TƏ́DA 21:35 - Bibəl ta Sar̄

³⁵ Ngán Israel gə̄ tetən̄ mban̄g Og rɔ̄ɔ̄ naā tə́ kə́ ngánən gə̄ ō, ngé rɔ̄ɔ̄ yān gə̄ malang ō. Nin̄ əya̰n̄ deē kógə̄ḿ kə kumuú aĺ ō, taān̄ dɔ nang yān ndin̄ tū tə́ ō.

Bible sar

³⁵ Ngán Israel gə̄ tetən̄ mban̄g Og rɔ̄ɔ̄ naā tə́ kə́ ngánən gə̄ ō, ngé rɔ̄ɔ̄ yān gə̄ malang ō. Nin̄ əya̰n̄ deē kógə̄ḿ kə kumuú aĺ ō, taān̄ dɔ nang yān ndin̄ tū tə́ ō.

TƏ́DA 21:35 Referans Kwoze

JOJUE 13:12

Nja loo yādə́ ní un dɔ nang yā mban̄g Og ń kété o̰o̰ ɓē kə́ Asətarot ō, Edrey ō, dɔ nang kə́ Basan tə́ ní kemeé. Og i ta nóý Repay gə̄. Kété Moijə tetə de gə̄ kə́ gō nang gə̄ ń noō tə́ rɔ̄ɔ̄ ba taā ɓē yādə́.

Makətūbə̄ ń Pol ndang adə̄ Rom gə̄ ní 8:37

Ba nge ń táŕjí ní rāā adə̄ jə-tetiī rɔ̄ɔ̄ tū yá̰a̰ gə̄ ń noō tə́ malang.

NDŪ NAJƏ̄ 2:12

Banī dɔ nang kə́ Seir ní, i Hori gə̄ n ndin̄ tū tə́ kété tá kadə̄ ngán kaa Esau gə̄ reē taān̄ jīdə́ tə́ ō, tɔ̄lə̄n̄də́ kɔ̄ɔ́ malang ō, ba ndin̄ gotədə́ tə́ ní. Ngán Israel gə̄ rāān̄ i tītə̄ yādə́ n ndin̄neé dɔ nang ń Kɔ́ɔ̄ɓē adə̄də́ tə́ ní.

TƏ́DA 32:4

i ɓē gə̄ kə́ rāān̄də́ i dɔ nang ń Kɔ́ɔ̄ɓē taā adə̄ ngán Israel gə̄ tə́ ní. Dɔ nang ní majə tām̄ yā yá̰a̰ kul̄ gə̄ tə́, tá jḭḭ ń i ngé kəla yāí gə̄ ní yá̰a̰ kul̄ yāsí gə̄ i ngá̰ý.

NDŪ NAJƏ̄ 4:46

Dan ń noō tə́ ní nin̄ i gidə bā Jurdḛ kə́ dām̄ kə́ gír ɓē tə́, kum wól loo ń ra sɔɔ̄n̄ ta naā kə Bet Peor ní tə́, dɔ nang yā Sihon mban̄g yā Amor gə̄ tə́. Mban̄g Sihon ndi i Hesəbon. Banī Moijə nin̄ kə ngán Israel gə̄ tetənən̄ rɔ̄ɔ̄ kɔ̄ɔ́ ba taān̄ dɔ nang yān.

NDŪ NAJƏ̄ 4:47

Nin̄ taān̄ dɔ nang yā Og mban̄g kə́ Basan ō. Mban̄g kə́ jōó gə̄ ń toō o̰o̰n̄ ɓē i gidə bā Jurdḛ kə́ dām̄ kə́ dūn̄ ɓē tə́. Nin̄ i Amor gə̄.

NDŪ NAJƏ̄ 31:4

Kɔ́ɔ̄ɓē a nujə nápar de gə̄ ń noō tītə̄ ń nujəń mban̄g yā Amor gə̄ ń i Sihon nin̄ kə Og ní ō, tītə̄ ń nujəń ɓē yādə́ sák sák kɔ̄ɔ́ ní ō.

NGÉ SARYA 10:11

Kɔ́ɔ̄ɓē tél ədadə́ na: Dan ń de kə́ Ejiptə gə̄ ō, Amor gə̄ ō, ngán Amon gə̄ ō, Pilistin gə̄ ō,