TƏ́DA 21:33 - Bibəl ta Sar̄

³³ Gō tə́ anī ngán Israel gə̄ tūrə̄n̄ rɔ̄də́ ba unən̄ róbə́ kə́ Basan. Og mban̄g kə́ Basan ɔy ngé rɔ̄ɔ̄ yān gə̄ malang teē tə́nań tadə́ ba ənīdə́ rɔ̄ɔ̄ kem ɓē kə́ Edrey tə́.

Bible sar

³³ Gō tə́ anī ngán Israel gə̄ tūrə̄n̄ rɔ̄də́ ba unən̄ róbə́ kə́ Basan. Og mban̄g kə́ Basan ɔy ngé rɔ̄ɔ̄ yān gə̄ malang teē tə́nań tadə́ ba ənīdə́ rɔ̄ɔ̄ kem ɓē kə́ Edrey tə́.

TƏ́DA 21:33 Referans Kwoze

JOJUE 13:12

Nja loo yādə́ ní un dɔ nang yā mban̄g Og ń kété o̰o̰ ɓē kə́ Asətarot ō, Edrey ō, dɔ nang kə́ Basan tə́ ní kemeé. Og i ta nóý Repay gə̄. Kété Moijə tetə de gə̄ kə́ gō nang gə̄ ń noō tə́ rɔ̄ɔ̄ ba taā ɓē yādə́.

NDŪ NAJƏ̄ 29:7

Jə-taāī dɔ nang yādə́ j-adī de kə́ gír ɓē yā Ruben tə́ gə̄ ō, Gad tə́ gə̄ ō, núsə de kə́ gír ɓē yā Manase tə́ gə̄ ō.

NDŪ NAJƏ̄ 1:4

Moijə tetə Sihon mban̄g yā Amor gə̄ ń ndi Hesəbon ní rɔ̄ɔ̄ ō, tetə Og, mban̄g kə́ Basan ń ndi Asətarot ní rɔ̄ɔ̄ kem ɓē kə́ Edrey tə́ ō, pá tá əla gír kɔjə ngán Israel gə̄ ndū najə̄ ń toō gidə bā Jurdḛ tə́, dɔ nang kə́ Moab tə́ ɓáý.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

EJEKIEL 39:18

Ā ə́saī nīń go̰ rɔ̄ɔ̄ gə̄ ō, ā ā̰yī mósə ngār gə̄ kə́ dɔ nang tə́ laā ō. Nin̄ i yá̰á̰ kə́ tun̄ kum gotə bal batə̄ gə̄ ō, ngán batə̄ gə̄ ō, bal bə̄yā̰ gə̄ ō, kum gotə ngán man̄g kə́ yḛmbə gə̄ kə́ Basan ō.

EJEKIEL 27:6

Nin̄ tə́gān̄ i kāgə̄ sén gə̄ kə́ Basan n rāān̄nəń háy yāí gə̄ ní. Rāān̄ loo ra ngé nēl̄ to gə̄ i kə kāgə̄ sédər gə̄ kə́ dor̄ loo yā Gərek gə̄ tə́ kə́ rāān̄ ro̰n gə̄ i kə ngān̄g dā̰á̰.

IJAI 33:9

Ɓē əhɔ ndoō ō, tutə kɔ̄ɔ́ ō. Mbal̄ bo gə̄ kə́ Liban ń əlan̄ rɔ̄sɔl̄ dɔdə́ tə́ ngá̰ý ní, tutən̄ malang kɔ̄ɔ́. Ndágə mbō kə́ Saro̰ tə́ to i tītə̄ dəla loo beé. Kāgə̄ gə̄ gətóon̄ kɔ̄ɔ́ dɔ mbal̄ gə̄ kə́ Basan tə́ ō, dɔ mbal̄ gə̄ kə́ Karmel tə́ ō.

PĀ GƏ̄ 68:15

Dan ń Nə́ɓā kə́ bo kə́ tɔ́gən i ngá̰ý tə̄ndā mban̄g gə̄ tḭ̄ḭ̄də́ ní, néjə dəse tun tun dɔ mbal̄ Salmon tə́.

PĀ GƏ̄ 22:12

Ní ī-lōō kadə̄ danií i sa̰y rɔ̄ḿ tə́, tɔdɔ̄ yá̰á̰ kə́ ngan̄g dɔ i ngɔr ō, de kə́ yā rāā seḿ gətóo ō.

JOJUE 13:30

ɓē kə́ Mahanaim i dɔ ninə̄n kə́ dām̄ mbɔ́r ɓē kə́ geleé tə́. Dɔ nang ní un gō nang kə́ Basan malang ō, dɔ nang yā Og mban̄g kə́ Basan ō, ngán ɓē gə̄ ké kutə mehḛ́ yā Yair ń i gō nang ń noō tə́ ní ō,

JOJUE 12:4

Mban̄g kə́ nge ko̰ jōó i mban̄g Og. Ni i dan Repay gə̄ kə́ ta ngóý tə́.

JOJUE 9:10

yá̰á̰ ń ni-rāā kə mban̄g yā Amor gə̄ kə́ jōó gə̄ ń ndin̄ gidə bā Jurdḛ kə́ dām̄ kə́ nú tə́ ní, adə̄ i yá̰á̰ ń ni-rāā kə Sihon mban̄g kə́ Hesəbon ní ō, kə Og mban̄g kə́ Basan ń ndi Asətarot ní ō.

NDŪ NAJƏ̄ 32:14

Adə̄də́ yibə̄ man̄g gə̄ ō, mba batə̄ gə̄ ō, yibə̄ ngán batə̄ gə̄ ō, yibə̄ bal batə̄ gə̄ kə́ Basan ō, yibə̄ bal bə̄yā̰ gə̄ ō, ndujə̄ gémē kə́ lándə̄ ō. Nin̄-a̰yn̄ kasə kan̄ kāgə̄ nduú yādə́ gə̄ ō.

NDŪ NAJƏ̄ 4:47

Nin̄ taān̄ dɔ nang yā Og mban̄g kə́ Basan ō. Mban̄g kə́ jōó gə̄ ń toō o̰o̰n̄ ɓē i gidə bā Jurdḛ kə́ dām̄ kə́ dūn̄ ɓē tə́. Nin̄ i Amor gə̄.

TƏ́DA 32:33

Moijə adə̄ de gə̄ kə́ gír ɓē yā Gad tə́ ō, yā Ruben tə́ ō, núsə de gə̄ kə́ gír ɓē yā Manase ngōn̄ Jəjep tə́ ō, dɔ nang yā mban̄g Sihon ń i mban̄g yā Amor gə̄ ní ō, dɔ nang yā mban̄g kə́ Basan ń rīn na i Og ní ō. Ni-adə̄də́ dɔ nang gə̄ ní kə ɓē bo gə̄ kə́ tū tə́ ō, kə dɔ nang gə̄ kə́ kadə ɓē bo gə̄ ní tə́ ō.

PĀ GƏ̄ 68:22

Banī Nə́ɓā tɔ̄ɔ̄ dɔ madə̄ ba̰ā̰n gə̄, ni tɔ̄ɔ̄ kār̄ dɔ deē ń əɓa nənga ngá̰ý á rāā yá̰á̰ kə́ majaĺ ní.

PĀ GƏ̄ 135:11

mban̄g gə̄ ní i Sihon mban̄g yā Amor gə̄ ō, Og mban̄g kə́ Basan ō, mban̄g gə̄ malang kə́ Kanaan ō.

PĀ GƏ̄ 136:20

Tɔ̄l̄ Og mban̄g kə́ Basan ō, tɔdɔ̄ kem majə yān to ngándáńg.

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.