TƏ́DA 2:3 - Bibəl ta Sar̄

^3-8 Juda a ndi ɓē i kə̄ kété, dām̄ kə́ dūn̄ tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Juda tə́ i Nason ngōn̄ Aminadab. De gə̄ yān gə̄ i 74 600. Ngol ngé rɔ̄ɔ̄ gə̄ kə́ gír ɓē yā Isakar tə́ i Netanel ngōn̄ Suar. De gə̄ yān gə̄ i 54 400. Ngol ngé rɔ̄ɔ̄ gə̄ kə́ gír ɓē yā Jabulo̰ tə́ i Eliab ngōn̄ Helon. De gə̄ yān gə̄ i 57 400.

Bible sar

^3-8 *Juda a ndi ɓē i kə̄ kété, dām̄ kə́ dūn̄ tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Juda tə́ i Nason ngōn̄ Aminadab. De gə̄ yān gə̄ i 74 600. Ngol ngé rɔ̄ɔ̄ gə̄ kə́ gír ɓē yā Isakar tə́ i Netanel ngōn̄ Suar. De gə̄ yān gə̄ i 54 400. Ngol ngé rɔ̄ɔ̄ gə̄ kə́ gír ɓē yā Jabulo̰ tə́ i Eliab ngōn̄ Helon. De gə̄ yān gə̄ i 57 400.

TƏ́DA 2:3 Referans Kwoze

1 YÁ̰A̰ GƏ̄ 2:10

Ram ojə Aminadab. Aminadab ojə Nason, ni i ngár kə́ dɔ ngán Juda gə̄ tə́.

RUTƏ 4:20

Aminadab ojə Nason. Nason ojə Salma

TƏ́DA 1:7

Nason ngōn̄ Aminadab tām̄ yā ngán Juda gə̄ tə́.

MATIYE 1:4

Aram ojə Aminadab, Aminadab ojə Naason, Naason ojə Salmon.

TƏ́DA 7:12

Ndɔ̄ kə́ ta kəga dɔ i ndɔ̄ yā Nason ngōn̄ Aminadab kə́ gír ɓē yā Juda tə́. Ndɔ̄ kə́ nge ko̰ jōó i ndɔ̄ yā Netanel ngōn̄ Suar kə́ gír ɓē yā Isakar tə́. Ndɔ̄ kə́ nge ko̰ mətá i ndɔ̄ yā Eliab ngōn̄ Helon kə́ gír ɓē yā Jabulo̰ tə́. Ndɔ̄ kə́ nge ko̰ sɔ́ i ndɔ̄ yā Elisur ngōn̄ Sedeur kə́ gír ɓē yā Ruben tə́. Ndɔ̄ kə́ nge ko̰ mí i ndɔ̄ yā Selumiel ngōn̄ Surisaday kə́ gír ɓē yā Simeo̰ tə́. Ndɔ̄ kə́ nge ko̰ mehḛ́ i ndɔ̄ yā Eliasap ngōn̄ Dewel kə́ gír ɓē yā Gad tə́. Ndɔ̄ kə́ nge ko̰ sīrí i ndɔ̄ yā Elisama ngōn̄ Amihud kə́ gír ɓē yā Epəraim tə́. Ndɔ̄ kə́ nge ko̰ sɔ́sɔ́ i ndɔ̄ yā Gamliel ngōn̄ Pedasur kə́ gír ɓē yā Manase tə́. Ndɔ̄ kə́ nge ko̰ ndōhó i ndɔ̄ yā Abidan ngōn̄ Gidoni kə́ gír ɓē yā Benjamḛ tə́. Ndɔ̄ kə́ nge ko̰ kutə i ndɔ̄ yā Ahiejer ngōn̄ Amisaday kə́ gír ɓē yā Dan tə́. Ndɔ̄ kə́ nge ko̰ kutə gidə i kógə̄ḿ i ndɔ̄ yā Pagiel ngōn̄ Okəran kə́ gír ɓē yā Aser tə́. Ndɔ̄ kə́ nge ko̰ kutə gidə i jōó i ndɔ̄ yā Ahira ngōn̄ Enan kə́ gír ɓē yā Nepətali tə́. Kadə̄ karī gə̄ ń reēnəń kógə̄ḿ kógə̄ḿ kə dɔdə́ gēé ní n toó: Səmbē kə́ laa kə́ rāān̄ kə gində̄ arjā̰a̰ kə́ kɔȳn i ngán kəlōo gə̄ 1 300 ō, səmbē kə́ lú kə́ rāān̄ kə gində̄ arjā̰a̰ kə́ kɔȳn i ngán kəlōo gə̄ 700 ō, kə gō yá̰a̰ mbɔ̄jə́ kɔȳ yá̰á̰ kə́ kem loo kə́ táĺ tə́. Səmbē gə̄ ní ndujə̄ kə́ yā ndējə̄ kə́ ló̰ȳ kə yibīí rosə kemdə́ jōó mbak. Nin̄ reēn̄ kə kópə lɔ́r kə́ kɔȳn i ngán kəlōo gə̄ ɓú kə́ ndujə̄ yá̰á̰ kə́ kotə majə rosə kem ō, man̄g kə́ bəra kógə̄ḿ ō, bal batə̄ kógə̄ḿ ō, ngōn̄ batə̄ kógə̄ḿ kə́ ɓāl̄ kógə̄ḿ ō, kadə̄ i yá̰a̰ tun̄ kə́ yā róō horoó, bal bə̄yā̰ kə́ yā tun̄ tām̄ yā majaĺ tə́ ō, man̄g gə̄ jōó ō, bal batə̄ gə̄ mí ō, bal bə̄yā̰ gə̄ mí ō, ngán batə̄ kə́ ɓāl̄ kógə̄ḿ gə̄ mí ō, kadə̄ i yá̰a̰ tun̄ gə̄ kə́ tām̄ yā kem kógə̄ḿ tə́.

Teē Ngán Israel gə̄ 6:23

Aaro̰ taā Elijabet ngōn̄ Aminadab. Elijabet i ngōkó̰o̰ Nason. Ni-ojə ngán gə̄ sɔ́ adə̄n. Rī ngán gə̄ ní n toó. Nadab ō, Abihu ō, Eleajar ō, Itamar ō.

TƏ́DA 3:38

Moijə ō, Aaro̰ ō, ngán Aaro̰ gə̄ ō, ndin̄ ɓē i ta kújə kənge naā tə́, dām̄ kə́ gír ɓē tə́. Nin̄ i ngé rāā kəla kem loo kə́ táĺ tə́ tām̄ yā ngán Israel gə̄ tə́. De kə́ karī ń a aw̄ loo kəla ń noō tə́ ní a tɔ̄lnən̄ kɔ̄ɔ́.

TA KƏLA 35:22

Ndin̄ kə̄ noó anī Ruben aw̄ ɓīī kə Bila də̄yá̰ gidə ndogə̄ yā bɔbə̄neé, adə̄ bɔbə̄n Israel oō najə̄ ní. Ngán Jakob gə̄ i kutə gidə i jōó.

TA KƏLA 35:23

Ngán Lea gə̄ n toó: Ruben hágə Jakob ō, Simeo̰ ō, Lebi ō, Juda ō, Isakar ō, Jabulo̰ ō.

TƏ́DA 1:5

Rī de gə̄ ní n toó: Elisur ngōn̄ Sedeur tām̄ yā ngán Ruben gə̄ tə́.

TƏ́DA 10:5

Ré ā ī-tétī ndū bərúnjə anī i yā ndɔ́təń ɓē. Tétə̄n kə́ ta kəga dɔ i kadə̄ de gə̄ kə́ dām̄ kə́ gír ɓē tə́ gə̄ əsōnəń róbó, kə́ nge ko̰ jōó i tām̄ yā de gə̄ kə́ dām̄ mbɔ́r ɓē kə́ geleé tə́.