TƏ́DA 19:11 - Bibəl ta Sar̄

¹¹ Deē ń ɔdə nīń deē ní, tél de kə́ yḛr ndɔ̄ sīrí.

Bible sar

¹¹ Deē ń ɔdə nīń deē ní, tél de kə́ yḛr ndɔ̄ sīrí.

TƏ́DA 19:11 Referans Kwoze

TƏ́DA 5:2

Ə́dá ngán Israel gə̄ ādə̄ tə̄ɓān̄ de kə́ majaĺ tákə̄də́ gə̄ kɔ̄ɔ́ kem ɓēé, de kə́ ngé bānjə̄ gə̄ ō, ngé bájal gə̄ ō, de gə̄ ń ɔdən̄ nīń ní ō.

TƏ́DA 31:19

Banī sḭḭ̄ malang ń ī-tɔ̄lī deē, aké ɔ́diī rɔ̄ nīń deē ní, ī-ndiī gidə ɓē tə́ ndágá ndɔ̄ sīrí sḭḭ̄ gə̄gē ɓəlo yāsí kə́ dəyá̰ gə̄ gə̄gē. Ā ī-tə́goī rɔ̄sí kə ndɔ̄ kə́ nge ko̰ mətá ō, kə ndɔ̄ kə́ nge ko̰ sīrí ō, kadə̄ ī-téliīń de gə̄ kə́ majaĺ tákə̄də́ alé gə̄.

LEBI GƏ̄ 21:1

Kɔ́ɔ̄ɓē mēr̄ Moijə kəda ngé tun̄ yá̰a̰ gə̄ ń i ngán Aaro̰ gə̄ ní ndū najə̄ gə̄ ń toō: De kə́ nge tun̄ yá̰a̰ a aw̄ rɔ̄ nīń ngeen deē tə́ alé na sōgə́ tél de kə́ yḛr.

TƏ́DA 19:16

Ré deē kógə̄ḿ njə̄rā bembeé ba əɓa dɔ nīń de kə́ tɔ̄l̄nən̄ kə kaskaraá aké oy i yo kə́ karī, aláa əndā njan i dɔ kə̄ngā deē tə́, aké əɓa i dɔ ɓádə deē anī, a téĺ kə́ yḛr ndɔ̄ sīrí.

TƏ́DA 9:6

Banī de kə́rēý gə̄ ń ɔdən̄ rɔ̄ nīń ní asən̄ rāā pétə́ Pákə ndɔ̄ ń noō tə́ alé, tɔdɔ̄ majaĺ tákə̄də́. Ndɔ̄ nəkɔ́ ń noō tə́ nin̄ ədan̄ Moijə nin̄ kə Aaro̰ na:

LEBI GƏ̄ 21:11

A aw̄ dɔ nīń deē tə́ alé. A aw̄ dɔ nīń bɔbə̄n tə́ aĺ ō, dɔ nīń kó̰o̰n tə́ aĺ ō, na sōgə́ ni tél de kə́ yḛr.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

EPEJƏ 2:1

Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

Makətūbə̄ ń Pol ndang adə̄ Rom gə̄ ní 5:12

I de kə́ kal kógə̄ḿ beē n rāā adə̄ majaĺ reē dɔ nang tə́ ní, ba majaĺ reē kə yoó, adə̄ de gə̄ malang oyn̄, tɔdɔ̄ nin̄ malang rāān̄ majaĺ.

Makətūbə̄ yā Aje 2:13

Aje ɔjədə́ yá̰á̰ kə́ rang ɓáý to̰, əda na: Tītə̄ ń toō deē kógə̄ḿ tél de kə́ yḛr, tām̄ ni ɔdə nīń. Gō tə́ anī, deē ní ɔdə yá̰a̰ kəsa kə́rēý. Ní, yá̰a̰ kəsa ní téĺ yá̰a̰ kəsa kə́ yḛr a? Anī nge tun̄ yá̰a̰ gə̄ tél ədan̄ na: A̰á̰ā̰.

NŌŌ RƆ̄ 4:14

Nin̄ dáȳn̄ dɔɔ́ tītə̄ ngé kum tɔ̄ɔ̄ gə̄ kum róbə gə̄ tə́. Mósə́ tákə̄də́ adə̄ kūbə̄ yādə́ gē a deē asə kɔdə jīn tə́ alé.

LEBI GƏ̄ 11:31

Ā ī-rāāīdə́ i dā̰ gə̄ kə́ yḛr tə́. Deē ń a ɔdə nīńdə́ ní, kɔ́ɔ̄ a tél de kə́ yḛr bátə́ kadə̄ loo tíbə dɔn tə́.

KƏLA RĀĀ 21:26

Teē kə ndɔ̄ kə́ noō anī Pol ɔy de kə́ sɔ́ gə̄ ní ba aw̄ tə́go rɔ̄n sedə́. Gō tə́ anī ni-aw̄ kem kújə yā Kɔ́ɔ̄ɓē tə́ ba əda ndɔ̄ ń gíŕ tə́go rɔ̄ yādə́ a gāngəń ní, kumən na i ndɔ̄ ń kadə̄ ndējə̄n̄neé yá̰a̰ tun̄ kə́ tām̄ yādə́ gə̄ tə́ kógə̄ḿ kógə̄ḿ ní.

KƏLA RĀĀ 21:27

Ndɔ̄ kə́ sīrí gə̄ ń jə-ndiń Jerusalem ní a rāā yā təgā ngɔr anī, Jipə kə́ gō nang kə́ Aji tə́ gə̄ a̰a̰n̄ Pol kem kújə yā Kɔ́ɔ̄ɓē tə́. Nin̄-sə̄lān̄ kósə de gə̄ malang ba əhɔn̄ Pol.

LEBI GƏ̄ 5:2

Aláa ré deē kə́rēý ɔdə yá̰á̰ kə́ majaĺ tákə̄n gō ger̄ aĺ tə́ yá̰á̰ kə́ tītə̄ nīń dā̰ kə́ bembeé aláa kə́ ɓēé, kə́ yḛr aké i nīń kur̄ kógə̄ḿ kə́ yḛr anī, deē ní a tél de kə́ yḛr ō, najə̄ i dɔn tə́ ō.

TƏ́DA 6:6

Kem ndɔ̄ gə̄ ń ɔrə̄ń kam̄ rɔ̄n tām̄ yā Kɔ́ɔ̄ɓē tə́ ní, a aw̄ rɔ̄ nīń deē tə́ alé.

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

LEBI GƏ̄ 22:4

De kə́ gír kojə yā Aaro̰ tə́ kə́ mo̰y bānjə̄ rāān, aké bájal rāān adə̄ wī a də̄yā̰ rɔ̄n tə́ ní, a əsa yá̰a̰ ndējə̄ kə́ táĺ gə̄ alé. De kə́ ɔdə rɔ̄ de kə́ yḛr tām̄ nīń kə́ kɔ́ɔ̄ ɔdə rɔ̄ tə́, aké de kə́ manə̄n teē rɔ̄n tə́, aké ɔdə rɔ̄ kur̄ kə́ a rāā kadə̄ deē tél de kə́ yḛr, aké ɔdə rɔ̄ de kə́ a rāā kadə̄ deē téĺ kə́ yḛr ní, ká ré i majaĺ rí gə̄gē anī, a əsa yá̰á̰ kə́ táĺ gə̄ alé. Ni a tél de kə́ yḛr aĺ pá tá a əsa ɓáý.

EJEKIEL 39:12

Israel gə̄ a dubə̄n̄ áskar gə̄ malang bátə́ nāā sīrí ō, i tītə̄ ń noō n nin̄ a rāānəń kadə̄ ɓē unjə̄ njáý njáý ní ō.

EJEKIEL 44:26

Kutə̄ gō anī, i gáŕ kadə̄ ni tə́go rɔ̄n kadə̄ unjə̄ njáý njáý. Ba gō tə́ anī ni a ngóō ndɔ̄ sīrí pá tá a rāā kəla kem kújə yā Kɔ́ɔ̄ɓē tə́ ɓáý.