TƏ́DA 22:34 - Bibəl ta Sar̄

³⁴ Balam əda nge kaw̄ kəla yā Kɔ́ɔ̄ɓē na: m̄-rāā i yá̰á̰ kə́ gōtə́ alé, tɔdɔ̄ m̄-ger̄ kadə̄ i ḭ̄ n ī-ra noḿ tə́ kum róbó ní alé. Ba ń toō ní ré mbā ní nelī aĺ ɓáa m-ā m̄-tél yā kaw̄ gogə́ ɓēé.

Bible sar

³⁴ Balam əda nge kaw̄ kəla yā Kɔ́ɔ̄ɓē na: m̄-rāā i yá̰á̰ kə́ gōtə́ alé, tɔdɔ̄ m̄-ger̄ kadə̄ i ḭ̄ n ī-ra noḿ tə́ kum róbó ní alé. Ba ń toō ní ré mbā ní nelī aĺ ɓáa m-ā m̄-tél yā kaw̄ gogə́ ɓēé.

TƏ́DA 22:34 Referans Kwoze

2 SAMUEL 12:13

Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé.

1 SAMUEL 15:24

Saul əda Samuel na: m̄-rāā majaĺ, tām̄ m̄-rāā yá̰á̰ ń Kɔ́ɔ̄ɓē ədam̄ ní aĺ ō, m̄-mbātə́ najə̄ gə̄ ń ḭ̄ ɔ̄r̄ seḿ ní ō. Tɔdɔ̄ m̄-ɓōĺ i de gə̄, adə̄ m̄-rāā i yá̰á̰ ń kemdə́ ndigə ní.

1 SAMUEL 26:21

Saul əda na: m̄-rāā majaĺ. Ngōnə̄ḿ Dabid, ī-tél ī-reē. M-ā m̄-rāāī majaĺ to̰ alé, tām̄ ndɔ̄ɔ́ laā ḭ̄ á̰a̰ā̰ kadə̄ ndi kə kumuú yāḿ mā i yá̰á̰ kə́ gātə̄n i ngá̰ý ta kumií tə́. Rɔ̄kum, yá̰á̰ ń m̄-rāā ní i tītə̄ kə́ i nge kɔ̄r̄ n rāā yá̰a̰ beé. m̄-rāā i yá̰á̰ kə́ gōtə́ aĺ ngá̰ý.

1 SAMUEL 15:30

Saul tél əda ɓáý to̰ na: m̄-rāā majaĺ rɔ̄kum. Ba ń-toō ní m̄-rāāī ɓɔ́, ī-rɔȳm̄ ta kum kum kɔɔ̄ gə̄ yā deē yāḿ gə̄ tə́ ō, ta kum ngán Israel gə̄ tə́ ō. Ī-tél seḿ ādə̄ m-āw̄ m-ɔ́sə noḿ kə̄ nang tə́ no Kɔ́ɔ̄ɓē yāí tə́.

Gōsə̄ najə̄ gə̄ 24:18

na sōgə́ Kɔ́ɔ̄ɓē a̰ā̰ anī nelə̄n aĺ ō, lōō gír kənda madə̄ ba̰ā̰í tə́ ō.

PĀ GƏ̄ 78:34

Dan ń Nə́ɓā a tɔ̄l̄də́ anī, nin̄ sāān̄ njan. Əya̰n̄ yá̰a̰ rāādə́ gə̄ ba tūrə̄n̄ rɔ̄də́ kə̄ rɔ̄ Nə́ɓā tə́.

1 YÁ̰A̰ GƏ̄ 21:7

Yá̰á̰ ní majə alé ta kum Nə́ɓā tə́ adə̄ ni ənda Israel gə̄.

1 SAMUEL 24:17

Dan ń Dabid ɔr̄ najə̄ oy anī, Saul dəjen na: Ngōnə̄ḿ Dabid, i īkɔ́ n ɔ̄r̄ najə̄ seḿ toō a? Gō tə́ anī Saul mbutə kə̄ nōō tə́,

TƏ́DA 22:12

Nə́ɓā əda Balam na: Ī-lōō kaw̄ sedə́. Ā ī-ndɔ̄ĺ gír de gə̄ ń noō alé, tɔdɔ̄ tɔ́r̄ ta i dɔdə́ tə́.

TƏ́DA 14:40

Teē kə ndɔ̄ kə́ noō anī ḭḭn̄ kə gír looí ɓatə, əsōn̄ róbó a aw̄n̄ kə̄ dām̄ kə́ mbalá tə́ Nin̄ ədan̄ na: Jḭḭ n toó. J-a j-aw̄ loo ń Kɔ́ɔ̄ɓē əda najə̄n tə́ ní, tām̄ yá̰á̰ ń jə-rāā ní i yá̰á̰ kə́ majə alé rɔ̄kum.

TƏ́DA 11:1

Ndɔ̄ kə́rēý tə́ ngán Israel gə̄ tāmə̄n̄ kə Kɔ́ɔ̄ɓē, adə̄ Kɔ́ɔ̄ɓē oō ní nelə̄n alé. Wōn̄g rāān adə̄ ni-əla hor yān dɔdə́ tə́ adə̄ o̰o̰ loo ta ngóy ɓē tə́.

Teē Ngán Israel gə̄ 9:27

Parao̰ ɓāŕ Moijə nin̄ kə Aaro̰ ədadə́ na: Kə́ ɓōó ń toō i mā n m̄-rāā majaĺ ní. Kɔ́ɔ̄ɓē i de kə́ súmūú, adə̄ najə̄ i dɔḿ mā tə́ ō, dɔ gír deē yāḿ gə̄ tə́ ō.

TƏ́DA 22:33

Kó̰o̰ kərō ni a̰a̰m̄, adə̄ tīlə̄m̄ nja mətá. Nə́ngē tə́ tīlə̄m̄ aĺ anī m̄-tɔ̄lī kɔ̄ɔ́ ba m-ə́ya̰n ni.