TƏ́DA 19:9 - Bibəl ta Sar̄

⁹ Ba i de kə́ majaĺ tákə̄n alé n a ɔy bū kó̰o̰ man̄g ní yā kaw̄ń gidə ɓē tə́ ndágá yā ɓōkə́ loo kə́ unjə̄ njáý njáý tə́ ní. Ngán Israel gə̄ a ngɔ̄mə̄n̄ bū kó̰o̰ man̄g ní yā guŕ kum man̄ tə́go rɔ̄ kə́ yā kɔrə̄ń majaĺ tə́. Nge ń noō i yá̰á̰ kə́ tun̄ tām̄ yā majaĺ tə́.

Bible sar

⁹ Ba i de kə́ majaĺ tákə̄n alé n a ɔy bū kó̰o̰ man̄g ní yā kaw̄ń gidə ɓē tə́ ndágá yā ɓōkə́ loo kə́ *unjə̄ njáý njáý tə́ ní. Ngán Israel gə̄ a ngɔ̄mə̄n̄ bū kó̰o̰ man̄g ní yā guŕ kum man̄ tə́go rɔ̄ kə́ yā kɔrə̄ń majaĺ tə́. Nge ń noō i yá̰á̰ kə́ tun̄ tām̄ yā majaĺ tə́.

TƏ́DA 19:9 Referans Kwoze

HEBƏRO 9:13

Ré mósə bal bə̄yā̰ gə̄ ō, mósə man̄g kə́ bəra gə̄ ō, man̄ ń bū mandə man̄g i tū tə́ á sə̄kān̄ dɔ ngé gə̄ ń adə̄ majaĺ tákə̄ dā̰ rɔ̄də́ to̰ alé ba télən̄ de kə́ kɔr̄ kam̄ tām̄ yā Nə́ɓā tə́ gə̄ anī,

TƏ́DA 19:13

Deē ń ɔdə rɔ̄ nīń de kə́ koy banī tə́go rɔ̄n adə̄ tél de kə́ yḛr aĺ alé ní, kɔ́ɔ̄ a reē i kə yá̰á̰ kə́ majaĺ kə̄ dɔ kújə yā Kɔ́ɔ̄ɓē tə́. A ɔrə̄n̄ deē ní kɔ̄ɔ́ dan ngán Israel gə̄ tə́. Man̄ tə́go rɔ̄ ɔdə rɔ̄n aĺ ní, majaĺ ń tákə̄n ní a na̰y dɔn tə́.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

JAKARI 13:1

Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.

TƏ́DA 19:18

De kə́ yḛr alé a un kámbə isopə yā kəla kum man̄ ní tə́, ba a sə̄kā dɔ kújə tandā ń deē oy kemeé tə́ ní ō, dɔ yá̰a̰ malang kə́ kemeé tə́ ō, dɔ de gə̄ kə́ kemeé tə́ ō, aĺ anī a sə̄kā dɔ deē ń ɔdə kə̄ngā de kə́ koy, aké nīń de kə́ tɔ̄l̄nən̄, aké nīń de kə́ oy yo kə́ karī, aké dɔ ɓádə deē tə́ ní.

TƏ́DA 9:13

Banī deē ń majaĺ tákə̄n aĺ ō, aw̄ mbā tə́ aĺ ō, ba rāā najə̄ yā nāā Pákə i kə njaneé, adə̄ ni ɔdə rāā nāā Pákə kə ndɔ̄ Pákə aĺ ní, deē ń noō a ɔr̄nən̄ kɔ̄ɔ́ dan ngán Israel gə̄ tə́. Ni-ndējə̄ Kɔ́ɔ̄ɓē yá̰a̰ kə ndɔ̄neé aĺ ní, yá̰á̰ kə́ tōr̄ tām̄ yā majaĺ yān tə́ a rāān i nəkɔ́.

TƏ́DA 8:7

Loo rāān n toó: Ī-sə̄kā man̄ tə́go majaĺ rɔ̄də́ tə́ ō, ādə̄ dəsān̄ bḭḭ̄ kə́ rɔ̄də́ tə́ malang kɔ̄ɔ́ ō, tə́gon̄ kūbə̄ yādə́ gə̄ ō, unən̄ majaĺ ń tákə̄də́ ní kɔ̄ɔ́ ō.

TƏ́DA 6:12

Loo ń noō tə́ deē ní a tɔ̄l̄ ngōn̄ batə̄ kə́ ɓāl̄ kógə̄ḿ yā tun̄ kadə̄ Nə́ɓā tām̄ yā majaĺ yān tə́, ba a tél yā kɔr̄ kam̄ rɔ̄n gogə́ rang tām̄ yā Kɔ́ɔ̄ɓē tə́. Ndɔ̄ kə́ kété gə̄ ń ni-gān̄g yā kɔrə̄ń kam̄ rɔ̄n tām̄ yā Kɔ́ɔ̄ɓē tə́ ní i kə́ yā kəya̰də́ kɔ̄ɔ́, tām̄ kɔr̄ kam̄ rɔ̄ yān i kə́ majaĺ tákə̄.

LEBI GƏ̄ 15:20

Tə̄rá ń ni to kemeé dan ń mósə rāānəń tə́ ní a tél tə̄rá kə́ yḛr ō, yá̰a̰ malang ń ni-ndi dɔ tə́ ní a téĺ yá̰á̰ kə́ yḛr ō.

TƏ́DA 19:3

Kó̰o̰ man̄g ní ā ādī Eleajar ń i nge tun̄ yá̰á̰ ní. A teēn̄ seneé gidə ɓē tə́ ndágá ba a əjan̄ kɔ́ɔn ta kum Eleajar tə́.

TƏ́DA 19:8

Nge róō man̄g ní a tə́go kūbə̄ yān gə̄ ō, a ndogə̄ man̄ ō, majaĺ a tákə̄n bátə́ kadə̄ loo tíbə dɔn tə́ ō.

TƏ́DA 19:17

Deē ń i kə́ yḛr ní a tə́gonən̄ i kə bū kó̰o̰ man̄g kə́ tun̄ tām̄ yā majaĺ tə́. A ɔyn̄ bū kó̰o̰ man̄g ní yā ɓōkə́ kem jóó, ba a ɔdən̄, man̄ kə́ a əɓa nang tə́ yā ɓōkə́ dɔ tə́.