TƏ́DA 22:36 - Bibəl ta Sar̄

³⁶ Dan ń Balak oō kadə̄ Balam a reē ɓēé looneé anī, teē tə́nī tan bátə́ ugə̄ Ir Moab. Ir Moab i ɓē kə́ dɔ gɔ́sə bā Arnon ń i dɔ nin̄ dɔ nang yā mban̄g Balak tə́ ní.

Bible sar

³⁶ Dan ń Balak oō kadə̄ Balam a reē ɓēé looneé anī, teē tə́nī tan bátə́ ugə̄ Ir Moab. Ir Moab i ɓē kə́ dɔ gɔ́sə bā Arnon ń i dɔ nin̄ dɔ nang yā mban̄g Balak tə́ ní.

TƏ́DA 22:36 Referans Kwoze

KƏLA RĀĀ 28:15

Ngákó̰ó̰jí kə́ Rom gə̄ oōn̄ kōōjí adə̄ tə́nīn̄ tají bátə́ ugə̄n̄ loo gātə̄ kə́ Apyus tə́ ō, ta ngáń kújə́ kə́ mətá gə̄ ń a igən̄ yá̰a̰ kəsa ō kasə ō tū tə́ ní tə́ ō. Dan ń Pol a̰a̰də́ anī ndadə̄ Nə́ɓā ō, kemən tetə kə̄ nang tə́ ō.

JEREMI 48:20

Rɔ̄ Moab sɔlən̄ adə̄ tɔ́gən ur̄ wak kɔ̄ɔ́. Ī-nōōī kə̄ dɔɔ́ ɓoo ɓoo ō, ī-ɓārí yá̰a̰ ādə̄ dḭḭ̄n̄sí ō. Ə̄nīī mbēr̄ kadə man̄ Arnon tə́ ə́daī na: Nujən̄ ɓē kə́ Moab sák sák kɔ̄ɔ́.

IJAI 16:2

Dəyá̰ kə́ Moab gə̄ i loo gə̄ ń de gə̄ a teēn̄ man̄ Arnon tū tə́ ní tə́. Nin̄ ton̄ i tītə̄ yel̄ gə̄ kə́ a̰ȳn̄ naā beé, yel̄ gə̄ kə́ tə̄ɓān̄də́ kɔ̄ɔ́ kem ɓēdə́ tə́ kadə̄ a̰ȳ aw̄n̄ sa̰y beé.

NGÉ SARYA 11:18

Loo ń noō tə́ nin̄ unən̄ róbə́ kə́ kem dəla loo tə́, ba gōngə̄n̄ dɔ nang kə́ Edom ō, kə́ Moab ō. Aw̄ ugə̄n̄ dām̄ kə́ gír ɓē tə́ banī əya̰n̄ dɔ nang kə́ Moab kə̄ dām̄ kə́ no ɓē tə́. Nin̄ əndān̄ gérger yādə́ gidə man̄ Arnon tə́ kə̄ dām̄ kə́ nú tə́ ba udən̄ dɔ nang kə́ Moab tə́ alé. Tɔdɔ̄ man̄ Arnon rāā rɔ̄n i dɔ nin̄ dɔ nang kə́ Moab tə́.

NDŪ NAJƏ̄ 3:8

Adə̄ ɓāl̄ ngeé ń noō tə́ ní, Amor kə́ jōó gə̄ ń ndin̄ mban̄g gidə bā Jurdḛ kə́ dām̄ kə́ gír ɓē tə́, dɔ dán man̄ Arnon tə́ kə mbal̄ Hermon ní, jə-táāī dɔ nang yādə́ gə̄.

NDŪ NAJƏ̄ 2:24

Gō tə́ anī Kɔ́ɔ̄ɓē əda na: Ɔ̄rī dɔɔ́ āwī, ī-teēī wól man̄ Arnon. M-ā m-ə́la mban̄g Sihon kə́ Hesəbon ń ni i Amor ní jīsí tə́ kadə̄ ī-taāī dɔ nang yān. Ə́laī gír taā dɔ nang yān, ə̄nīniī rɔ̄ɔ̄.

Teē Ngán Israel gə̄ 18:7

Moijə teē tə́nī ta umən, ɔsə non nang tə́ non tə́ ō, əhɔn kə̄ rɔ̄n tə́ ɓirə̄n dagə ō. Rāān̄ naā lápə́ya ba ɔtə aw̄n̄ kújə tandā yā Moijə tə́.

TA KƏLA 46:29

Jəjep adə̄ sə́nda yān gə̄ unən̄ púsə, al̄ kemeé ba aw̄ kə̄ Gosen tə́nī ta bɔbə̄n Israel tə́. Dan ń aw̄ əngen̄ naā anī, əsō kə̄ kɔ́ɔ bɔbə̄n tə́ ba nōō dan i ngá̰ý.

TA KƏLA 18:2

Ni-un kumən kə̄ dɔɔ́ anī, a̰a̰ de gə̄ mətá ran̄ ngɔr rɔ̄n tə́. Dan ń ni a̰a̰də́ anī, ḭḭ ta kújə yān tə́ kə ngɔ̄dɔ̄ɔ́, aw̄ ɔjə nodə́. Ni-ɔsə non nang tə́ nodə́ tə́

TA KƏLA 14:17

Dan ń Abəram tetə Kedor Laomer nin̄ kə mban̄g madə̄n gə̄ rɔ̄ɔ̄ ba a tél kum kə̄ ɓēé ní a, mban̄g kə́ Sodom teē tə́nī tan wól loo kə́ Sabe tə́ ń a ɓārə́n̄ na i wól loo yā mban̄g ní.

1 SAMUEL 13:10

Dan ń tɔ̄l̄ ta kəla ndējə̄ Nə́ɓā yá̰a̰ tun̄ kə́ yā róō horoó ní anī Samuel ugə̄ ō. Ni-ɔtə tə́nī ta Samuel yā rāān lápə́ya.

TƏ́DA 22:35

Anī nge kaw̄ kəla yā Kɔ́ɔ̄ɓē tél ədan na: Āw̄ kə de gə̄ ń noō, banī i najə̄ ń m-ā m-ə̄ndā taí tə́ ní ngóy n ā ə́dá ní. Tā anī Balam aw̄ kə de kə́ bo gə̄ yā Balak tá.

TƏ́DA 22:37

Balak dəje Balam na: De gə̄ ń m-ə́ládə́ ɓāríī tə́ ní asə aĺ i mbée a? Ī-reē aĺ i tām̄ rí tə́? Ī-gír̄ kadə̄ m-ásə kɔsə gɔnií aĺ a?