̄ i róbó ɓáý ní, tə́nīn̄ tasí kə yá̰a̰ kəsaá aĺ ō, kə maná aĺ ō. Moab gə̄ əlan̄ gō Balam kə́ ngōn̄ Beor tə́ Petor, dām̄ nang kə́ Mesopotami kə́ kḭḭ kə̄ dɔɔ́ tə́, ba adə̄nən̄ nar kadə̄ ndɔ̄lə́nńsí.