TƏ́DA 19:20 - Bibəl ta Sar̄

²⁰ Banī deē ń kə́ yḛr ba tə́go rɔ̄n aĺ ní, a ɔr̄nən̄ kɔ̄ɔ́ dan ngé kán̄ naā tə́, tām̄ ni a reē kə majaĺ yā tákə̄n loo kə́ táĺ yā Kɔ́ɔ̄ɓē. Sə̄kān̄ man̄ tə́go rɔ̄ dɔn tə́ aĺ ní ni i de kə́ yḛr.

Bible sar

²⁰ Banī deē ń kə́ yḛr ba tə́go rɔ̄n aĺ ní, a ɔr̄nən̄ kɔ̄ɔ́ dan ngé kán̄ naā tə́, tām̄ ni a reē kə majaĺ yā tákə̄n *loo kə́ táĺ yā Kɔ́ɔ̄ɓē. Sə̄kān̄ man̄ tə́go rɔ̄ dɔn tə́ aĺ ní ni i de kə́ yḛr.

TƏ́DA 19:20 Referans Kwoze

MARK 16:16

Deē ń a taā kem ō, a rāānən̄ batém ō ní, a ajə. Deē ń a taā kem aĺ ní, a gāngə̄n̄ sarya dɔn tə́.

TƏ́DA 19:13

Deē ń ɔdə rɔ̄ nīń de kə́ koy banī tə́go rɔ̄n adə̄ tél de kə́ yḛr aĺ alé ní, kɔ́ɔ̄ a reē i kə yá̰á̰ kə́ majaĺ kə̄ dɔ kújə yā Kɔ́ɔ̄ɓē tə́. A ɔrə̄n̄ deē ní kɔ̄ɔ́ dan ngán Israel gə̄ tə́. Man̄ tə́go rɔ̄ ɔdə rɔ̄n aĺ ní, majaĺ ń tákə̄n ní a na̰y dɔn tə́.

TA KƏLA 17:14

De kə́ dəngam ń əjan̄ mɔtən aĺ ní, a ɔr̄nən̄ kɔ̄ɔ́ dan gír de gə̄ yān gə̄ tə́, tām̄ ni-mbātə́ madə̄ naā yāḿ.

JEJU TEĒ KUM JA̰A̰ 22:11

Adə̄ de kə́ nge rāā yá̰a̰ gōtə́ aĺ kə na̰y kə̄ loo rāā yá̰á̰ kə́ gōtə́ aĺ tə́ kə̄ non tə́ ō, de kə́ yḛr kə na̰y kə̄ loo rāā yá̰á̰ kə́ yḛr tə́ kə̄ non tə́ ō, de kə́ nge rāā yá̰á̰ kə́ gōtə́ kə na̰y kə̄ loo rāā yá̰á̰ kə́ gōtə́ tə́ kə̄ non tə́ ō, deē ń ɔr̄ rɔ̄n tayā tām̄ yā Nə́ɓā tə́ ní, kə na̰y kə̄ loo kɔr̄ rɔ̄n tayā tə́ tām̄ yā Nə́ɓā tə́ kə̄ non tə́ ō.

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

TƏ́DA 15:30

Banī deē ń rāā yá̰á̰ kə́ majaĺ kə gō kem ndigə yānneé ní, ká i ngōn̄ nge ɓē, aké i tə̄rā gə̄gē anī, ni kídə̄ i Kɔ́ɔ̄ɓē adə̄ a ɔr̄nən̄ kɔ̄ɔ́ dan gír deē yān gə̄ tə́.

LEBI GƏ̄ 15:31

Ré ngán Israel gə̄ télən̄ de kə́ yḛr gə̄ anī, ā ɔ̄gīdə́ kudə kem loo ndi yāḿ ń ra dɔ dáńdə́ tə́ ní, na sōgə́ oyn̄ tām̄ nin̄ i de kə́ yḛr gə̄. Tɔdɔ̄ ré nin̄ rāān̄ adə̄ loo ndi yāḿ tél loo kə́ yḛr anī, a oyn̄.

LEBI GƏ̄ 17:16

Ba ré ni tə́go kūbə̄ yān gə̄ aĺ ō, ndogə̄ man̄ aĺ ō anī, yá̰á̰ kə́ gōtə́ aĺ ń ni-rāā ní, a ənī najə̄ dɔn tə́.

Teē Ngán Israel gə̄ 30:33

Ré de kə́rēý rāā yibə̄ kə́ to tītə̄ nge ń noō rāā rɔ̄ de kə́ karī tə́ anī, a ɔrə̄n̄ kɔ́ɔ̄ dan ngán Israel gə̄ tə́ kɔ̄ɔ́.

LEBI GƏ̄ 22:4

De kə́ gír kojə yā Aaro̰ tə́ kə́ mo̰y bānjə̄ rāān, aké bájal rāān adə̄ wī a də̄yā̰ rɔ̄n tə́ ní, a əsa yá̰a̰ ndējə̄ kə́ táĺ gə̄ alé. De kə́ ɔdə rɔ̄ de kə́ yḛr tām̄ nīń kə́ kɔ́ɔ̄ ɔdə rɔ̄ tə́, aké de kə́ manə̄n teē rɔ̄n tə́, aké ɔdə rɔ̄ kur̄ kə́ a rāā kadə̄ deē tél de kə́ yḛr, aké ɔdə rɔ̄ de kə́ a rāā kadə̄ deē téĺ kə́ yḛr ní, ká ré i majaĺ rí gə̄gē anī, a əsa yá̰á̰ kə́ táĺ gə̄ alé. Ni a tél de kə́ yḛr aĺ pá tá a əsa ɓáý.

TƏ́DA 9:13

Banī deē ń majaĺ tákə̄n aĺ ō, aw̄ mbā tə́ aĺ ō, ba rāā najə̄ yā nāā Pákə i kə njaneé, adə̄ ni ɔdə rāā nāā Pákə kə ndɔ̄ Pákə aĺ ní, deē ń noō a ɔr̄nən̄ kɔ̄ɔ́ dan ngán Israel gə̄ tə́. Ni-ndējə̄ Kɔ́ɔ̄ɓē yá̰a̰ kə ndɔ̄neé aĺ ní, yá̰á̰ kə́ tōr̄ tām̄ yā majaĺ yān tə́ a rāān i nəkɔ́.