TƏ́DA 20:12 - Bibəl ta Sar̄

¹² Banī Kɔ́ɔ̄ɓē əda Moijə nin̄ kə Aaro̰ na: Sḭḭ̄ ī-taāī kemḿ ɔ́jiīń kə̄ ndágá ta kum ngán Israel gə̄ tə́ kadə̄ mā i de kə́ táĺ aĺ ɓá ní, i sḭḭ̄ n ā āwī kə ngé kán̄ naā gə̄ ń toō yā kugə̄ sedə́ dɔ nang ń m-ādə̄də́ tə́ ní alé.

Bible sar

¹² Banī Kɔ́ɔ̄ɓē əda Moijə nin̄ kə Aaro̰ na: Sḭḭ̄ ī-taāī kemḿ ɔ́jiīń kə̄ ndágá ta kum ngán *Israel gə̄ tə́ kadə̄ mā i de kə́ táĺ aĺ ɓá ní, i sḭḭ̄ n ā āwī kə ngé kán̄ naā gə̄ ń toō yā kugə̄ sedə́ dɔ nang ń m-ādə̄də́ tə́ ní alé.

TƏ́DA 20:12 Referans Kwoze

NDŪ NAJƏ̄ 1:37

Kɔ́ɔ̄ɓē rāā wōn̄g seḿ māá ō najə̄ yāsí tə́. Adə̄ ədam̄ na: Ḭ̄ ā ə̄ndā njaí dɔ nang ní tə́ aĺ ō.

EJEKIEL 36:23

Nápar de gə̄ kídə̄n̄ rīḿ i najə̄ yāsí sḭḭ̄ tə́. I beé ní, m-ā m-ɔ́jə́də́ kadə̄ mā i Nə́ɓā kə́ bo ō, kə́ táĺ ō. Ba i sḭḭ̄ n m-ā m-úńsí yā rāań yá̰á̰ ń noō ní. Loo ń noō tə́ nápar de gə̄ ngeé ń noō a gerə̄n̄ kadə̄ i mā Kɔ́ɔ̄ɓē Nə́ɓā n m-ə́da najə̄ ń noō ní.

TƏ́DA 27:14

Tām̄ dan ń ngán Israel gə̄ dəjen̄ man̄ sāānəń taḿ kem dəla loo kə́ Sin tə́ ní, sḭ́ḭ̄ ī-mbātíī rāā yá̰á̰ ń m̄-mēr̄sí rāā ní. Ɔ́jiīdə́ kadə̄ mā i de kə́ táĺ alé. Ni-əda i najə̄ yā man̄ Meriba kə́ Kades, kem dəla loo kə́ Sin tə́.

TƏ́DA 20:24

Aaro̰ a oy ngɔr yā kaw̄ gō kaan gə̄ tə́, tɔdɔ̄ dɔ nang ń m-ādə̄ ngán Israel gə̄ ní a ugə̄ tū tə́ alé, tām̄ sḭḭ̄ ī-mbātíī koō taḿ ta kəɓa man̄ kə́ Meriba tə́.

Makətūbə̄ ń Pol ndang adə̄ Rom gə̄ ní 4:20

Dan ń Nə́ɓā ənī míndən adə̄ Abəraham ní, kem Abəraham tɔ́sən dɔ míndə́ Nə́ɓā ń ənī adə̄n̄ tə́ ní alé. Taā kem yān adə̄n tɔ́gə, adə̄ ni-ɔsə gɔn Nə́ɓā.

Najə̄ kə́ Majə yā Jeju ń Luk ndang ní 1:45

Rɔ̄nel̄ i kə dəyá̰ ń taā kem ní. Tɔdɔ̄ yá̰á̰ ń Kɔ́ɔ̄ɓē əla ədan najə̄n ní a rāā yá̰a̰ rɔ̄kum.

Najə̄ kə́ Majə yā Jeju ń Luk ndang ní 1:20

Banī ḭ̄ ī-taā kem najə̄ yāḿ ń a rāā yá̰a̰ i kə kum mbangneé ní alé. I beé ní kəlā ndo̰o̰í a do̰ō̰ naā adə̄ ā ásə kɔr̄ najə̄ alé, bátə́ ndɔ̄ ń yá̰a̰ gə̄ ń noō a rāān̄neé yá̰á̰ tə́ ní.

MATIYE 17:20

Anī Jeju tél ədadə́ na: I tɔdɔ̄ sḭḭ̄ ī-taāī kem mámák alé. Ādə̄ m-ə́dásí najə̄ kə́ bo ngá̰ý, ré taā kem yāsí dūúnń i tītə̄ kum mutardə gə̄gē, ré ədaī mbal̄ n toō na kə ndɔ́tə̄ laā kɔ̄ɔ́ ba kə aw̄ nú anī, a ndɔ́tə̄ ō, yá̰á̰ kə́ dum̄sí a gətóo ō.

IJAI 8:13

Á̰a̰ ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n i de kə́ táĺ ní. I ni n majə kadə̄ ī-ɓōlíī gidən ní. I ni n majə kadə̄ ī-ɓōlíin̄ ní.

1 PIYER 3:15

Banī Kərist ń i Kɔ́ɔ̄ɓē ní, ɔ̄rī kamə̄n tayā ngarān̄g kemsí tə́. Ī-ndiī dɔ rɔ̄sí tə́ kə dɔ ndɔ̄ gə̄, yā kadə̄ ɔ́jiī gíŕ yá̰á̰ ń ə̄ndāī kemsí dɔ tə́ ní kə̄ no ngé gə̄ ń a dəjen̄sí gíŕ tə́ ní.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

MATIYE 17:17

Anī Jeju un najə̄ ɔr̄, əda na: Sḭḭ̄ de kə́ majaĺ gə̄ ō, kə́ ngé taā kem aĺ gə̄ ō, kə m̄-ndi sesí i bátə́ rə́ngáý tə́? Kə m̄-tə́gā taḿ dɔsí tə́ i bátə́ rə́ngáý tə́? Ī-reēī kə ngōnōó laā ādə̄mī.

EJEKIEL 38:10

Mā Kɔ́ɔ̄ɓē Nə́ɓā m-ə́da na: Kum mbang ngeé ń noō tə́ ní, gír̄ gə̄ ngá̰ý a reēn̄ dɔí tə́ ō, ā ī-núm̄ yá̰á̰ kógə̄ḿ kə́ a reē kə yá̰á̰ kə́ to kum kaȳ aĺ ō.

EJEKIEL 20:41

M-ā m̄-teē sesí kɔ̄ɔ́ dan gír de gə̄ tə́ ō, kem ɓē gə̄ ń ī-tə̄ndāī naā ī-tḭ̄ḭ̄ tū tə́ ní ō, ba m-ā m-ɔ́sə dɔsí naā tə́. Gō tə́ anī, m-ā m̄-rāā kem majə sesí adə̄ m-ā m̄-taā yá̰a̰ tun̄ yāsí kə́ sēēdə́ otə majə gə̄. Ré m̄-rāā yá̰á̰ kə́ tītə̄ ń noō sesí anī, m-ɔ́jə i gotə nápar de gə̄ kadə̄ mā i Nə́ɓā kə́ táĺ.

2 YÁ̰A̰ GƏ̄ 20:20

Nin̄ ḭḭn̄ dɔɔ́ kə gír looí ɓatə əsōn̄ róbó ta kaw̄ kə̄ dəla loo kə́ Tekoa tə́. Dan ń a rāān̄ yā kɔr̄ dɔɔ́ anī Josapat ədadə́ na: De kə́ Jerusalem gə̄ ō, Juda gə̄ ō, ōōī najə̄ ń m-ā m-ɔ̄r̄ ní! Ī-taāī kem Kɔ́ɔ̄ɓē Nə́ɓā yāsí anī ā ə́ngeī tɔ́gə adə̄ ā ī-raī ngan̄g. Ī-taāī kem ngé koō ta yān gə̄ anī ā ī-tetiī rɔ̄ɔ̄.

JOJUE 1:2

Nge kəla yāḿ Moijə oy kɔ̄ɔ́, adə̄ ngɔlaā ní i ḭ̄ n ə̄ndā dɔ rɔ̄í danaá yā teē bā Jurdḛ kə ngán Israel gēé yā kaw̄ sedə́ dɔ nang ń m-ādə̄də́ tə́ ní.

NDŪ NAJƏ̄ 34:4

Tā anī Kɔ́ɔ̄ɓē ədan na: Dɔ nang ń m-ə̄nī ndūḿ dɔ tə́ m-ādə̄ Abəraham ō, Isaak ō, Jakob ō, m-ə́dádə́ na, m-ā m-ādə̄ ngán kaadə́ gə̄ ní n toó. M-ɔ́jiī ḭ̄ kadə̄ á̰a̰ā̰ kə kumií, ba ā ə̄ndā njaí tū tə́ alé.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

TƏ́DA 11:15

Ré ā ī-rāām̄ i beé anī, ī-tɔ̄lə̄m̄ kɔ̄ɔ́ ādə̄ i só tə́. Ré ī-tɔ̄lə̄m̄ anī ī-rāā i kem majə seḿ kadə̄ m-á̰á̰ yá̰á̰ kə́ tōr̄ ń a rāā yā rāām̄ ní alé.

NDŪ NAJƏ̄ 4:21

Kɔ́ɔ̄ɓē rāā wōn̄g seḿ najə̄ yāsí tə́. Ni-ənī ndūn ədamə̄ń na m-ā m̄-teē bā Jurdḛ aĺ ō, na m-ā m-ūgə̄ dɔ nang kə́ majə ń ni a rāā yā kadə̄sí yá̰a̰ halasí tə́ ní aĺ ō.

PĀ GƏ̄ 99:8

Kɔ́ɔ̄ɓē Nə́ɓā yājí, i īkɔ́ n ī-ndigə ɓār̄ yādə́ ní. Ḭ̄ i Nə́ɓā yādə́ kə́ nge tə́gā taí dɔdə́ tə́, banī yá̰á̰ kə́ majaĺ gə̄ ń nin̄ rāān̄ ní ḭ̄ ə́ndádə́ najə̄n tə́.

PĀ GƏ̄ 106:32

Nin̄ rāān̄ adə̄ wōn̄g rāā Nə́ɓā ta man̄ kə́ Meriba tə́ ō, rāān̄ adə̄ yá̰á̰ kə́ to kum kaȳ aĺ rāā Moijə najə̄ yādə́ tə́ ō.