TƏ́DA 20:20 - Bibəl ta Sar̄

²⁰ Banī mban̄g kə́ Edom tél əda ɓáý to̰ na: Ā ī-mānī alé. Banī ni ɔy ngé rɔ̄ɔ̄ gə̄ ngá̰ý teē téniń ta ngán Israel gə̄.

Bible sar

²⁰ Banī mban̄g kə́ Edom tél əda ɓáý to̰ na: Ā ī-mānī alé. Banī ni ɔy ngé rɔ̄ɔ̄ gə̄ ngá̰ý teē téniń ta ngán *Israel gə̄.

TƏ́DA 20:20 Referans Kwoze

AMOS 1:11

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

NGÉ SARYA 11:17

Nin̄ əlan̄ kəla rɔ̄ mban̄g kə́ Edom tə́ kadə̄ adə̄də́ ta róbə mān̄ dɔ nang yān tə́, anī ni ɔgə̄də́. Tél əlan̄ kəla rɔ̄ mban̄g kə́ Moab tə́, anī ni ɔgə̄də́ ɓáý to̰. Adə̄ Israel gə̄ tél ndin̄ i Kades.

PĀ GƏ̄ 120:7

Ré m-ɔ̄r̄ najə̄ kə́ dɔ ndi lɔm tə́ sedə́ anī, kemdə́ i rɔ̄ɔ̄.

NGÉ SARYA 11:20

Banī Sihon taā kem ngán Israel gə̄ alé adə̄ ɔgə̄də́ mān̄ dɔ nang yān tə́. Ɔy deē yān gə̄ malang aw̄ ndiń Yahas ba ənī Israel gə̄ rɔ̄ɔ̄.

TƏ́DA 20:18

Banī mban̄g kə́ Edom tél ədan na: Ā ī-mānī dɔ nang yāḿ tə́ alé. Ré ī-nāāī mān̄ anī m-ā m̄-rɔ̄ɔ̄sí.

TA KƏLA 32:6

na n-ənge man̄g kə́ bəra gə̄ ō, kərō gə̄ ō, batə̄ gə̄ ō, bə̄yā̰ gə̄ ō, ngé rāā kəla kə́ dəngam gə̄ ō, kə́ dəyá̰ gə̄ ō, adə̄ na n-əla n-əda kɔ́ɔ̄n kété kadə̄ kɔ́ɔ̄n kə əhɔn kə̄ rɔ̄n tə́ majə.

TA KƏLA 27:41

Esau im̄ Jakob najə̄ tɔ́r̄ ta ń bɔbə̄n tɔ́r̄ tan dɔn tə́ ní. Ni-əda kə̄ kemən tə́ na: Bɔbə́ḿ a oy ngɔr. Ndɔ̄ ń bɔbə́ḿ a oy tə́ anī, m-ā m̄-tɔ̄l̄ Jakob.

TƏ́DA 20:21

I beé n mban̄g kə́ Edom ɔgə̄ń ngán Israel gə̄ mān̄ dɔ nang yān tə́ ní. Adə̄ ngán Israel gə̄ unən̄ róbə́ kə́ rang.