TƏ́DA 21:26 - Bibəl ta Sar̄

²⁶ Hesəbon i ɓē yā mban̄g Sihon ń kété rɔ̄ɔ̄ mban̄g kə́ Moab ba taā nang yān jīn tə́ kɔ̄ɔ́ malang ní. Dɔ nang yān ń laan aw̄ bátə́ ugə̄ bā Arnon tə́ ní, taā jin̄ tə́ kɔ̄ɔ́ malang.

Bible sar

²⁶ Hesəbon i ɓē yā mban̄g Sihon ń kété rɔ̄ɔ̄ mban̄g kə́ Moab ba taā nang yān jīn tə́ kɔ̄ɔ́ malang ní. Dɔ nang yān ń laan aw̄ bátə́ ugə̄ bā Arnon tə́ ní, taā jin̄ tə́ kɔ̄ɔ́ malang.

TƏ́DA 21:26 Referans Kwoze

TƏ́DA 21:25

Nin̄ taān̄ ɓē yā Amor gə̄ malang ndin̄ tū tə́. Taān̄ Hesəbon ō, ngán ɓē kə́ kadə tə́ gə̄ ō.

TƏ́DA 21:27

Adə̄ gōsə̄ pā gə̄ ədan̄ na: Ī-reēī Hesəbon, ɔ́yiī kújə gə̄ dɔɔ́ gogə́ ō. Ī-rāāī ɓē yā Sihon gogə́ rang ō.

NGÉ SARYA 11:26

Kutə ɓāl̄ gə̄ ń Israel gə̄ ndinə̄ń Hesəbon ō, Aroer ō, kem ngán ɓē gə̄ ń ɓē gə̄ ń noō o̰o̰n̄ ɓē dɔ tə́ ní ō, kem ɓē gə̄ kə gō kadə man̄ Arnon ō ní i ɓāl̄ ɓú mətá. Ní i tām̄ rí tə́ ī-taāī dɔ nang ní jīdə́ tə́ dan ń noō tə́ aĺ ní?

PĀ KƏ́ MAJƏ 7:4

Mbaaí gə̄ ton̄ tītə̄ ngán kāl̄ gə̄, ton̄ tītə̄ ngán ndəngā gə̄ yā kó̰o̰ jal̄ beé.

JEREMI 48:45

Ngé ka̰ȳ naā kə́ kɔr asədə́ nák gə̄ reē dəban̄ ndílí kem ɓē kə́ Hesəbon tə́. Banī hor əɓa bup Hesəbon, ta ndo̰ hor teē kem kújə yā mban̄g Sihon tə́ kə̄ ndagá ba o̰o̰ bɔ̄gə̄ ɓē gə̄ kə́ Moab ō, kār̄ dɔ ngé kutə mbī gə̄ ō.

NDŪ NAJƏ̄ 1:4

Moijə tetə Sihon mban̄g yā Amor gə̄ ń ndi Hesəbon ní rɔ̄ɔ̄ ō, tetə Og, mban̄g kə́ Basan ń ndi Asətarot ní rɔ̄ɔ̄ kem ɓē kə́ Edrey tə́ ō, pá tá əla gír kɔjə ngán Israel gə̄ ndū najə̄ ń toō gidə bā Jurdḛ tə́, dɔ nang kə́ Moab tə́ ɓáý.

JOJUE 13:16

dɔ ninə̄n̄ kə́ dām̄ mbɔ́r ɓē kə́ geleé tə́ i ɓē kə́ Aroer ń ra dɔ gɔ́sə man̄ Arnon tə́ ní ō, i ɓē ń ra kum wól tə́ ní ō. Nja loo yādə́ ní un loo kə́ kḭḭ kə̄ dɔɔ́ ba gidə asə naā ń gīr̄ gidə ɓē kə́ Medeba ní kemeé.

JOJUE 13:17

Adə̄ i ɓē kə́ Hesəbon ō, gotə ɓē kə́ rang gə̄ ō. Rī ɓē gə̄ ní n toó: Dibon ō, Bamot Baal ō Bet Baal Meon ō,

JOJUE 13:25

un ɓē kə́ Yajer ō, ɓē gə̄ kə́ Galaad malang ō, núsə dɔ nang yā ngán Amon gə̄ ō, kemeé bátə́ teēń Aroer kadə ɓē kə́ Raba tə́.

JOJUE 21:39

Hesəbon ō, Yajer ō, adə̄ ɓē gə̄ ní i sɔ́ naā tə́ kə loo gə̄ ké kə gō gidií gə̄.

PĀ KƏ́ MAJƏ 7:5

Míndí to tītə̄ kújə ngɔ̄m̄ dɔ ɓē kə́ rāā kə ngān̄g kedēé. Kumií gə̄ i dang man̄ gə̄ kə́ i ngɔr kə ɓē kə́ Hesəbon, kadə ta róbə́ ń a ɓārə́n̄ na i De gə̄ i ngá̰ý kemeé tə́ ní. Kó̰ní to tītə̄ kújə kə́ ngāl ɓururu kə́ mbal̄ Liban tə́ kə́ ra a ngɔ̄m̄ loo kumən sɔɔ̄ ɓē kə́ Damas beé.

JEREMI 48:2

Gír rī ɓār̄ yā Moab gān̄g kɔ̄ɔ́. De gə̄ ndin̄ Hesəbon ba oōn̄ naā yā nujə seneé. J-aw̄ jə-tɔ̄lī gír nápar de gə̄ ń toō kɔ̄ɔ́. Ḭ̄ Madəmen, gír yāí gān̄g kɔ̄ɔ́, tɔdɔ̄ kaskar ngɔ̄də̄ gōí.

JEREMI 48:20

Rɔ̄ Moab sɔlən̄ adə̄ tɔ́gən ur̄ wak kɔ̄ɔ́. Ī-nōōī kə̄ dɔɔ́ ɓoo ɓoo ō, ī-ɓārí yá̰a̰ ādə̄ dḭḭ̄n̄sí ō. Ə̄nīī mbēr̄ kadə man̄ Arnon tə́ ə́daī na: Nujən̄ ɓē kə́ Moab sák sák kɔ̄ɔ́.