TƏ́DA 21:5 - Bibəl ta Sar̄

⁵ adə̄ əlan̄ gíŕ tə́da najə̄ dɔ Nə́ɓā tə́ ō, dɔ Moijə tə́ ō, ədan̄ na: Ī-teēī sejí kɔ̄ɔ́ kem ɓē kə́ Ejiptə tə́ i tām̄ rí tə́? I kadə̄ j-oy kem dəla loo tə́ a? Mápa gətoó laā ō, man̄ gətóo laā ō, mána ń i yá̰a̰ kəsa kə́ ɓāl̄ ɓō tə́ ní nel̄ tají to̰ aĺ ō.

Bible sar

⁵ adə̄ əlan̄ gíŕ tə́da najə̄ dɔ Nə́ɓā tə́ ō, dɔ Moijə tə́ ō, ədan̄ na: Ī-teēī sejí kɔ̄ɔ́ kem ɓē kə́ Ejiptə tə́ i tām̄ rí tə́? I kadə̄ j-oy kem dəla loo tə́ a? Mápa gətoó laā ō, man̄ gətóo laā ō, *mána ń i yá̰a̰ kəsa kə́ ɓāl̄ ɓō tə́ ní nel̄ tají to̰ aĺ ō.

TƏ́DA 21:5 Referans Kwoze

PĀ GƏ̄ 78:19

Nin̄ tāmə̄n̄ kə Nə́ɓāá ədan̄ na ké Nə́ɓā asə kadə̄də́ yá̰a̰ kəsa kem dəla loo tə́ wa.

TƏ́DA 17:12

Aaro̰ rāā yá̰á̰ ń Moijə ədan ní. Ni-un ganán ba a̰ȳ ngɔ̄də̄ aw̄ dan de gə̄ tə́, anī a̰a̰ kadə̄ mo̰y ní əla gír tɔ̄l̄ de gə̄ kɔ̄ɔ́ ɓá. Ni-róō kajaja ō, rāā yá̰á̰ kə́ yā kutə̄ń dɔ majaĺ yā ngán Israel gə̄ ō.

Teē Ngán Israel gə̄ 14:11

Nin̄-ədan̄ Moijə na: Bāá ɓádə gə̄ kə́ kem ɓē kə́ Ejiptə tə́ i ngá̰ý aĺ á ī-reē sejí laā kadə̄ j-oy kem dəla loo tə́ a? Ī-teē sejí kem ɓē kə́ Ejiptə tə́ kɔ̄ɔ́ i tām̄ rí tə́?

Gōsə̄ najə̄ gə̄ 27:7

De kə́ nge ndān̄ kídə̄ mbar̄ tejə kə́ yḛmbə, banī yá̰a̰ malang kə́ katə̄ i yá̰á̰ kə́ nel̄ ta nge ɓō.

PĀ GƏ̄ 68:6

Háĺ Nə́ɓā kə́ kem kújə́ kə́ táĺ yān tə́ n toó: Ni i bɔbə̄ ngán hal gə̄ ō, nge ka̰a̰ gō ngé ngaa koy gə̄ ō.

Teē Ngán Israel gə̄ 16:31

Ngán Israel gə̄ əndān̄ rī yá̰a̰ kəsa ní na i mána. Yá̰á̰ ní to i tītə̄ kum kór beé ba ndaa ō, nel̄ tītə̄ makəla kə́ rāā kə yibə̄ tejeé ō.

Teē Ngán Israel gə̄ 16:15

Ngán Israel gə̄ a̰a̰n̄ yá̰á̰ ní banī gerə̄n̄ yá̰á̰ ní alé, adə̄ dəjen̄ naā dɔ dáńdə́ tə́ na ké yá̰á̰ ń noō ké i rí wa. Anī Moijə ədadə́ na: I yá̰á̰ ń Kɔ́ɔ̄ɓē adə̄sí kadə̄ ə́saī ní.

Teē Ngán Israel gə̄ 15:24

Ngán Israel gə̄ tāmə̄n̄ kə Moijə ədan̄ na ké n-a n-a̰ȳn̄ i rí wa.

1 KORḚNTƏ 10:9

Jə-lōōī nāā Kɔ́ɔ̄ɓē, tītə̄ ń ngé kə́rēý gə̄ dáńdə́ tə́ rāān̄neé, adə̄ lī gə̄ tṵ́ṵ̄n̄də́ adə̄ oyn̄ ní.

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

TƏ́DA 11:20

Banī ā ə́saī i kə́ njɔ́ḿ gə̄ tə́ nāā kógə̄ḿ. Ā ə́saī dā̰ ní bátə́ kadə̄ teē kó̰ńsí tə́, kadə̄ sēēn ra dɔsí tə́. Tām̄ sḭḭ̄ ī-mbātíī Kɔ́ɔ̄ɓē ń ndi dɔ dáńsí tə́ ní kɔ̄ɔ́ ō, ī-nōōī ta kum Kɔ́ɔ̄ɓē tə́ ə́daī na ké ī-teēī kɔ̄ɔ́ Ejiptə i tām̄ rí tə́ wa ō.