TƏ́DA 22:12 - Bibəl ta Sar̄

¹² Nə́ɓā əda Balam na: Ī-lōō kaw̄ sedə́. Ā ī-ndɔ̄ĺ gír de gə̄ ń noō alé, tɔdɔ̄ tɔ́r̄ ta i dɔdə́ tə́.

Bible sar

¹² Nə́ɓā əda Balam na: Ī-lōō kaw̄ sedə́. Ā ī-ndɔ̄ĺ gír de gə̄ ń noō alé, tɔdɔ̄ tɔ́r̄ ta i dɔdə́ tə́.

TƏ́DA 22:12 Referans Kwoze

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

NDŪ NAJƏ̄ 23:5

Tɔdɔ̄ dan ń ī-teēī kɔ̄ɔ́ kem ɓē kə́ Ejiptə tə́ á sḭḭ̄ i róbó ɓáý ní, tə́nīn̄ tasí kə yá̰a̰ kəsaá aĺ ō, kə maná aĺ ō. Moab gə̄ əlan̄ gō Balam kə́ ngōn̄ Beor tə́ Petor, dām̄ nang kə́ Mesopotami kə́ kḭḭ kə̄ dɔɔ́ tə́, ba adə̄nən̄ nar kadə̄ ndɔ̄lə́nńsí.

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

TA KƏLA 12:2

M-ā m̄-rāā kadə̄ ā ī-tél kaa nápar de kə́ ngá̰ý gə̄. M-ā m̄-rāā majə seí ō, m-ā m̄-rāā kadə̄ rīí ɓār̄ ngá̰ý ō. De gə̄ a tɔ́rə̄n̄ tadə́ dɔ naā tə́ i kə rīí ō.

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

MATIYE 27:19

Dan ń Pilatə ndi loo gān̄g sarya tə́ ní, nə̄yá̰n əla ədan na kə lōō kəla rɔ̄n dan najə̄ yā de kə́ súmūú ń noō tə́. Tɔdɔ̄ na n-nī nī kə́ majaĺ ngá̰ý dɔn tə́ ndɔ̄ɔ́ laā.

MISE 6:5

Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

PĀ GƏ̄ 146:5

Deē ń Nə́ɓā yā Jakob i nge rāā seneé ō, əndā kemən dɔ Kɔ́ɔ̄ɓē Nə́ɓā yān tə́ ō ní, rɔ̄n nelə̄n!

PĀ GƏ̄ 144:15

Rɔ̄nel̄ i kə gír de gə̄ ń yá̰a̰ kə́ majə gə̄ ń noō malang ton̄ loodə́ ní! Rɔ̄nel̄ i kə gír de gə̄ ń Kɔ́ɔ̄ɓē i Nə́ɓā yādə́ ní!

TƏ́DA 23:23

Kəndā gara gətóo dan ngán Israel gə̄ tə́ ō, koō ta kɔdə̄ sāā gə̄ gətóo dan ngán Israel gə̄ tə́ ō. Ré asə dɔ tə́ anī a ədan̄ ngán Jakob gə̄ ō, ngán Israel gə̄ ō, yá̰á̰ ń Nə́ɓā rāā ní.

TƏ́DA 23:3

Balam əda Balak na: Ī-ra laā kadə dā̰ yāí gə̄ ń ī-róō horoó tə́ toō, ba mā m-ā m-ɔ́tə kɔ̄ɔ́ rɔ̄ tə́ yā kaw̄ dan sa̰y sḛ́ý. Majanī Kɔ́ɔ̄ɓē a tə́nī taḿ. Najə̄ ń a ədam̄ ní ká i najə̄ rí gə̄gē anī, m-ā m-ə́daī. Balam ɔtə aw̄.

TƏ́DA 22:6

Ní, m̄-rāāī ɓɔ́, ī-reē ī-ndɔ̄ldə́ ādə̄m̄ tām̄ tɔ́gə́də́ tɔȳ yāḿ. Majanī m-ā m̄-tetədə́ rɔ̄ɔ̄ ō, m-ā m̄-tə̄ɓādə́ kɔ̄ɔ́ dɔ nang ń ndin̄ tū tə́ ní ō. Tɔdɔ̄ m̄-gēr̄ kadə̄ deē ń ā ī-tɔ́r̄ taí dɔn tə́ ní, a ənge tɔ́r̄ ta ō, deē ń ā ī-ndɔ̄lə́n ní, ndɔ̄ĺ a əsō dɔn tə́ ō.

TƏ́DA 22:11

Gír de gə̄ ń teēn̄ kɔ̄ɔ́ kem ɓē kə́ Ejiptə ní na taān̄ dɔ nang malang. Ní, kə m-āw̄ kə m̄-ndɔ̄ĺdə́ m-ādə̄n. Ɓáa majə a na n-tetədə́ rɔ̄ɔ̄ ō, na n-tə̄ɓādə́ kɔ̄ɔ́ ō.

TƏ́DA 22:13

Teē kə ndɔ̄ý anī Balam ḭḭ dɔɔ́ ba əda de kə́ bo gə̄ ń mban̄g Balak əladə́ ní na: Ī-tél āwī gogə́ ɓēé, tɔdɔ̄ Kɔ́ɔ̄ɓē ɔgə̄m̄ kaw̄ sesí kɔ̄ɔ́.

TƏ́DA 23:8

Deē ń Nə́ɓā ndɔ̄lə́n aĺ ní, loo kadə̄ m̄-ndɔ̄lə́n i ba̰ý, deē ń Kɔ́ɔ̄ɓē ənī tan gōn tə́ aĺ ní, loo kadə̄ m-ə̄nī taḿ gōn tə́ i ba̰ý?

TƏ́DA 24:9

Nin̄ tɔ́sə̄n̄ yár̄ pá tá ton̄ nang tə́ tītə̄ ɓɔl gə̄. I náā n asə kɔsə sedə́ ta kḭḭ dɔɔ́? Israel, deē ń a tɔ́r̄ tan dɔí tə́ ní, tɔ́r̄ ta i dɔ kɔ́ɔ̄ tə́, ba deē ń a ndɔ̄líī ní, a ndɔ̄lə́n̄ kɔ́ɔ̄.

NDŪ NAJƏ̄ 2:7

Tām̄ Kɔ́ɔ̄ɓē Nə́ɓā yāsí rāā majə sesí tū kəla rāāsí gə̄ tə́ malang dan ń ə́ndaī dəla loo kə́ bo ngá̰ý ń toō ī-gāngī ní ō, əndā kumən gōsí tə́ ō. Kɔ́ɔ̄ɓē njə̄rā sesí ɓāl̄ kutə sɔ́ ngɔlaā ō, ī-nalī yá̰á̰ kógə̄ḿ aĺ ō.

NDŪ NAJƏ̄ 7:14

A rāā majə sesí ngá̰ý tɔȳ yā gír de kə́ rang gə̄. De kə́ dəngam aké de kə́ dəyá̰ kə́ kujə a gətóo dɔ dáńsí tə́. Yá̰a̰ kul̄ yāsí kə́ kujə a gətóo.

NDŪ NAJƏ̄ 28:6

Tɔ́r̄ ta a reē dɔí tə́ ta kawí tə́ ō, ta télí tə́ ō.

2 YÁ̰A̰ GƏ̄ 31:10

anī Ajaria ngol ngé tun̄ yá̰a̰ gə̄ ń i de kə́ gír kojə yā Sadok tə́ ní tél ədan na: Əla gír ndɔ̄ ń de gə̄ reēn̄ kə yá̰a̰ ndējə̄ gēé kem kújə yā Kɔ́ɔ̄ɓē tə́ ní, j-əsa yá̰a̰ jə-ndān̄ ō, gotə yá̰a̰ teē ngá̰ý ō. Tɔdɔ̄ Kɔ́ɔ̄ɓē rāā majə kə gír deē yān gēé. Yá̰a̰ gə̄ ń kánə̄n̄ dɔ naā tə́ bing bing toó i gotə yá̰á̰ kə́ teē kə̄ ndágá gə̄.

IJAI 61:9

De gə̄ a gerə̄n̄ ngáńsí gə̄ dan nápar de gə̄ tə́ malang ō, a gerə̄n̄ ngán kaasí gə̄ kə̄ loo gə̄ tə́ malang ō. De gə̄ malang ń a a̰a̰n̄də́ ní, a gerə̄n̄də́ i kə ta kūl̄ yá̰á̰ ń toō: Nin̄ i gír de gə̄ kə́ Kɔ́ɔ̄ɓē tɔ́r̄ tan dɔdə́ tə́.