TƏ́DA 19:14 - Bibəl ta Sar̄

¹⁴ Ndū najə̄ kə́ rang gə̄ kə́ yā ngɔ̄m̄ n toó: Ré deē kógə̄ḿ oy kem kújə tandā tə́ anī, ngé kudə gōn tə́ gə̄ ō, de gə̄ ń i kum tə́ ní ō a télən̄ de kə́ yḛr gə̄ ndɔ̄ sīrí.

Bible sar

¹⁴ *Ndū najə̄ kə́ rang gə̄ kə́ yā ngɔ̄m̄ n toó: Ré deē kógə̄ḿ oy kem kújə tandā tə́ anī, ngé kudə gōn tə́ gə̄ ō, de gə̄ ń i kum tə́ ní ō a télən̄ de kə́ yḛr gə̄ ndɔ̄ sīrí.

TƏ́DA 19:14 Referans Kwoze

LEBI GƏ̄ 21:11

A aw̄ dɔ nīń deē tə́ alé. A aw̄ dɔ nīń bɔbə̄n tə́ aĺ ō, dɔ nīń kó̰o̰n tə́ aĺ ō, na sōgə́ ni tél de kə́ yḛr.

TƏ́DA 19:13

Deē ń ɔdə rɔ̄ nīń de kə́ koy banī tə́go rɔ̄n adə̄ tél de kə́ yḛr aĺ alé ní, kɔ́ɔ̄ a reē i kə yá̰á̰ kə́ majaĺ kə̄ dɔ kújə yā Kɔ́ɔ̄ɓē tə́. A ɔrə̄n̄ deē ní kɔ̄ɔ́ dan ngán Israel gə̄ tə́. Man̄ tə́go rɔ̄ ɔdə rɔ̄n aĺ ní, majaĺ ń tákə̄n ní a na̰y dɔn tə́.

TƏ́DA 19:15

Səmbē ń ndi kem kújə tandā tə́ ba ta i kə́ kutə̄ aĺ ō, kə́ do̰ō̰ kə kəlaá aĺ ō ní a téĺ kə́ yḛr.

LEBI GƏ̄ 14:54

Ndū najə̄ kə́ dɔ mo̰y kə́ tītə̄ mo̰y i bānjə̄ tə́, adə̄ i básḛý ō,

LEBI GƏ̄ 15:32

Ndū najə̄ kə́ dɔ de kə́ dəngam ń bájal rāān tə́, aké manə̄n teē rɔ̄n tə́ ní ō,

LEBI GƏ̄ 21:1

Kɔ́ɔ̄ɓē mēr̄ Moijə kəda ngé tun̄ yá̰a̰ gə̄ ń i ngán Aaro̰ gə̄ ní ndū najə̄ gə̄ ń toō: De kə́ nge tun̄ yá̰a̰ a aw̄ rɔ̄ nīń ngeen deē tə́ alé na sōgə́ tél de kə́ yḛr.

TƏ́DA 5:2

Ə́dá ngán Israel gə̄ ādə̄ tə̄ɓān̄ de kə́ majaĺ tákə̄də́ gə̄ kɔ̄ɔ́ kem ɓēé, de kə́ ngé bānjə̄ gə̄ ō, ngé bájal gə̄ ō, de gə̄ ń ɔdən̄ nīń ní ō.

TƏ́DA 6:6

Kem ndɔ̄ gə̄ ń ɔrə̄ń kam̄ rɔ̄n tām̄ yā Kɔ́ɔ̄ɓē tə́ ní, a aw̄ rɔ̄ nīń deē tə́ alé.

TƏ́DA 6:9

Ba ré de kə́rēý gān̄g dɔɔ́ oy kadən tə́ kem ndɔ̄ gə̄ ń noō tə́ adə̄ majaĺ tákə̄n anī, ni a dəsā dɔn ndɔ̄ ń a unənə̄ń majaĺ dɔn tə́ ní, adə̄ i kə ndɔ̄ kə́ nge ko̰ sīrí.

TƏ́DA 9:6

Banī de kə́rēý gə̄ ń ɔdən̄ rɔ̄ nīń ní asən̄ rāā pétə́ Pákə ndɔ̄ ń noō tə́ alé, tɔdɔ̄ majaĺ tákə̄də́. Ndɔ̄ nəkɔ́ ń noō tə́ nin̄ ədan̄ Moijə nin̄ kə Aaro̰ na:

TƏ́DA 31:20

Ā ī-tə́goī kūbə̄ gə̄ malang ō, yá̰a̰ malang kə́ rāā kə ndāŕ ō, kə bḭḭ̄ bə̄yā̰á̰ ō, kə́ rāā kə kāgāá ō, kadə̄ télnə̄ń yá̰á̰ kə́ majaĺ tákə̄ alé gə̄.

EJEKIEL 39:12

Israel gə̄ a dubə̄n̄ áskar gə̄ malang bátə́ nāā sīrí ō, i tītə̄ ń noō n nin̄ a rāānəń kadə̄ ɓē unjə̄ njáý njáý ní ō.

EJEKIEL 44:26

Kutə̄ gō anī, i gáŕ kadə̄ ni tə́go rɔ̄n kadə̄ unjə̄ njáý njáý. Ba gō tə́ anī ni a ngóō ndɔ̄ sīrí pá tá a rāā kəla kem kújə yā Kɔ́ɔ̄ɓē tə́ ɓáý.