TƏ́DA 21:27 - Bibəl ta Sar̄

²⁷ Adə̄ gōsə̄ pā gə̄ ədan̄ na: Ī-reēī Hesəbon, ɔ́yiī kújə gə̄ dɔɔ́ gogə́ ō. Ī-rāāī ɓē yā Sihon gogə́ rang ō.

Bible sar

²⁷ Adə̄ gōsə̄ pā gə̄ ədan̄ na: Ī-reēī Hesəbon, ɔ́yiī kújə gə̄ dɔɔ́ gogə́ ō. Ī-rāāī ɓē yā Sihon gogə́ rang ō.

TƏ́DA 21:27 Referans Kwoze

HABAKUK 2:6

Banī de gə̄ malang ń nin̄ tetən̄də́ rɔ̄ɔ̄ ní, a tāmə̄n̄ sedə́ ō, a lurən̄də́ ō, najə̄ kə́ tadə́ tə́ a adə̄də́ do ō. Najə̄ ń nin̄ a ədan̄ ní n toó: I yá̰á̰ kə́ to kum kaȳ aĺ kə́ ba̰ý beē n rāāsí ní. Yá̰a̰ kənge gə̄ ń i yāsí aĺ ní, sḭḭ̄ ā ɔ́siī dɔ kə̄ naā tə́ i bátə́ ndɔ̄ kə́ rá tə́? Kə̄rā gə̄ kə́ dɔsí tə́ i ngá̰ý kum kə̄ kété kété!

IJAI 14:4

Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

TƏ́DA 21:14

Ɔrə̄n̄ najə̄ yā bā Arnon kem makətūbə̄ rɔ̄ɔ̄ gə̄ yā Kɔ́ɔ̄ɓē tə́ ədan̄ na: Man̄ Waheb kə́ Supa, naā tə́ kə ta jīn kə́ tɔ̄ɔ̄ gə̄, bā Arnon

TƏ́DA 21:26

Hesəbon i ɓē yā mban̄g Sihon ń kété rɔ̄ɔ̄ mban̄g kə́ Moab ba taā nang yān jīn tə́ kɔ̄ɔ́ malang ní. Dɔ nang yān ń laan aw̄ bátə́ ugə̄ bā Arnon tə́ ní, taā jin̄ tə́ kɔ̄ɔ́ malang.

TƏ́DA 21:28

Hor ḭḭ Hesəbon. Ta ndo̰ hor teē kem ɓē yā Sihon tə́. Gān̄g əsō dɔ Ar ń i ɓē kə́ Moab ní tə́ o̰o̰n̄ ō, O̰o̰ń ngār gə̄ ń ndin̄ dɔ gósə bā Arnon tə́ ní ō.

NEHEMI 7:1

Dan ń əndān̄ ndogə̄ mbal̄ oy ō, tə́lan̄ bápə gə̄ ta róbə gə̄ tə́ oy ō anī, tə́ndān̄ ngé ngɔ̄m̄ ta róbə gə̄ ō, gōsə̄ pā gə̄ ō, ngán Lebi gə̄ ō, kem kəla yādə́ gə̄ tə́.