TƏ́DA 20:16 - Bibəl ta Sar̄

¹⁶ Jə-no kə̄ dɔ Kɔ́ɔ̄ɓē tə́ anī ni oō nōō yājí, adə̄ əla de kə́ dɔ rā̰ tə́ kógə̄ḿ adə̄ reē teē sejí kɔ̄ɔ́ kem ɓē kə́ Ejiptə tə́. Ngɔlaā ní jḭḭ i kem ɓē kə́ Kades ń i kadə dɔ nin̄ dɔ nang yāí tə́ ní.

Bible sar

¹⁶ Jə-no kə̄ dɔ Kɔ́ɔ̄ɓē tə́ anī ni oō nōō yājí, adə̄ əla *de kə́ dɔ rā̰ tə́ kógə̄ḿ adə̄ reē teē sejí kɔ̄ɔ́ kem ɓē kə́ Ejiptə tə́. Ngɔlaā ní jḭḭ i kem ɓē kə́ Kades ń i kadə dɔ nin̄ dɔ nang yāí tə́ ní.

TƏ́DA 20:16 Referans Kwoze

Teē Ngán Israel gə̄ 14:19

De kə́ dɔ rā̰ tə́ yā Nə́ɓā ō, kil̄ man̄ ō ń a njə̄rān̄ kété no Ngán Israel gə̄ tə́ ní tél aw̄ ran̄ gogə́ gōdə́ tə́.

Teē Ngán Israel gə̄ 33:2

Na n-a n-əla deē yān kə́ dɔ rā̰ tə́ kété nodə́ tə́ ō,, na n-a n-tə̄ɓā Kanaan gə̄ ō, Amor gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō kɔ̄ɔ́.

Teē Ngán Israel gə̄ 23:20

M-ā m-ə́la deē yāḿ kə́ dɔ rā̰ tə́ kadə̄ njə̄rā kété nosí tə́ ō, kadə̄ ngɔ̄m̄sí dɔ róbə́ tə́ ō. A ɔr nosí yā kaw̄ sesí kem ɓē ń m-ə̄ndā dɔ danaá tām̄ yāsí tə́ ní.

Teē Ngán Israel gə̄ 14:10

Dan ń ngán Israel gə̄ a̰a̰n̄ kadə̄ de kə́ Ejiptə gə̄ a ngɔ̄də̄n̄ gōdə́ ō, kadə̄ Parao̰ a ugə̄ ngɔr ō anī, ɓōĺ rāādə́ ngá̰ý adə̄ tə́gān̄ kɔŕ ɓāŕnəń Kɔ́ɔ̄ɓē.

Teē Ngán Israel gə̄ 6:5

Ń toō m-ōō nōō ngán Israel gə̄ ń de kə́ Ejiptə gə̄ a rāān̄də́ ɓəlo tə́ ní, adə̄ əga kemḿ dɔ madə̄ naā ń m-ə́hɔ sedə́ tə́ ní.

TƏ́DA 20:15

Kété kaají gə̄ aw̄n̄ dɔ nang kə́ Ejiptə tə́, adə̄ jə-ndi dɔ nang ní tə́ dan i ngá̰ý, banī de kə́ Ejiptə gə̄ rāān̄ kaají gə̄gē jḭḭ gə̄gē majaĺ ngá̰ý.

TƏ́DA 21:22

Əyájí ādə̄ jə-mān̄ dɔ nang yāí tə́. J-a jə-tɔ̄ yā kaw̄ kem ndɔr̄ gə̄ kə́ dubə̄n̄ yá̰a̰ tū tə́ tə́ aĺ ō, j-a j-āw̄ kem ndɔr̄ kāgə̄ nduú gə̄ tə́ aĺ ō, j-a j-a̰ȳ man̄ kə́ kem bəlo man̄ gə̄ tə́ aĺ ō. J-a j-un i róbə kɔsə yā mban̄g yā kəndań dɔ nang yāí yā gān̄g ngóy.

TƏ́DA 33:37

Ḭḭn̄ noó aw̄ ndin̄ mbal̄ Hor tə́ ta ngóy dɔ nang kə́ Edom tə́.

JOJUE 15:1

Dɔ nang ń adə̄n̄ de gə̄ kə́ gír ɓē yā Juda tə́ gə̄ kə gō gír kaadə́ gēé ní, to ta kaw̄ kə̄ dɔ nin̄ dɔ nang kə́ Edom tə́, dəla loo kə́ Təsin tə́, gō nang kə́ Negeb tə́, ta ngóý mbɔ́r ɓē ké geleé tə́.

DANIEL 6:22

Daniel tél ədan̄ na: Kɔ́ɔ̄ ɓē gə̄ adə̄ dɔí ngan̄g májə́ májə́!

NDŪ NAJƏ̄ 4:34

Aké nə́ɓā kógə̄ḿ nāā kɔr̄ deē yān gə̄ kɔ̄ɔ́ ɓá jī madə̄ ba̰ā̰də́ gə̄ tə́ kə ta kūl̄ yá̰a̰ nāā gə̄ ō, yá̰a̰ kɔjə gə̄ ō, yá̰á̰ kə́ yáā gə̄ ō, rɔ̄ɔ̄ kə́ rɔ̄ɔ̄ de gə̄ ō, kə jīn kə́ ngan̄g ngá̰ý ń əla kə̄ dɔɔ́ ní ō, kə yá̰á̰ kə́ to ɓōĺ ngá̰ý gə̄ ō, kɔ̄ɔ́ ɓá tītə̄ ń Kɔ́ɔ̄ɓē Nə́ɓā yāsí rāań adə̄ á̰a̰ī Ejiptə tə́ ní a?

NDŪ NAJƏ̄ 4:37

Nəkɔ́ teē sesí kɔ̄ɔ́ dɔ nang kə́ Ejiptə tə́ kə ta kūl̄ tɔ́gən kə́ ngá̰ý tɔdɔ̄ ni tár kaasí gə̄ ō, gə̄rasí sḭḭ̄ ngán kaadə́ gə̄ ní.