TƏ́DA 21:16 - Bibəl ta Sar̄

¹⁶ Nin̄ ḭḭn̄ loo ń noō tə́ aw̄ ndin̄ Beer ń, kumən na i bəlo man̄ ní tə́. I loon̄ noō tə́ n Kɔ́ɔ̄ɓē mēr̄ Moijə kɔsə dɔ gír de gə̄ naā tə́ tū tə́ kadə̄ n-ādə̄də́ man̄ ní.

Bible sar

¹⁶ Nin̄ ḭḭn̄ loo ń noō tə́ aw̄ ndin̄ Beer ń, kumən na i bəlo man̄ ní tə́. I loon̄ noō tə́ n Kɔ́ɔ̄ɓē mēr̄ Moijə kɔsə dɔ gír de gə̄ naā tə́ tū tə́ kadə̄ n-ādə̄də́ man̄ ní.

TƏ́DA 21:16 Referans Kwoze

TƏ́DA 20:8

Ún kāgə̄ yāí ba sḭḭ̄ kə ngōkó̰ó̰í Aaro̰ ī-ɓāríī ngán Israel gə̄ ādə̄ ɔsən̄ dɔdə́ naā tə́, ba ɔ̄rī najə̄ kə mbal̄ ń ra noó ta kumdə́ tə́, anī mbal̄ ní a adə̄sí man̄. Ā ī-rāā kadə̄ man̄ teē tū mbal̄ ní tə́ kadə̄ ngán Israel gə̄ a̰ȳn̄ kə yá̰a̰ kul̄ yādə́ gēé.

IJAI 12:3

Ā ɔ́diī man̄, ta kəɓa man̄ gə̄ yā kajə tə́, i kə rɔ̄nelēé.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

IJAI 43:20

Dā̰ kə́ bembeé gə̄, tal̄ gə̄ kə burum gə̄ a rɔȳmə̄n̄, tɔdɔ̄ m̄-rāā adə̄ man̄ nūgə́ dəla loo tə́, bā gə̄ nūgə́n̄ loo kə́ tutə ń toō tə́. A̰á̰ā̰, gír de gə̄ ń m̄-gə̄rādə́ ní, m̄-ndigə kadə̄də́ man̄ kadə̄ a̰ȳn̄.

NGÉ SARYA 9:21

Gō tə́ anī Yotam a̰ȳ aw̄ ɓɔ̄ɔ̄ rɔ̄n Beera tām̄ ni ɓōĺ ngōkó̰o̰n Abimelek.

Teē Ngán Israel gə̄ 17:6

Na n-a n-ra kété non tə́ loo ń noō tə́ dɔ mbal̄ kə́ Horeb tə́, na a ənda mbal̄ ní kadə̄ man̄ teē tū tə́ kadə̄ de gə̄ a̰ȳn̄. Moijə rāā tītə̄ ń noō ta kum kum kɔɔ̄ gə̄ yā ngán Israel gə̄ tə́.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

TA KƏLA 21:19

Nə́ɓā teē kum Agar, adə̄ a̰a̰ bəlo man̄ kógə̄ḿ. Ni-aw̄ tūr̄ man̄ adə̄ rosə sɔl reēń adə̄ ngōnə̄n.

TƏ́DA 33:46

Ḭḭn̄ Dibon Gad aw̄ ndin̄ Almon Dibəlataim.

IJAI 15:8

De gə̄ ɓārə́n̄ yá̰a̰ kə gō gidə ɓē kə́ Moab kadə̄ dḭḭ̄n̄də́. Kɔŕ yo ɓār̄ bátə́ ugə̄ Egəlaim, ɓār̄ bátə́ ugə̄ dɔ bəlo man̄ gə̄ kə́ Elim tə́.