TƏ́DA 20:11 - Bibəl ta Sar̄

¹¹ Moijə un jīn kə̄ dɔɔ́ ba əndā mbal̄ jīn jōó kə kāgə̄ kə́ jīn tə́. Anī man̄ teē tū mbal̄ ní tə́ ngá̰ý kə̄ ta jī tə́ noō, adə̄ ngán Israel gə̄ ō, yá̰a̰ kul̄ yādə́ gə̄ ō a̰ȳn̄.

Bible sar

¹¹ Moijə un jīn kə̄ dɔɔ́ ba əndā mbal̄ jīn jōó kə kāgə̄ kə́ jīn tə́. Anī man̄ teē tū mbal̄ ní tə́ ngá̰ý kə̄ ta jī tə́ noō, adə̄ ngán Israel gə̄ ō, yá̰a̰ kul̄ yādə́ gə̄ ō a̰ȳn̄.

TƏ́DA 20:11 Referans Kwoze

1 KORḚNTƏ 10:4

a̰ȳn̄ man̄ yā Nə́ɓā kə́ kógə̄ḿ beē ō. Tɔdɔ̄ mbal̄ yā Nə́ɓā ń un gōdə́ ní nin̄-a̰ȳn̄ man̄ kə́ teē tū tə́, ba mbal̄ ní i Kərist.

Teē Ngán Israel gə̄ 17:6

Na n-a n-ra kété non tə́ loo ń noō tə́ dɔ mbal̄ kə́ Horeb tə́, na a ənda mbal̄ ní kadə̄ man̄ teē tū tə́ kadə̄ de gə̄ a̰ȳn̄. Moijə rāā tītə̄ ń noō ta kum kum kɔɔ̄ gə̄ yā ngán Israel gə̄ tə́.

NDŪ NAJƏ̄ 8:15

I ni n rāā sesí adə̄ ī-njə̄rāīneé kem dəla loo kə́ bo ngá̰ý tə́ ō, to ɓōĺ ngá̰ý tə́ ō ń lī kə́ do̰ tōr̄ ngá̰ý gə̄ ō, gə́na gə̄ ō, i ngá̰ý tū tə́ ní. I loo kə́ kəndā a rāā deē tū tə́ banī deē a ənge man̄ tū tə́ yā ka̰ȳ alé. Ba ni-rāā adə̄ man̄ teē tū mbal̄ kə́ ngan̄g ngá̰ý tə́ tām̄ yāsí tə́.

TƏ́DA 20:8

Ún kāgə̄ yāí ba sḭḭ̄ kə ngōkó̰ó̰í Aaro̰ ī-ɓāríī ngán Israel gə̄ ādə̄ ɔsən̄ dɔdə́ naā tə́, ba ɔ̄rī najə̄ kə mbal̄ ń ra noó ta kumdə́ tə́, anī mbal̄ ní a adə̄sí man̄. Ā ī-rāā kadə̄ man̄ teē tū mbal̄ ní tə́ kadə̄ ngán Israel gə̄ a̰ȳn̄ kə yá̰a̰ kul̄ yādə́ gēé.

JAKƏ 1:20

Tɔdɔ̄ wōn̄g yā deē a rāā yá̰á̰ kə́ gōtə́ yā Nə́ɓā alé.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

OJEE 13:5

Mā m̄-gerī i dəla loo tə́, dɔ nang kə́ loo tū tə́ i kə́ tutə tə́.

PĀ GƏ̄ 78:16

Ni-rāā adə̄ ngán man̄ gə̄ teēn̄ kadə mbal̄ tə́ ō, adə̄ man̄ gə̄ kə́ teēn̄ tū tə́ nūgə́n̄ tītə̄ bā gə̄ ō.

1 YÁ̰A̰ GƏ̄ 15:13

Tām̄ dan ń sḭḭ̄ ī-gətóoī ní, Kɔ́ɔ̄ɓē Nə́ɓā əndají tɔdɔ̄ jə-rāā yá̰a̰ i kə gō ń ni ndigə ní alé.

1 SAMUEL 15:24

Saul əda Samuel na: m̄-rāā majaĺ, tām̄ m̄-rāā yá̰á̰ ń Kɔ́ɔ̄ɓē ədam̄ ní aĺ ō, m̄-mbātə́ najə̄ gə̄ ń ḭ̄ ɔ̄r̄ seḿ ní ō. Tɔdɔ̄ m̄-ɓōĺ i de gə̄, adə̄ m̄-rāā i yá̰á̰ ń kemdə́ ndigə ní.

1 YÁ̰A̰ GƏ̄ 15:2

Gō tə́ anī, ni-əda na: I ngán Lebi gə̄ ngóy n a ətōn̄ sandúkə́ kə́ táĺ yā Nə́ɓā ní, tɔdɔ̄ i nin̄ n Kɔ́ɔ̄ɓē gə̄rādə́ kadə̄ ətōn̄ sandúkə yān ō, kadə̄ rāān̄ kəla yān ō ngándáńg ní.

1 SAMUEL 15:19

Ba i tām̄ rí tə́ á ḭ̄ ī-rāā yá̰á̰ ń ni ədaī ní aĺ ní? Údə dɔ yá̰a̰ kənge kə́ kəhɔ ta rɔ̄ɔ̄ tə́ ɔ́y, adə̄ ī-tél nge rāā majaĺ ta kum Kɔ́ɔ̄ɓē tə́ i tām̄ rí tə́?

LEBI GƏ̄ 10:1

Nadab ō, kə Abihu ō ń i ngán Aaro̰ gə̄ ní, ɔyn̄ yā̰l̄ hor kem ganáná, ɓōkə́n̄ kajaja kum tə́, ba aw̄nəń əndān̄ ta kum Kɔ́ɔ̄ɓē tə́. Hor kə́ karī ngeé ń əndān̄ ta kum Kɔ́ɔ̄ɓē tə́ ní i yá̰á̰ kə́ Kɔ́ɔ̄ɓē mēr̄də́ rāā alé.

PĀ GƏ̄ 74:15

I ḭ̄ n ī-rāā ta róbə ādə̄ man̄ gə̄ əɓan̄neé ō, ādə̄ ngán man̄ gə̄ nūgə́n̄neé ō ní. I ḭ̄ n ī-rāā ādə̄ man̄ bā kə́ dum̄ kiī gə̄ iīn̄ kɔ̄ɔ́, adə̄ loo tél tutə káḿ káḿ kem kār̄də́ gə̄ tə́ ní.

PĀ GƏ̄ 78:15

Ni njár̄ mbal̄ gə̄ kem dəla loo tə́, adə̄ńdə́ man̄ kə́ gíŕ nángāá adə̄ a̰ȳn̄.

PĀ GƏ̄ 78:20

A̰á̰ā̰, ni na ənda mbal̄ adə̄ man̄ teē tū tə́ ngá̰ý rɔ̄kum, ba ké asə kadə̄ gír deē yān gə̄ mápa ō dā̰ ō kadə̄ əsan̄ wa.

PĀ GƏ̄ 105:41

Ni njar mbal̄ anī man̄ teē tū tə́, nūgə́ kem dəla loo tə́ tītə̄ bā beé.

PĀ GƏ̄ 114:8

Ni i nge tūr̄ mbal̄ kadə̄ tél dang man̄ ō, nge tūr̄ mbal̄ kə́ ngan̄g ngá̰ý kadə̄ tél man̄ kə́ a əɓa nang tə́ ō ní.

IJAI 43:19

Tām̄ m-ā m̄-rāā yá̰á̰ kógə̄ḿ kə́ kijə, yá̰á̰ ní a tɔgə i mbée kɔ̄ɔ́ ɓá. Sḭḭ̄ á̰a̰ī yá̰á̰ ní aĺ a? A̰á̰ā̰, m-ā m̄-njar róbə́ kógə̄ḿ kem dəla loo tə́. M-ā m̄-rāā kadə̄ bā gə̄ a nūgə́n̄ kem loo kə́ tutə kɔ̄ɔ́ tə́ ń toō.

IJAI 48:21

Kem dəla loo ń ni-ɔr̄ Israel gə̄ ta róbə tū tə́ ní, kəndā man̄ rāādə́ alé. Ni-rāā adə̄ man̄ teē tū mbal̄ tə́ tām̄ yādə́ tə́, ni njar mbal̄ ō, man̄ teē tū tə́ ō.

NGÉ SARYA 15:19

Loo ń noō tə́ Kɔ́ɔ̄ɓē njar mbal̄ kə́ kemən rāā bəlo ń ra Lehi ní adə̄ man̄ teē tū tə́. Samso̰ a̰ȳ man̄ ní ō, tél ənge tɔ̄gə gogə́ rang ō. I tām̄ najə̄ ń noō tə́ n əndānəń rī dɔ ta kəɓa man̄ ní tə́ na i En Kore ní. Ɓōólaā gə̄gē ta kəɓa man̄ ní to Lehi noó ɓáý.