TƏ́DA 19:19 - Bibəl ta Sar̄

¹⁹ Deē ń i kə́ unjə̄ njáý njáý ní, de kə́ yḛr alé a sə̄kā man̄ tə́go rɔ̄ dɔn tə́ i kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō. Kə ndɔ̄ kə́ nge ko̰ sīrí ré sə̄kān̄ man̄ dɔn tə́ oy anī, ni a tə́go kūbə̄ yān gə̄ ō, a ndogə̄ man̄ ō. Ba ré loo tíbə anī, ni a tél de kə́ unjə̄ njáý njáý.

Bible sar

¹⁹ Deē ń i kə́ *unjə̄ njáý njáý ní, de kə́ yḛr alé a sə̄kā man̄ tə́go rɔ̄ dɔn tə́ i kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō. Kə ndɔ̄ kə́ nge ko̰ sīrí ré sə̄kān̄ man̄ dɔn tə́ oy anī, ni a tə́go kūbə̄ yān gə̄ ō, a ndogə̄ man̄ ō. Ba ré loo tíbə anī, ni a tél de kə́ *unjə̄ njáý njáý.

TƏ́DA 19:19 Referans Kwoze

1 JA̰A̰ 1:7

Banī ré jə-njə̄rāī i kum loo kə́ unjə̄ kow tə́ tītə̄ ń nəkɔ́ i kum loo kə́ unjə̄ kow tə́ ní anī, jə-rāāī i kem kasə naā mbo̰ō̰jí tə́ kógə̄ḿ kógə̄ḿ ō, mósə Ngōnən Jeju a tə́go majaĺ yājí gə̄ malang ō.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

TƏ́DA 19:12

Kɔ́ɔ̄ a tə́go rɔ̄n kə ndɔ̄ kə́ nge ko̰ mətá ō, kə́ nge ko̰ sīrí ō, kə man̄ tə́go rɔ̄ɔ́ pá tá a tél de kə́ unjə̄ njáý njáý ɓáý. Ba ré ni tə́go rɔ̄n kə ndɔ̄ kə́ nge ko̰ mətá aĺ ō, kə́ nge ko̰ sīrí aĺ ō anī, ndi i de kə́ unjə̄ njáý njáý tə́ ɓáý.

LEBI GƏ̄ 14:9

Kə ndɔ̄ kə́ nge ko̰ sīrí anī, ni-tél yā dəsā dɔn ō, mbāýn ō, nənga dɔ kumən ō, bḭḭ̄ kə́ rɔ̄n tə́ malang. A tə́go kūbə̄ yān gə̄ ō, a ndogə̄ man̄ ō, loo ń noō tə́ ni i de kə́ unjə̄ njáý njáý.

Makətūbə̄ ń Jud ndang ní 1:23

Ájiīdə́ kɔ̄ɔ́ kum hor tə́. Kə́ tām̄ yā gotə gə̄ tə́ ɓáa ādī kumsí o̰o̰sí sedə́, ba ādī kum ko̰o̰ yāsí ní i kum ko̰o̰ kə́ kə ɓōló danaá. Kūbə̄ yādə́ gə̄ ń dā̰ rɔ̄də́ ɔdə rɔ̄ ní gə̄gē ādī nel̄sí aĺ ngá̰ý.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

TƏ́DA 31:19

Banī sḭḭ̄ malang ń ī-tɔ̄lī deē, aké ɔ́diī rɔ̄ nīń deē ní, ī-ndiī gidə ɓē tə́ ndágá ndɔ̄ sīrí sḭḭ̄ gə̄gē ɓəlo yāsí kə́ dəyá̰ gə̄ gə̄gē. Ā ī-tə́goī rɔ̄sí kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō, kadə̄ ī-téliīń de gə̄ kə́ majaĺ tákə̄də́ alé gə̄.

TA KƏLA 2:2

Dan ń Nə́ɓā rāā kəla yān malang oy ní, ni-ɔr̄ koō kə ndɔ̄ kə́ nge ko̰ sīrí.

Teē Ngán Israel gə̄ 19:10

Kɔ́ɔ̄ɓē əda Moijə na: Āw̄ ə́dá ngán Israel gə̄ ādə̄ ɔrə̄n̄ kam̄də́ kɔ̄ɔ́ tū yá̰á̰ kə́ yḛr tə́ ɓōólaā ō, bírí ō, ādə̄ tə́gon̄ kūbə̄ yādə́ gə̄ ō.

TƏ́DA 19:13

Deē ń ɔdə rɔ̄ nīń de kə́ koy banī tə́go rɔ̄n adə̄ tél de kə́ yḛr aĺ alé ní, kɔ́ɔ̄ a reē i kə yá̰á̰ kə́ majaĺ kə̄ dɔ kújə yā Kɔ́ɔ̄ɓē tə́. A ɔrə̄n̄ deē ní kɔ̄ɔ́ dan ngán Israel gə̄ tə́. Man̄ tə́go rɔ̄ ɔdə rɔ̄n aĺ ní, majaĺ ń tákə̄n ní a na̰y dɔn tə́.

TƏ́DA 19:18

De kə́ yḛr alé a un kámbə isopə yā kəla kum man̄ ní tə́, ba a sə̄kā dɔ kújə tandā ń deē oy kemeé tə́ ní ō, dɔ yá̰a̰ malang kə́ kemeé tə́ ō, dɔ de gə̄ kə́ kemeé tə́ ō, aĺ anī a sə̄kā dɔ deē ń ɔdə kə̄ngā de kə́ koy, aké nīń de kə́ tɔ̄l̄nən̄, aké nīń de kə́ oy yo kə́ karī, aké dɔ ɓádə deē tə́ ní.

LEBI GƏ̄ 14:7

A sə̄kā nja sīrí dɔ deē ní tə́ yā tə́goń bānjə̄ kə́ rɔ̄n tə́. Gō tə́ anī a əda deē ní wáńg na ni i de kə́ unjə̄ njáý njáý ō, a əya̰ yel̄ kə́ kə kumuú ní dɔɔ́ kadə̄ ḭḭ bɔ̄gə̄ aw̄ bembeé ō.

TƏ́DA 31:24

Ré ī-tə́goī kūbə̄ yāsí gə̄ kə ndɔ̄ kə́ nge ko̰ sīrí oy anī, ā ī-téliī de kə́ unjə̄ njáý njáý gə̄ ō, ā ī-téliī yā reē kem ɓēé ō.