TƏ́DA 19:17 - Bibəl ta Sar̄

¹⁷ Deē ń i kə́ yḛr ní a tə́gonən̄ i kə bū kó̰o̰ man̄g kə́ tun̄ tām̄ yā majaĺ tə́. A ɔyn̄ bū kó̰o̰ man̄g ní yā ɓōkə́ kem jóó, ba a ɔdən̄, man̄ kə́ a əɓa nang tə́ yā ɓōkə́ dɔ tə́.

Bible sar

¹⁷ Deē ń i kə́ yḛr ní a tə́gonən̄ i kə bū kó̰o̰ man̄g kə́ tun̄ tām̄ yā majaĺ tə́. A ɔyn̄ bū kó̰o̰ man̄g ní yā ɓōkə́ kem jóó, ba a ɔdən̄, man̄ kə́ a əɓa nang tə́ yā ɓōkə́ dɔ tə́.

TƏ́DA 19:17 Referans Kwoze

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

JA̰A̰ 7:38

Deē ń taā kemḿ anī, tītə̄ ń ndangən̄neé kem makətūbə̄ tə́ ní, man̄ kə́ ngá̰ý kə́ a rāā kadə̄ deē ndi kə kumneé a kə̄rā kemən tə́ tiriri.

PĀ KƏ́ MAJƏ 4:15

Mā i ta kəɓa man̄ kə́ kem ndɔrɔ́, bəlo man̄ kə́ a̰ȳ ngá̰ý man̄ kə́ ḭḭ dɔ mbal̄ Liban tə́ a nūgə̄ kum kə̄ nang tə́.

TƏ́DA 19:9

Ba i de kə́ majaĺ tákə̄n alé n a ɔy bū kó̰o̰ man̄g ní yā kaw̄ń gidə ɓē tə́ ndágá yā ɓōkə́ loo kə́ unjə̄ njáý njáý tə́ ní. Ngán Israel gə̄ a ngɔ̄mə̄n̄ bū kó̰o̰ man̄g ní yā guŕ kum man̄ tə́go rɔ̄ kə́ yā kɔrə̄ń majaĺ tə́. Nge ń noō i yá̰á̰ kə́ tun̄ tām̄ yā majaĺ tə́.

TA KƏLA 26:19

Ndɔ̄ kógə̄ḿ tə́ ngé kəla yā Isaak gə̄ ndērə̄n̄ bəlo man̄ kum wól loo tə́ anī, əngen̄ man̄ kə́ a əɓa.

HEBƏRO 9:13

Ré mósə bal bə̄yā̰ gə̄ ō, mósə man̄g kə́ bəra gə̄ ō, man̄ ń bū mandə man̄g i tū tə́ á sə̄kān̄ dɔ ngé gə̄ ń adə̄ majaĺ tákə̄ dā̰ rɔ̄də́ to̰ alé ba télən̄ de kə́ kɔr̄ kam̄ tām̄ yā Nə́ɓā tə́ gə̄ anī,

TƏ́DA 19:18

De kə́ yḛr alé a un kámbə isopə yā kəla kum man̄ ní tə́, ba a sə̄kā dɔ kújə tandā ń deē oy kemeé tə́ ní ō, dɔ yá̰a̰ malang kə́ kemeé tə́ ō, dɔ de gə̄ kə́ kemeé tə́ ō, aĺ anī a sə̄kā dɔ deē ń ɔdə kə̄ngā de kə́ koy, aké nīń de kə́ tɔ̄l̄nən̄, aké nīń de kə́ oy yo kə́ karī, aké dɔ ɓádə deē tə́ ní.

TƏ́DA 31:23

adə̄ i yá̰a̰ malang ń hor a o̰o̰ aĺ ní, ā ə́laīdə́ horoó yā tə́gódə́ kadə̄ télnə̄ń yá̰á̰ kə́ majaĺ tákə̄ alé gə̄. Gō tə́ anī ā ə́laīdə́ kum man̄ tə́go rɔ̄ kə́ yā kɔrə̄ń majaĺ tə́. Ba yá̰a̰ malang ń hor a o̰o̰ ní, ā ī-tə́goī kə maná.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

JAKARI 13:1

Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.