TƏ́DA 21:7 - Bibəl ta Sar̄

⁷ Gír de gə̄ reē əngen̄ Moijə ba ədanən̄ na: Jə-rāā yá̰á̰ kə́ majaĺ tām̄ jə-tə́da najə̄ dɔ Kɔ́ɔ̄ɓē tə́ ō, dɔí tə́ ō. Ba ī-rāā Kɔ́ɔ̄ɓē ɓɔ́ ādə̄ tə̄ɓā lī gə̄ ń toō kɔ̄ɔ́ dɔjí tə́ ādə̄ aw̄n̄ sa̰y. Moijə rāā Kɔ́ɔ̄ɓē ɓɔ́ tām̄ yā gír de gə̄ tə́.

Bible sar

⁷ Gír de gə̄ reē əngen̄ Moijə ba ədanən̄ na: Jə-rāā yá̰á̰ kə́ majaĺ tām̄ jə-tə́da najə̄ dɔ Kɔ́ɔ̄ɓē tə́ ō, dɔí tə́ ō. Ba ī-rāā Kɔ́ɔ̄ɓē ɓɔ́ ādə̄ tə̄ɓā lī gə̄ ń toō kɔ̄ɔ́ dɔjí tə́ ādə̄ aw̄n̄ sa̰y. Moijə rāā Kɔ́ɔ̄ɓē ɓɔ́ tām̄ yā gír de gə̄ tə́.

TƏ́DA 21:7 Referans Kwoze

KƏLA RĀĀ 8:24

Simo̰ tél əda Piyer nin̄ kə Ja̰a̰ na: Sḭḭ̄ kɔ́ gə̄ ī-ndɔ̄yī Kɔ́ɔ̄ɓē tām̄ yāḿ tə́, ādə̄ yá̰á̰ kógə̄ḿ kə́ dan yá̰a̰ gə̄ ń ə́damī tə́ toō rāām̄ alé.

PĀ GƏ̄ 78:34

Dan ń Nə́ɓā a tɔ̄l̄də́ anī, nin̄ sāān̄ njan. Əya̰n̄ yá̰a̰ rāādə́ gə̄ ba tūrə̄n̄ rɔ̄də́ kə̄ rɔ̄ Nə́ɓā tə́.

TƏ́DA 11:2

Kósə de gə̄ əgan̄ kɔŕ kə̄ dɔ Moijə tə́, adə̄ Moijə rāā Kɔ́ɔ̄ɓē ɓɔ́ tām̄ yādə́ tə́, anī hor ní oy.

Teē Ngán Israel gə̄ 8:8

Moijə nin̄ kə Aaro̰ əya̰n̄ Parao̰ ba teēn̄. Moijə nōō kə̄ dɔ Kɔ́ɔ̄ɓē tə́ tām̄ yā ka̰rā̰ gə̄ ń bə̄gādə́ dɔ Parao̰ tə́ ní.

1 MBAN̄G GƏ̄ 13:6

Kə̄ ta jī tə́ noō mban̄g əda deē yā Nə́ɓā ní na: m̄-dəjeī kadə̄ ī-rāā Kɔ́ɔ̄ɓē Nə́ɓā yāí ɓɔ́ ādə̄ mā̰ȳ rɔ̄n dɔḿ tə́ ō, adə̄ rāā jīḿ ādə̄ tél kə̄ rɔ̄ḿ tə́ ō. Deē yā Nə́ɓā ní rāā Kɔ́ɔ̄ɓē ɓɔ́, anī jī mban̄g tél kə̄ rɔ̄n tə́.

Teē Ngán Israel gə̄ 8:28

Banī Parao̰ rāā dɔ ngan̄g ɓáý, ɔdə kəya̰ ngán Israel gə̄ kadə̄ aw̄n̄ alé.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

Makətūbə̄ ń Pol ndang adə̄ Rom gə̄ ní 10:1

Ngákó̰ó̰ḿ gə̄, yá̰á̰ ń m̄-ndə̄ngā kemḿ tə́ tām̄ yā Jipə gə̄ tə́ ō, yá̰á̰ ń m-ā m̄-ndɔ̄ȳ Nə́ɓā tām̄ yādə́ tə́ najə̄n tə́ ō ní i kadə̄ ajən̄.

MATIYE 27:4

ba ədadə́ na: m̄-rāā majaĺ, tɔdɔ̄ m-ə́la de kə́ kanjə̄ najə̄ dɔn tə́ jī de gə̄ tə́ kadə̄ tɔ̄l̄nən̄. Banī nin̄-tél ədanən̄ na: Nge ń noō usəjí i rí? I najə̄ yāí īkɔ́!

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

JEREMI 37:3

Mban̄g Sedekias əla Yehukal, kə́ ngōn̄ Selemia ō, Sepania nge tun̄ yá̰á̰ kə́ ngōn̄ Maseya ō, rɔ̄ Jeremi nge koō ta tə́ kadə̄ ədanən̄ na: m̄-rāāī ɓɔ́ ba ɔ̄r̄ najə̄ kə Kɔ́ɔ̄ɓē Nə́ɓā yājí tām̄ yājí tə́!

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

Makətūbə̄ yā Job 42:10

Dan ń Job ndɔ̄ȳ Nə́ɓā tām̄ yā madə̄n gə̄ tə́ oy anī, Kɔ́ɔ̄ɓē rāā adə̄ ni-tél ndi majə gogə́. Yá̰á̰ ń Job ənge kété ní, Kɔ́ɔ̄ɓē rāā adə̄ ni-tél ənge gogə́ loo nja tə́ jōó.

Makətūbə̄ yā Job 42:8

Ba ń toō ɓáa ə́hɔī man̄g kə́ bəra gə̄ sīrí ō, bal batə̄ gə̄ sīrí ō, ba āw̄ ə́ngeī nge kəla yāḿ Job. Ī-tɔ̄lī dā̰ gə̄ ń noō ī-tunīdə́ kə taá malang tām̄ yá̰á̰ kə́ gōtə́ aĺ ń ī-rāāī tə́ ní ō, ādə̄ nge kəla yāḿ Job ndɔ̄ȳ Nə́ɓā tām̄ yāsí tə́ ō. Ré m̄-rāāsí yá̰á̰ kə́ tōr̄ tām̄ kɔ̄r̄ yāsí tə́ aĺ anī, i najə̄ yā nge kəla yāḿ Job tə́. Tɔdɔ̄ sḭḭ̄ ə́daī najə̄ kə́ rɔ̄kum dɔḿ tə́ tītə̄ nge kəla yāḿ Job alé.

1 SAMUEL 15:30

Saul tél əda ɓáý to̰ na: m̄-rāā majaĺ rɔ̄kum. Ba ń-toō ní m̄-rāāī ɓɔ́, ī-rɔȳm̄ ta kum kum kɔɔ̄ gə̄ yā deē yāḿ gə̄ tə́ ō, ta kum ngán Israel gə̄ tə́ ō. Ī-tél seḿ ādə̄ m-āw̄ m-ɔ́sə noḿ kə̄ nang tə́ no Kɔ́ɔ̄ɓē yāí tə́.

1 SAMUEL 15:24

Saul əda Samuel na: m̄-rāā majaĺ, tām̄ m̄-rāā yá̰á̰ ń Kɔ́ɔ̄ɓē ədam̄ ní aĺ ō, m̄-mbātə́ najə̄ gə̄ ń ḭ̄ ɔ̄r̄ seḿ ní ō. Tɔdɔ̄ m̄-ɓōĺ i de gə̄, adə̄ m̄-rāā i yá̰á̰ ń kemdə́ ndigə ní.

NDŪ NAJƏ̄ 9:20

Wōn̄g rāān ngá̰ý kə Aaro̰ ō, adə̄ ni ndigə tɔ̄l̄ Aaro̰ kɔ̄ɔ́, banī m̄-rāān ɓɔ́ tām̄ yā Aaro̰ tə́ ō.

Teē Ngán Israel gə̄ 32:30

Teē gō tə́ anī Moijə əda ngán Israel gə̄ na rāān̄ na i majaĺ kə́ bo ngá̰ý ba ń toō n-a n-tél yā kal̄ dɔɔ́ gogə́ rɔ̄ Kɔ́ɔ̄ɓē tə́ dɔ mbalá. Majanī na a ndigə gōn tə́ kadə̄ mā̰ȳ rɔ̄n dɔ majaĺ yādə́ tə́.

Teē Ngán Israel gə̄ 32:11

Banī Moijə rāā Kɔ́ɔ̄ɓē Nə́ɓā yān ɓɔ́ kadə̄ wōn̄g yān kə tetə, ədan na ké gír de gə̄ ń noō i gír deē yān gə̄ ń nəkɔ́ na ɔydə́ teē sedə́ dɔ nang kə́ Ejiptə tə́ kɔ̄ɔ́ kə jīneé ō, kə tɔ́gən kə́ ngá̰ý ō ní aĺ wa.

TA KƏLA 20:7

Ngɔlaā ní ī-tél kə dəyá̰ ń noō ādə̄n kə ngaaneé gogə́. Ngaan i nge koō ta yāḿ. Ni a ndɔ̄ȳm̄ tām̄ yāí tə́ anī, ā ī-ndi kə kumuú. Ba ré ī-tél ādə̄n kə ngaaneé gogə́ aĺ anī, ā óyiī sḭḭ̄ kə de gə̄ yāí gēé malang.

TA KƏLA 20:17

Kɔ́ɔ̄ɓē rāā adə̄ dəyá̰ kə́ kem ndogə̄ yā Abimelek tə́ gə̄ malang ojən̄ ngán gə̄ to̰ alé najə̄ yā Sara nə̄yá̰ Abəraham tə́. Banī Abəraham ndɔ̄ȳ Nə́ɓā, adə̄ Nə́ɓā adə̄ rɔ̄ Abimelek ngáā ō, rɔ̄ nə̄yá̰n ngáā ō, rɔ̄ ngé kəla yān kə́ dəyá̰ gə̄ ngáā ō, adə̄ nin̄ tél ojən̄ ngán gə̄ gogə́.

2 MBAN̄G 13:4

Banī Joakajə rāā Kɔ́ɔ̄ɓē ɓɔ́ kadə̄ wōn̄g yān tetə. Kɔ́ɔ̄ɓē oō ndūn, tɔdɔ̄ a̰a̰ ko̰y ń mban̄g kə́ Aram ənda Israel gə̄ tū tə́ ní,

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

Teē Ngán Israel gə̄ 8:4

Parao̰ ɓāŕ Moijə nin̄ kə Aaro̰ ədadə́ na kə ndɔ̄ȳn̄ Kɔ́ɔ̄ɓē kadə̄ kə tə̄ɓā ka̰rā̰ gə̄ kɔ̄ɔ́ dɔn tə́ ō, dɔ gír deē yān gə̄ tə́ ō, ɓáa n-a n-əya̰ ngán Israel gə̄ kadə̄ aw̄ tunə̄n̄ yá̰a̰ adə̄n̄ Kɔ́ɔ̄ɓē.

Teē Ngán Israel gə̄ 10:17

kə mā̰ȳn̄ rɔ̄də́ dɔ yá̰á̰ kə́ majaĺ ń n-rāā tə́ ní nja kógə̄ḿ to̰, ba kə ndɔ̄ȳn̄ Kɔ́ɔ̄ɓē Nə́ɓā yādə́ kadə̄ kə tə̄ɓā yá̰á̰ kə́ to yo ń noō dɔn tə́ kɔ̄ɔ́.