TƏ́DA 21:29 - Bibəl ta Sar̄

²⁹ Moab, yá̰á̰ kə́ to kum kaȳ aĺ əso dɔí tə́. Sḭḭ̄ ngé rāā ɓesə̄ Kemos gə̄, tasí tḭ̄ḭ̄ kɔ̄ɔ́. Moab, rāān̄ ngání kə́ dəngam gə̄ adə̄ a̰ȳn̄ naā ram ram. Rāān̄ ngé kə́ dəyá̰ gə̄ ɓəlo yā Sihon mban̄g yā Amor gə̄ tə́.

Bible sar

²⁹ Moab, yá̰á̰ kə́ to kum kaȳ aĺ əso dɔí tə́. Sḭḭ̄ ngé rāā ɓesə̄ Kemos gə̄, tasí tḭ̄ḭ̄ kɔ̄ɔ́. Moab, rāān̄ ngání kə́ dəngam gə̄ adə̄ a̰ȳn̄ naā ram ram. Rāān̄ ngé kə́ dəyá̰ gə̄ ɓəlo yā Sihon mban̄g yā *Amor gə̄ tə́.

TƏ́DA 21:29 Referans Kwoze

JEREMI 48:46

Moab, i yá̰á̰ kə́ to kum kaȳ aĺ kə́ ba̰ý beé n rāāī ní? Ta gír de kə́ Kemos tə́ gə̄ tḭ̄ḭ̄ kɔ̄ɔ́. Əhɔn̄ ngání kə́ dəngam gə̄ ta rɔ̄ɔ̄ tə́ aw̄n̄ sedə́ ō, əhɔn̄ ngání kə́ dəyá̰ gə̄ əlan̄də́ dəngáyá ō.

2 MBAN̄G 23:13

Ni-rāā adə̄ majaĺ tákə̄ loo ndɔ̄ȳ gə̄ ń ran̄ sɔɔ̄ ta ɓē kə́ Jerusalem ní. Ré deē ra mbal̄ kāgə̄ olibə gə̄ tə́ anī, loo ndɔ̄ȳ gə̄ ní ran̄ i kə̄ dām̄ mbɔ́r ɓē kə́ geleé tə́. Salomo̰ mban̄g kə́ Israel rāā loo ndɔ̄ȳ gə̄ ní kété adə̄ i Astarte ń i ɓesə̄ kə́ majaĺ ngá̰ý yā Sidon gə̄ ní ō, adə̄ i Kemos ń i ɓesə̄ kə́ majaĺ ngá̰ý yā Moab gə̄ ō, Milkom ń i ɓesə̄ kə́ majaĺ ngá̰ý yā Amon gə̄ ní ō.

NGÉ SARYA 11:24

Nge ń ɓesə̄ yāí Kemos adī ní i gír jīí tə́ aĺ ɓáý a? Ní yá̰a̰ malang ń Kɔ́ɔ̄ɓē Nə́ɓā yājí adə̄jí ní kə j-ənge aĺ a?

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə ngé tun̄ yá̰a̰ yāí gə̄ ō, ngār yāí gə̄ ō.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

1 MBAN̄G GƏ̄ 11:7

Dan ngeé ń noō tə́ ní Salomo̰ rāā loo kə́ kḭḭ kə̄ dɔɔ́ dɔ mbal̄ ń ra sɔɔ̄ no ɓē kə́ Jerusalem ní tə́ tām̄ yā ɓesə̄ Kemos ń i ɓesə̄ kə́ majaĺ ngá̰ý yā Moab gə̄ ní tə́ ō, rāā loo kə́ kḭḭ kə̄ dɔɔ́ kə́ rang tām̄ yā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní tə́ ō.

JEREMI 48:13

Rɔ̄ Moab gə̄ a sɔldə́ najə̄ yā Kemos tə́, tītə̄ ń rɔ̄ Israel gə̄ sɔlə̄ńdə́ najə̄ yā Betel ń nin̄ ənīn̄ kemdə́ adə̄nən̄ tə́ ní.

IJAI 16:2

Dəyá̰ kə́ Moab gə̄ i loo gə̄ ń de gə̄ a teēn̄ man̄ Arnon tū tə́ ní tə́. Nin̄ ton̄ i tītə̄ yel̄ gə̄ kə́ a̰ȳn̄ naā beé, yel̄ gə̄ kə́ tə̄ɓān̄də́ kɔ̄ɔ́ kem ɓēdə́ tə́ kadə̄ a̰ȳ aw̄n̄ sa̰y beé.

IJAI 15:5

m̄-ɓāŕ yá̰a̰ kadə̄ dḭḭ̄mə̄n̄ yā rāań kə ɓē kə́ Moab. De kə́ Moab gə̄ a̰ȳn̄ naā bátə́ ugə̄n̄ Soar, aw̄n̄ bátə́ ugə̄n̄ Egəlat Selisiya. Nin̄ alə̄n̄ kadə Luhit tə́ ta kaw̄ dɔɔ́ kə nōó. Nin̄ əgan̄ kɔŕ dɔ róbə́ kə́ Horonaim tə́ ədan̄ na: Yá̰a̰ malang i kə́ nujə kɔ̄ɔ́. I yá̰á̰ kə́ to kum kaȳ aĺ kə́ to ɓōĺ ngá̰ý kə́ ba̰ý beē!

TƏ́DA 24:17

Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

JEREMI 48:45

Ngé ka̰ȳ naā kə́ kɔr asədə́ nák gə̄ reē dəban̄ ndílí kem ɓē kə́ Hesəbon tə́. Banī hor əɓa bup Hesəbon, ta ndo̰ hor teē kem kújə yā mban̄g Sihon tə́ kə̄ ndagá ba o̰o̰ bɔ̄gə̄ ɓē gə̄ kə́ Moab ō, kār̄ dɔ ngé kutə mbī gə̄ ō.