TƏ́DA 2:2 - Bibəl ta Sar̄

² Ngán Israel gə̄ a ndin̄ ɓē i kə gō ɓūtə̄də́ gēé, kem gérger yādə́ gə̄ tə́, kadə dərapóo kə́ gír ɓē yādə́ gə̄ tə́. Nin̄ a ndin̄ i kə gō gidə kújə kənge naá, banī dɔ dáńdə́ kə kújə́ ní a to sḛ́ý.

Bible sar

² Ngán Israel gə̄ a ndin̄ ɓē i kə gō ɓūtə̄də́ gēé, kem gérger yādə́ gə̄ tə́, kadə dərapóo kə́ gír ɓē yādə́ gə̄ tə́. Nin̄ a ndin̄ i kə gō gidə kújə kənge naá, banī dɔ dáńdə́ kə kújə́ ní a to sḛ́ý.

TƏ́DA 2:2 Referans Kwoze

1 KORḚNTƏ 14:40

Ba ī-rāāī yá̰a̰ malang kə gōó ō, ādī yá̰a̰ malang un gō naā jerere ō.

1 KORḚNTƏ 14:33

Tɔdɔ̄ Nə́ɓā i Nə́ɓā kə́ nge rāā yá̰á̰ kə́ a̰a̰ gō naā aĺ alé, banī ni i Nə́ɓā kə́ nge rāā kadə̄ lápə́ya to. Tītə̄ ń a rāān̄neé loo kán̄ naā gə̄ malang yā de gə̄ yā Nə́ɓā tə́ ní,

JOJUE 3:4

I beé n ā ī-gerīiń róbə́ kə́ yā kun ní, tɔdɔ̄ sḭḭ̄ úniī róbə́ ń toō kété aĺ ɓáý, ɓá tā ba ādī dɔ dáńsí to asə kilometər kógə̄ḿ kə sandúkə madə̄ naā ní, ba ī-lōōī njə̄rā gō tə́ ngɔr.

TƏ́DA 10:25

Ɓūtə̄ áskar gə̄ kə́ gō dərapóo yā Dan tə́ utə̄n̄ gōdə́. Nin̄ i ta mūtə̄ bōȳ madə̄də́ gə̄ malang. Ahiejer ngōn̄ Amisaday i ngol áskar gə̄ kə́ gír ɓē yā Dan tə́ ō,

TƏ́DA 10:22

Gō tə́ anī ɓūtə̄ áskar gə̄ kə́ gō dərapóo yā Epəraim tə́ əsōn̄ róbó. Elisama ngōn̄ Amihud i ngol áskar gə̄ kə́ gír ɓē yā Epəraim tə́ ō,

TƏ́DA 1:50

Adə̄də́ kəla kə́ dɔ kújə́ ń ndū najə̄ yā Nə́ɓā i kemeé tə́ ní ō, kə́ dɔ yá̰a̰ rāā kəla gə̄ malang kə́ tū tə́ tə́ ō. A ətōn̄ kújə yā Nə́ɓā ní ō, yá̰a̰ rāā kəla gə̄ malang kə́ tū tə́ ō. A rāān̄ kəla kə́ tām̄ yā kújə́ ní tə́ ō, a ndin̄ ɓē i kə gō gidií ō.

KOLOSƏ 2:19

Nin̄-əhɔn̄ gō Kərist ń i dɔm dɔ ní adə̄ ngan̄g alé. Tá rɔ̄ malang ń əhɔ naā majə kə ta kūl̄ ta rɔtən gə̄ ní, i Kərist n i nge kəhɔ dɔɔ́ ō, nge rāā kadə̄ rɔ̄ ní tɔgə kə gō ń Nə́ɓā ndigə ō ní.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

JAKARI 9:16

Ba ndɔ̄ ngeé ń noō tə́ ní, Kɔ́ɔ̄ɓē Nə́ɓā yādə́ a ajədə́, tītə̄ ń nge ngɔ̄m̄ yá̰a̰ kul̄ a ajəń ɓūtə̄ yá̰a̰ kul̄ yān gə̄ ní beē. Nin̄ a ndílēn̄ kem ɓē yān tə́ tītə̄ mbal̄ gə̄ kə́ gātə̄də́ i ngá̰ý gə̄, kə́ tə́lan̄ tū jākā mbang tə́ beē.

EJEKIEL 43:7

Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.

IJAI 18:3

Sḭḭ̄ de gə̄ malang ń ī-ndiī dɔ nang tə́ ní, sḭḭ̄ ń ī-taāī loo malang dɔ nang tə́ ní, dan ń a udən̄ yá̰á̰ kə́ ɔjə kadə̄ yá̰á̰ kógə̄ḿ a rāā yā rāā yá̰a̰ dɔ mbal̄ bo gə̄ tə́ anī, á̰a̰ī ō, dan ń a kɔ̄rə́n̄ tōw̄ gajə batə̄ anī, ōōī ō.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

PĀ GƏ̄ 76:11

Wōn̄g yā deē ndul gə̄gē ɔsə gɔnií, banī ngé gə̄ ń teēn̄ ta wōn̄g yāí tə́ ní, a rāān̄ nāā tām̄ yāí tə́.

TƏ́DA 10:18

Ɓūtə̄ áskar gə̄ kə́ gō dərapóo yā Ruben tə́ utə̄n̄ gōdə́. Elisur ngōn̄ Sedeur i ngol áskar gə̄ kə́ gír ɓē yā Ruben tə́ ō,

TƏ́DA 10:14

I ɓūtə̄ áskar gə̄ kə́ gō dərapóo yā Juda tə́ n əsōn̄ róbó kété ní. Nason ngōn̄ Aminadab i ngol áskar gə̄ kə́ gír ɓē yā Juda tə́ ō,

TƏ́DA 2:10

Ruben a ndi ɓē i dām̄ mbɔ́r ɓē kə́ geleé tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Ruben tə́ i Elisur ngōn̄ Sedeur. De gə̄ yān gə̄ i 46 500. Ngol ngé rɔ̄ɔ̄ gə̄ kə́ gír ɓē yā Simeo̰ tə́ i Selumiel ngōn̄ Surisaday. De gə̄ yān gə̄ i 59 300. Ngol ngé rɔ̄ɔ̄ gə̄ kə́ gír ɓē yā Gad tə́ i Eliasap ngōn̄ Dewel. De gə̄ yān gə̄ i 45 650.

TƏ́DA 2:3

Juda a ndi ɓē i kə̄ kété, dām̄ kə́ dūn̄ tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Juda tə́ i Nason ngōn̄ Aminadab. De gə̄ yān gə̄ i 74 600. Ngol ngé rɔ̄ɔ̄ gə̄ kə́ gír ɓē yā Isakar tə́ i Netanel ngōn̄ Suar. De gə̄ yān gə̄ i 54 400. Ngol ngé rɔ̄ɔ̄ gə̄ kə́ gír ɓē yā Jabulo̰ tə́ i Eliab ngōn̄ Helon. De gə̄ yān gə̄ i 57 400.

TƏ́DA 2:1

Kɔ́ɔ̄ɓē ɔr̄ najə̄ kə Moijə ō, Aaro̰ ō, ədadə́ na:

TƏ́DA 24:2

Dan ń ni un kumən kə̄ dɔɔ́ á a̰a̰ ngán Israel gə̄ kə́ ndin̄ kem gérger yādə́ gə̄ tə́ kə gō gír ɓē yādə́ gēé ní anī, Ndíl yā Nə́ɓā reē dɔn tə́,

PĀ GƏ̄ 74:4

I loo nəkɔ́ ń ḭ̄ ā ī-ra tū tə́ ní n madə̄ ba̰ā̰í gə̄ ran̄ tū tə́ a túrə̄n̄neé kɔĺ yādə́ gə̄ ní. Nin̄ tṵ́ṵ̄n̄ dərapóo yādə́ gə̄ tū tə́.