TƏ́DA 19:7 - Bibəl ta Sar̄

⁷ Gō tə́ anī nge tun̄ yá̰a̰ a tə́go kūbə̄ yān gə̄ ō, a ndogə̄ man̄ ō, pá tá a udə kem ɓēé ɓáý. Banī majaĺ a tákə̄n bátə́ kadə̄ loo tíbə dɔn tə́

Bible sar

⁷ Gō tə́ anī *nge tun̄ yá̰a̰ a tə́go kūbə̄ yān gə̄ ō, a ndogə̄ man̄ ō, pá tá a udə kem ɓēé ɓáý. Banī majaĺ a tákə̄n bátə́ kadə̄ loo tíbə dɔn tə́

TƏ́DA 19:7 Referans Kwoze

LEBI GƏ̄ 11:25

Ba deē ń a əto nīndə́ ní, i gáŕ kadə̄ a tə́go kūbə̄ yān gə̄ ō, ni i de kə́ yḛr bátə́ kadə̄ loo tíbə dɔn tə́ ō.

TƏ́DA 19:19

Deē ń i kə́ unjə̄ njáý njáý ní, de kə́ yḛr alé a sə̄kā man̄ tə́go rɔ̄ dɔn tə́ i kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō. Kə ndɔ̄ kə́ nge ko̰ sīrí ré sə̄kān̄ man̄ dɔn tə́ oy anī, ni a tə́go kūbə̄ yān gə̄ ō, a ndogə̄ man̄ ō. Ba ré loo tíbə anī, ni a tél de kə́ unjə̄ njáý njáý.

TƏ́DA 19:8

Nge róō man̄g ní a tə́go kūbə̄ yān gə̄ ō, a ndogə̄ man̄ ō, majaĺ a tákə̄n bátə́ kadə̄ loo tíbə dɔn tə́ ō.

LEBI GƏ̄ 22:6

Deē ń tél de kə́ yḛr tītə̄ ń noō ní, a ndiń bátə́ kadə̄ loo tíbə dɔn tə́. Ré ni ndogə man̄ pá tá a əsa yá̰a̰ ndējə̄ kə́ táĺ gə̄ ɓáý.

LEBI GƏ̄ 15:5

Deē ń a ɔdə tə̄rá yān ní, kɔ́ɔ̄ a tə́go kūbə̄ yān gə̄ ō, a ndogə̄ man̄ ō, a tél de kə́ yḛr bátə́ loo tíbə dɔn tə́ ō.

LEBI GƏ̄ 11:40

Deē ń a əsa nīnə́n ní, kɔ́ɔ̄ a tə́go kūbə̄ yān gə̄ ō, a tél de kə́ yḛr bátə́ kadə̄ loo tíbə dɔn tə́ ō. Deē ń a ətō nīnə́n ní, kɔ́ɔ̄ a tə́go kūbə̄ yān gə̄ ō, a tél de kə́ yḛr bátə́ kadə̄ loo tíbə dɔn tə́ ō.

HEBƏRO 13:11

Ngol ngé tun̄ yá̰a̰ gə̄ aw̄ kə mósə dā̰ gēé i kem loo kə́ táĺ ngá̰ý tə́ yā kadə̄ i yá̰á̰ kə́ tun̄ tām̄ yā mā̰ȳ rɔ̄ tə́ dɔ majaĺ gə̄ tə́. Banī rɔ̄ dā̰ gə̄ ní a róōn̄ i gidə gérger tə́ ndágá.

LEBI GƏ̄ 14:46

Dan ń kújə́ ní a rań kə tan kə́ kutú ní, ré deē udə kemeé anī kɔ́ɔ̄ i de kə́ yḛr bátə́ kadə̄ loo tíbə dɔn tə́.

TƏ́DA 19:10

Nge kɔy bū kó̰o̰ man̄g ní a tə́go kūbə̄ yān gə̄ ō, majaĺ a tákə̄n kadə̄ loo tíbə dɔn tə́ ō. Nge ń noō i ndū najə̄ kə́ a to ngándáńg tām̄ yā ngán Israel gə̄ tə́ ō, tām̄ yā tə̄rā gə̄ ń ndin̄ dɔ dáńdə́ tə́ ní ō.

TƏ́DA 19:21

Nge ń noō i ndū najə̄ kə́ a to ngáńdáńg tām̄ yā ngán Israel gə̄ tə́. De kə́ nge sə̄kā man̄ tə́go rɔ̄ dɔ deē tə́ a tə́go kūbə̄ yān gə̄ ō, deē ń ɔdə rɔ̄ man̄ tə́go rɔ̄ ní, a tél de kə́ yḛr bátə́ kadə̄ loo tíbə dɔn tə́ ō.

LEBI GƏ̄ 11:24

Dā̰ kə́rēý gə̄ a rāān̄sí kadə̄ ī-téliī de gə̄ kə́ yḛr gə̄. Deē ń ɔdə nīńdə́ ní, kɔ́ɔ̄ a tél de kə́ yḛr bátə́ kadə̄ loo tíbə dɔn tə́.

LEBI GƏ̄ 11:31

Ā ī-rāāīdə́ i dā̰ gə̄ kə́ yḛr tə́. Deē ń a ɔdə nīńdə́ ní, kɔ́ɔ̄ a tél de kə́ yḛr bátə́ kadə̄ loo tíbə dɔn tə́.

LEBI GƏ̄ 11:32

Yá̰a̰ malang ń deē a rāań kəla, adə̄ i bugə̄rū, aké i kūbə̄, aké i ngə̄rā, aké i ngong ní, ré nīńdə́ əsō dɔ tə́ anī, a tél i yá̰á̰ kə́ yḛr. A tə́gon̄ yá̰á̰ ní kə maná, ba majaĺ a nay dɔ tə́ bátə́ kadə̄ loo tíbə pá tá a tél yá̰á̰ kə́ unjə̄ njáý njáý ɓáý.

LEBI GƏ̄ 11:39

Dan dā̰ gə̄ ń ā ə́saī tə́ ní, ré kógə̄ḿ oy anī, deē ń a ɔdə rɔ̄ nīnə́n ní, kɔ́ɔ̄ a tél de kə́ yḛr bátə́ kadə̄ loo tíbə dɔn tə́.

TƏ́DA 19:22

Yá̰a̰ malang ń de kə́ majaĺ tákə̄n ɔdə rɔ̄ ní, a tél yá̰á̰ kə́ yḛr ō, deē ń a ɔdə rɔ̄ ní a tél de kə́ yḛr kadə̄ loo tíbə dɔn tə́ ō.