TƏ́DA 19:18 - Bibəl ta Sar̄

¹⁸ De kə́ yḛr alé a un kámbə isopə yā kəla kum man̄ ní tə́, ba a sə̄kā dɔ kújə tandā ń deē oy kemeé tə́ ní ō, dɔ yá̰a̰ malang kə́ kemeé tə́ ō, dɔ de gə̄ kə́ kemeé tə́ ō, aĺ anī a sə̄kā dɔ deē ń ɔdə kə̄ngā de kə́ koy, aké nīń de kə́ tɔ̄l̄nən̄, aké nīń de kə́ oy yo kə́ karī, aké dɔ ɓádə deē tə́ ní.

Bible sar

¹⁸ De kə́ yḛr alé a un kámbə isopə yā kəla kum man̄ ní tə́, ba a sə̄kā dɔ kújə tandā ń deē oy kemeé tə́ ní ō, dɔ yá̰a̰ malang kə́ kemeé tə́ ō, dɔ de gə̄ kə́ kemeé tə́ ō, aĺ anī a sə̄kā dɔ deē ń ɔdə kə̄ngā de kə́ koy, aké nīń de kə́ tɔ̄l̄nən̄, aké nīń de kə́ oy yo kə́ karī, aké dɔ ɓádə deē tə́ ní.

TƏ́DA 19:18 Referans Kwoze

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

TƏ́DA 19:9

Ba i de kə́ majaĺ tákə̄n alé n a ɔy bū kó̰o̰ man̄g ní yā kaw̄ń gidə ɓē tə́ ndágá yā ɓōkə́ loo kə́ unjə̄ njáý njáý tə́ ní. Ngán Israel gə̄ a ngɔ̄mə̄n̄ bū kó̰o̰ man̄g ní yā guŕ kum man̄ tə́go rɔ̄ kə́ yā kɔrə̄ń majaĺ tə́. Nge ń noō i yá̰á̰ kə́ tun̄ tām̄ yā majaĺ tə́.

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

JA̰A̰ 17:19

M-ādī rɔ̄ḿ kə taá malang tām̄ yādə́ tə́, yā kadə̄ nin̄ i deē yāí gə̄ kə́ rɔ̄kum tə́.

JA̰A̰ 17:17

Ɔ̄r̄ kam̄də́ tayā kə ta kūl̄ najə̄ kə́ rɔ̄kum, najə̄ yāí i najə̄ kə́ rɔ̄kum.

PĀ GƏ̄ 51:7

Á̰a̰ā̰, kété pá tá kadə̄ ojəmə̄n̄ ní mā i de kə́ gōtə́ alé. Əla gír i ndɔ̄ ń kó̰ó̰ḿ ndānə̄m̄neé tə́ ní n mā i de kə́ majaĺ ní.

HEBƏRO 9:19

Tɔdɔ̄ gō ń Moijə tə́da gō míndə gə̄ kógə̄ḿ kógə̄ḿ malang kə́ kem makətūbə̄ ndū najə̄ tə́, adə̄ ngán Israel gə̄ malang ní, ni-un mósə duĺ man̄g gə̄ ō, bal bə̄yā̰ gə̄ ō, naā tə́ kə maná ō, bḭḭ̄ batə̄ kə́ kərē ō, kámbə isopə ō, sə̄kāń dɔ makətūbə̄ nəkɔ́ tə́ ō, dɔ ngán Israel gə̄ tə́ malang ō,

TƏ́DA 19:17

Deē ń i kə́ yḛr ní a tə́gonən̄ i kə bū kó̰o̰ man̄g kə́ tun̄ tām̄ yā majaĺ tə́. A ɔyn̄ bū kó̰o̰ man̄g ní yā ɓōkə́ kem jóó, ba a ɔdən̄, man̄ kə́ a əɓa nang tə́ yā ɓōkə́ dɔ tə́.

TƏ́DA 19:19

Deē ń i kə́ unjə̄ njáý njáý ní, de kə́ yḛr alé a sə̄kā man̄ tə́go rɔ̄ dɔn tə́ i kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō. Kə ndɔ̄ kə́ nge ko̰ sīrí ré sə̄kān̄ man̄ dɔn tə́ oy anī, ni a tə́go kūbə̄ yān gə̄ ō, a ndogə̄ man̄ ō. Ba ré loo tíbə anī, ni a tél de kə́ unjə̄ njáý njáý.

IJAI 52:15

Ba ngɔlaā ní, a ɔr kum nápar de gə̄ ngá̰ý najə̄ yān tə́, mban̄g gə̄ a ndin̄ non tə́ kanjə̄ kəda yá̰á̰ kógə̄ḿ. Tām̄ yá̰á̰ ń nin̄ a̰a̰n̄ ní, to tītə̄ yá̰á̰ ń ənīn̄də́ gotə ní aĺ ō, yá̰á̰ ń nin̄ əndān̄ ma̰ȳ ní, teēn̄ naā kə yá̰á̰ ń ədan̄də́ adə̄ oōn̄ ní aĺ ō.

PĀ GƏ̄ 51:9

Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.