TƏ́DA 19:13 - Bibəl ta Sar̄

¹³ Deē ń ɔdə rɔ̄ nīń de kə́ koy banī tə́go rɔ̄n adə̄ tél de kə́ yḛr aĺ alé ní, kɔ́ɔ̄ a reē i kə yá̰á̰ kə́ majaĺ kə̄ dɔ kújə yā Kɔ́ɔ̄ɓē tə́. A ɔrə̄n̄ deē ní kɔ̄ɔ́ dan ngán Israel gə̄ tə́. Man̄ tə́go rɔ̄ ɔdə rɔ̄n aĺ ní, majaĺ ń tákə̄n ní a na̰y dɔn tə́.

Bible sar

¹³ Deē ń ɔdə rɔ̄ nīń de kə́ koy banī tə́go rɔ̄n adə̄ tél de kə́ yḛr aĺ alé ní, kɔ́ɔ̄ a reē i kə yá̰á̰ kə́ majaĺ kə̄ dɔ *kújə yā Kɔ́ɔ̄ɓē tə́. A ɔrə̄n̄ deē ní kɔ̄ɔ́ dan ngán *Israel gə̄ tə́. Man̄ tə́go rɔ̄ ɔdə rɔ̄n aĺ ní, majaĺ ń tákə̄n ní a na̰y dɔn tə́.

TƏ́DA 19:13 Referans Kwoze

LEBI GƏ̄ 15:31

Ré ngán Israel gə̄ télən̄ de kə́ yḛr gə̄ anī, ā ɔ̄gīdə́ kudə kem loo ndi yāḿ ń ra dɔ dáńdə́ tə́ ní, na sōgə́ oyn̄ tām̄ nin̄ i de kə́ yḛr gə̄. Tɔdɔ̄ ré nin̄ rāān̄ adə̄ loo ndi yāḿ tél loo kə́ yḛr anī, a oyn̄.

LEBI GƏ̄ 22:3

Ədadə́ na: De kə́ gír kaasí tə́ kə́ ngɔr ń toō, aké kə́ ndɔ̄ń tə́ ń majaĺ tákə̄n ba reē rɔ̄ yá̰a̰ ndējə̄ kə́ táĺ gə̄ ń ngán Israel gə̄ ɔrə̄n̄ kam̄ tām̄ yā Kɔ́ɔ̄ɓē tə́ ní, a ɔrnən̄ kɔ̄ɔ́ kem kəla yāḿ tə́. Mā i Kɔ́ɔ̄ɓē.

LEBI GƏ̄ 7:20

De kə́ unjə̄ njáý njáý ń əsa dā̰ kə́ tun̄ kadə̄ Kɔ́ɔ̄ɓē tām̄ yā kem kógə̄ḿ tə́ ní, a ɔr̄nən̄ dan ngán Israel gə̄ tə́ kɔ̄ɔ́.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

JEJU TEĒ KUM JA̰A̰ 22:11

Adə̄ de kə́ nge rāā yá̰a̰ gōtə́ aĺ kə na̰y kə̄ loo rāā yá̰á̰ kə́ gōtə́ aĺ tə́ kə̄ non tə́ ō, de kə́ yḛr kə na̰y kə̄ loo rāā yá̰á̰ kə́ yḛr tə́ kə̄ non tə́ ō, de kə́ nge rāā yá̰á̰ kə́ gōtə́ kə na̰y kə̄ loo rāā yá̰á̰ kə́ gōtə́ tə́ kə̄ non tə́ ō, deē ń ɔr̄ rɔ̄n tayā tām̄ yā Nə́ɓā tə́ ní, kə na̰y kə̄ loo kɔr̄ rɔ̄n tayā tə́ tām̄ yā Nə́ɓā tə́ kə̄ non tə́ ō.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

HEBƏRO 10:29

Deē ń a tə́ɓā Ngōn̄ Nə́ɓā njan tə́ ō, rāā mósə́ ń Nə́ɓā əhɔń madə̄ naā kə de gēé ní yá̰á̰ kə́ karī tə́ ō, mósə́ ń unnəń majaĺ yān gə̄ kɔ̄ɔ́ dɔn tə́ adə̄ ni tél de kə́ kɔr̄ kam̄ tayā ō, tájə̄ Ndíĺ ń kem majə yā Nə́ɓā adə̄jí ní ō anī, ī-gírī kadə̄ yá̰á̰ kə́ tōr̄ ń majə kadə̄ rāān̄ seneé tām̄ majaĺ yān tə́ ní, i yá̰á̰ kə́ tōr̄ kə́ tɔȳ nge ń noō aĺ a?

JA̰A̰ 8:24

I tām̄ najə̄ ń noō tə́ n m-ə́dásí na ā óyiī kum majaĺ yāsí gə̄ tə́ ní. Ré ī-taāī kem kadə̄ Mā i Mā ń m̄-ndi noó ní aĺ anī, ā óyiī kum majaĺ yāsí gə̄ tə́.

Gōsə̄ najə̄ gə̄ 14:32

Yá̰á̰ kə́ majaĺ yā nge kem ndul mbəre nge kem ndul ənīn, banī ká ré ni toń i ta yo tə́ gə̄gē de kə́ súmūú ənī kemən mámák.

TƏ́DA 19:20

Banī deē ń kə́ yḛr ba tə́go rɔ̄n aĺ ní, a ɔr̄nən̄ kɔ̄ɔ́ dan ngé kán̄ naā tə́, tām̄ ni a reē kə majaĺ yā tákə̄n loo kə́ táĺ yā Kɔ́ɔ̄ɓē. Sə̄kān̄ man̄ tə́go rɔ̄ dɔn tə́ aĺ ní ni i de kə́ yḛr.

TƏ́DA 19:18

De kə́ yḛr alé a un kámbə isopə yā kəla kum man̄ ní tə́, ba a sə̄kā dɔ kújə tandā ń deē oy kemeé tə́ ní ō, dɔ yá̰a̰ malang kə́ kemeé tə́ ō, dɔ de gə̄ kə́ kemeé tə́ ō, aĺ anī a sə̄kā dɔ deē ń ɔdə kə̄ngā de kə́ koy, aké nīń de kə́ tɔ̄l̄nən̄, aké nīń de kə́ oy yo kə́ karī, aké dɔ ɓádə deē tə́ ní.

TƏ́DA 19:9

Ba i de kə́ majaĺ tákə̄n alé n a ɔy bū kó̰o̰ man̄g ní yā kaw̄ń gidə ɓē tə́ ndágá yā ɓōkə́ loo kə́ unjə̄ njáý njáý tə́ ní. Ngán Israel gə̄ a ngɔ̄mə̄n̄ bū kó̰o̰ man̄g ní yā guŕ kum man̄ tə́go rɔ̄ kə́ yā kɔrə̄ń majaĺ tə́. Nge ń noō i yá̰á̰ kə́ tun̄ tām̄ yā majaĺ tə́.

TƏ́DA 15:30

Banī deē ń rāā yá̰á̰ kə́ majaĺ kə gō kem ndigə yānneé ní, ká i ngōn̄ nge ɓē, aké i tə̄rā gə̄gē anī, ni kídə̄ i Kɔ́ɔ̄ɓē adə̄ a ɔr̄nən̄ kɔ̄ɔ́ dan gír deē yān gə̄ tə́.

TƏ́DA 8:7

Loo rāān n toó: Ī-sə̄kā man̄ tə́go majaĺ rɔ̄də́ tə́ ō, ādə̄ dəsān̄ bḭḭ̄ kə́ rɔ̄də́ tə́ malang kɔ̄ɔ́ ō, tə́gon̄ kūbə̄ yādə́ gə̄ ō, unən̄ majaĺ ń tákə̄də́ ní kɔ̄ɔ́ ō.

LEBI GƏ̄ 20:3

Tɔdɔ̄ mə̄kɔ́ m-ā m̄-tūr̄ rɔ̄ḿ rɔ̄ deē ní. M-ā m-ɔ̄rən kɔ̄ɔ́ dan ngán Israel gə̄ tə́, tām̄ ni un ngōnən adə̄ Molok ō, rāā adə̄ loo kə́ táĺ tél loo kə́ yḛr ō, nujə kə rīḿ kə́ táĺ ō.

LEBI GƏ̄ 5:17

Ré deē kógə̄ḿ mān̄ dɔ ndū najə̄, tɔdɔ̄ ni-rāā yá̰á̰ kógə̄ḿ kə́ ndū najə̄ yā Kɔ́ɔ̄ɓē ɔgə̄ rāā, ba rāā yá̰á̰ ní i gō ger̄ aĺ tə́ anī, najə̄ i dɔn tə́ ō, yá̰á̰ kə́ majaĺ ń ni rāā ní a ɔȳn i nəkɔ́ ō.

LEBI GƏ̄ 5:6

ba a əhɔ kó̰o̰ batə̄ aláa kó̰o̰ bə̄yā̰ tun̄ kadə̄ Kɔ́ɔ̄ɓē tām̄ yā majaĺ ní tə́. Loo ń noō tə́ nge tun̄ yá̰a̰ a rāā yá̰á̰ kə́ yā kutə̄ń dɔ majaĺ yān.

LEBI GƏ̄ 5:3

Aláa ré deē kə́rēý ɔdə yá̰á̰ kə́ yḛr kə́ rɔ̄ deē tə́, gō ger̄ aĺ tə́, i yá̰á̰ kə́ ré ɔdə rɔ̄ deē anī deē a tél de kə́ yḛr, tá ré ger̄ gō anī, najə̄ i dɔn tə́.

HEBƏRO 9:10

Najə̄ kə́ tū tə́ i najə̄ kə́ dɔ yá̰a̰ kəsa gə̄ tə́ ō, yá̰a̰ ka̰ȳ tə́ ō, tə́go rɔ̄ kə́ tayā tayā gə̄ tə́ ō ngóy. Adə̄ i gō jī loo rāā yá̰a̰ de gə̄, kə́ rāān̄neé kəla bátə́ ugə̄ kum mbang ń Nə́ɓā tūrəń gír yá̰a̰ gə̄ tə́ ní.

LEBI GƏ̄ 7:21

Deē ń ɔdə rɔ̄ de kə́ yḛr aké rɔ̄ dā̰ kə́ yḛr, aláa rɔ̄ yá̰á̰ kə́rēý kə́ yḛr, tá əsań dā̰ kə́ tun̄ kadə̄ Kɔ́ɔ̄ɓē tām yā kem kógə̄ḿ tə́ ní, a ɔrə̄n̄ deē ń noō dan ngán Israel gə̄ tə́ kɔ̄ɔ́.

TƏ́DA 19:14

Ndū najə̄ kə́ rang gə̄ kə́ yā ngɔ̄m̄ n toó: Ré deē kógə̄ḿ oy kem kújə tandā tə́ anī, ngé kudə gōn tə́ gə̄ ō, de gə̄ ń i kum tə́ ní ō a télən̄ de kə́ yḛr gə̄ ndɔ̄ sīrí.

TƏ́DA 19:19

Deē ń i kə́ unjə̄ njáý njáý ní, de kə́ yḛr alé a sə̄kā man̄ tə́go rɔ̄ dɔn tə́ i kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō. Kə ndɔ̄ kə́ nge ko̰ sīrí ré sə̄kān̄ man̄ dɔn tə́ oy anī, ni a tə́go kūbə̄ yān gə̄ ō, a ndogə̄ man̄ ō. Ba ré loo tíbə anī, ni a tél de kə́ unjə̄ njáý njáý.

EJEKIEL 44:26

Kutə̄ gō anī, i gáŕ kadə̄ ni tə́go rɔ̄n kadə̄ unjə̄ njáý njáý. Ba gō tə́ anī ni a ngóō ndɔ̄ sīrí pá tá a rāā kəla kem kújə yā Kɔ́ɔ̄ɓē tə́ ɓáý.

Teē Ngán Israel gə̄ 30:33

Ré de kə́rēý rāā yibə̄ kə́ to tītə̄ nge ń noō rāā rɔ̄ de kə́ karī tə́ anī, a ɔrə̄n̄ kɔ́ɔ̄ dan ngán Israel gə̄ tə́ kɔ̄ɔ́.

LEBI GƏ̄ 22:4

De kə́ gír kojə yā Aaro̰ tə́ kə́ mo̰y bānjə̄ rāān, aké bájal rāān adə̄ wī a də̄yā̰ rɔ̄n tə́ ní, a əsa yá̰a̰ ndējə̄ kə́ táĺ gə̄ alé. De kə́ ɔdə rɔ̄ de kə́ yḛr tām̄ nīń kə́ kɔ́ɔ̄ ɔdə rɔ̄ tə́, aké de kə́ manə̄n teē rɔ̄n tə́, aké ɔdə rɔ̄ kur̄ kə́ a rāā kadə̄ deē tél de kə́ yḛr, aké ɔdə rɔ̄ de kə́ a rāā kadə̄ deē téĺ kə́ yḛr ní, ká ré i majaĺ rí gə̄gē anī, a əsa yá̰á̰ kə́ táĺ gə̄ alé. Ni a tél de kə́ yḛr aĺ pá tá a əsa ɓáý.

TƏ́DA 9:13

Banī deē ń majaĺ tákə̄n aĺ ō, aw̄ mbā tə́ aĺ ō, ba rāā najə̄ yā nāā Pákə i kə njaneé, adə̄ ni ɔdə rāā nāā Pákə kə ndɔ̄ Pákə aĺ ní, deē ń noō a ɔr̄nən̄ kɔ̄ɔ́ dan ngán Israel gə̄ tə́. Ni-ndējə̄ Kɔ́ɔ̄ɓē yá̰a̰ kə ndɔ̄neé aĺ ní, yá̰á̰ kə́ tōr̄ tām̄ yā majaĺ yān tə́ a rāān i nəkɔ́.