TƏ́DA 18:9 - Bibəl ta Sar̄

⁹ Yá̰a̰ ndējə̄ kə́ táĺ ngá̰ý gə̄ ń róōn̄ núsən yāḿ horoó oy anī a tálnə̄ń yā kadə̄sí ní nin̄ n toó: Yá̰a̰ ndējə̄ gə̄ malang kə́ rāā kə ndujú ō, dā̰ kə́ tun̄ yā kutəń dɔ majaĺ ō, dā̰ kə́ tun̄ yā kəgāń kə̄rā yá̰á̰ kə́ rāā gōtə́ aĺ ō. Yá̰á̰ ndējə̄ kə́ táĺ ngá̰ý gə̄ ń noō a télnə̄ń yā kadə̄sí sḭḭ̄ kə ngání gə̄ ō, ngán kaaí gə̄ ō.

Bible sar

⁹ Yá̰a̰ ndējə̄ kə́ táĺ ngá̰ý gə̄ ń róōn̄ núsən yāḿ horoó oy anī a tálnə̄ń yā kadə̄sí ní nin̄ n toó: Yá̰a̰ ndējə̄ gə̄ malang kə́ rāā kə ndujú ō, dā̰ kə́ tun̄ yā kutəń dɔ majaĺ ō, dā̰ kə́ tun̄ yā kəgāń kə̄rā yá̰á̰ kə́ rāā gōtə́ aĺ ō. Yá̰á̰ ndējə̄ kə́ táĺ ngá̰ý gə̄ ń noō a télnə̄ń yā kadə̄sí sḭḭ̄ kə ngání gə̄ ō, ngán kaaí gə̄ ō.

TƏ́DA 18:9 Referans Kwoze

LEBI GƏ̄ 7:7

Ndū najə̄ kə́ dɔ dā̰ kə́ tun̄ yā kəgāń kə̄rā yá̰á̰ kə́ deē rāā gōtə́ aĺ ō, ndū najə̄ kə́ dɔ dā̰ kə́ tun̄ tām̄ yā majaĺ tə́ ō ní ton̄ tītə̄ naā. Gotə dā̰ kə́ tun̄ yā kutə̄ń dɔ majaĺ ní i tām̄ yā nge tun̄ yá̰á̰ tə́.

LEBI GƏ̄ 14:13

Ni a əja kɔ́ɔ ngōn̄ batə̄ ní i loo ń əjan̄ kɔ́ɔ dā̰ kə́ yā tun̄ tām̄ yā majaĺ tə́ ō, dā̰ kə́ yā róō horoó kadə̄ Kɔ́ɔ̄ɓē ō tū tə́ ní tə́, adə̄ i kem loo kə́ táĺ tə́. Tɔdɔ̄ dā̰ kə́ tun̄ yā kəgān̄ kə̄rā ō, dā̰ kə́ tun̄ tām̄ yā majaĺ tə́ ō ní, a télnə̄ń i yā kadə̄ nge tun̄ yá̰a̰, tām̄ i yá̰á̰ kə́ táĺ ngá̰ý.

LEBI GƏ̄ 4:27

Ré i de kə́ karī kə́ kem ɓēé n mān̄ dɔ ndū najə̄ yā Kɔ́ɔ̄ɓē kə gō kem ndigə yānneé alé, adə̄ rāā yá̰á̰ kə́ ndū najə̄ kógə̄ḿ yā Kɔ́ɔ̄ɓē ɔgə̄ rāā anī, najə̄ i dɔn tə́.

LEBI GƏ̄ 4:22

Ré i ngār n mān̄ dɔ ndū najə̄ yā Kɔ́ɔ̄ɓē Nə́ɓā yān ba i kə gō kem ndigə̄ yānneé aĺ gə̄gē, adə̄ ni-rāā yá̰á̰ kə́ ndū najə̄ kógə̄ḿ yā Kɔ́ɔ̄ɓē ɔgə̄ rāā anī, najə̄ i dɔn tə́.

LEBI GƏ̄ 10:17

Dā̰ bal bə̄yā̰ kə́ táĺ ngá̰ý ní ké əsan̄ kem loo kə́ táĺ tə́ aĺ i najə̄ rí tə́ wa? Kɔ́ɔ̄ɓē na adə̄də́ i yā kɔrə̄ń majaĺ gə̄ ń ngán Israel gə̄ na rāān̄ ní ō, yā rāān̄ yá̰á̰ kə́ yā kutə̄ń dɔ majaĺ yādə́ gə̄ ō ta kumən tə́.

LEBI GƏ̄ 7:1

Ndū najə̄ kə́ dɔ dā̰ kə́ tun̄ yā kəgāń kə̄rā yá̰á̰ kə́ gōtə́ aĺ kə́ deē rāā tə́ n toó: I yá̰á̰ kə́ táĺ ngá̰ý.

LEBI GƏ̄ 5:6

ba a əhɔ kó̰o̰ batə̄ aláa kó̰o̰ bə̄yā̰ tun̄ kadə̄ Kɔ́ɔ̄ɓē tām̄ yā majaĺ ní tə́. Loo ń noō tə́ nge tun̄ yá̰a̰ a rāā yá̰á̰ kə́ yā kutə̄ń dɔ majaĺ yān.

LEBI GƏ̄ 5:1

Ré deē kə́rēý i kum yá̰á̰ kə́ rāā yá̰á̰ tə́, tá oō ɓār̄ ń rāānəń de gə̄ ɓɔ́ kə rī Nə́ɓāá kadə̄ deē ń i kum tə́ ní kɔ̄ɔ́ kə əda, ba ni-əda aĺ anī, ni-rāā yá̰á̰ kə́ majaĺ. Ba yá̰á̰ kə́ majaĺ ń ni-rāā ní, yá̰á̰ kə́ tōr̄ kə́ tāmə̄n tə́ a rāān i nəkɔ́.

LEBI GƏ̄ 6:17

Kɔ́ɔ̄ɓē mēr̄ Moijə

LEBI GƏ̄ 7:6

I yá̰á̰ kə́ táĺ ngá̰ý adə̄ de kə́ dəngam gə̄ malang ń nin̄ i ngé tun̄ yá̰a̰ gə̄ ní ngóy n a asən̄ kəsa ní. Ba a əsan̄ i kem loo kógə̄ḿ kə́ táĺ tə́.

TƏ́DA 18:10

Ā ə́saīdə́ i kem loo kógə̄ḿ kə́ táĺ tə́. Ba i dəngam gə̄ ngóy n a əsan̄, tɔdɔ̄ i yá̰a̰ kəsa kə́ yā ɓōĺ gidə.

EJEKIEL 42:13

Deē ní ədam̄ na: Kem kújə gə̄ kə́ dām̄ mbɔ́r ɓē kə́ ko̰ó̰ tə́ ō, kə́ dām̄ mbɔ́r ɓē kə́ geleé tə́ ō, ń deē teē tū tə́ anī a ənge i ndágə loo ní, i kem kújə gə̄ kə́ ngɔ̄mə̄n̄ tām̄ yā Nə́ɓā tə́. Ngé tun̄ yá̰a̰ gə̄ ń asən̄ kudə kem loo kə́ táĺ tə́ ní, a əsan̄ yá̰a̰ ndējə̄ kə́ táĺ ngá̰ý gə̄ i loo ń noō tə́. I gáŕ kadə̄ nin̄ a kánə̄n̄ yá̰a̰ ndējə̄ kə́ táĺ ngá̰ý gə̄ i loo ń noō tə́, adə̄ i kadə̄ karī gə̄ ō, dā̰ gə̄ kə́ ndējə̄n̄ tām̄ yā yá̰a̰ tun̄ kə́ tayā tayā gə̄ tə́ kadə̄ Nə́ɓā mā̰yń rɔ̄n ō. Tɔdɔ̄ loo ní i loo kə́ táĺ.

EJEKIEL 44:29

Yá̰a̰ kəsa yādə́ i yá̰á̰ kə́ ndējə̄ gə̄ ō, i dā̰ kə́ tun̄ tām̄ kadə̄ Nə́ɓā mā̰yń rɔ̄n dɔ majaĺ tə́ ō, tām̄ ndū Nə́ɓā kə́ mān̄ dɔ tə́ gə̄ tə́ ō. Yá̰a̰ malang kə́ kɔr̄ kəndā tayā tām̄ yāḿ tə́ dɔ nang kə́ Israel tə́ ní, a tél i yá̰a̰ yādə́.

LEBI GƏ̄ 2:10

Gotə yá̰a̰ ndējə̄ ń nay ní i tām̄ yā Aaro̰ tə́ nin̄ kə ngánən gēé. I yá̰á̰ kə́ táĺ ngá̰ý tɔdɔ̄ i gotə yá̰á̰ kə́ róō horoó kadə̄ Kɔ́ɔ̄ɓē.

LEBI GƏ̄ 6:19

Nge tun̄ yá̰á̰ ń a rāā kəla tun̄ yá̰á̰ ń noō ní a əsa dā̰ ní i kem loo kógə̄ḿ kə́ táĺ tə́, adə̄ i kem ndogə̄ kūbə̄ ń əgan̄ dɔ kújə kənge naā tə́ ní.

LEBI GƏ̄ 22:7

Ré mbang udə rap anī, ni i de kə́ unjə̄ njáý njáý, adə̄ ni a əsa yá̰a̰ ndējə̄ kə́ táĺ gə̄, tɔdɔ̄ i yá̰a̰ kəsa yān.

LEBI GƏ̄ 22:11

Banī ɓəlo yā nge tun̄ yá̰á̰ kə́ mangən kə naraá ō, ni kə́ ojənən̄ ɓē looneé ō ní, a əsan̄ yá̰a̰ kəsan karī.

NDŪ NAJƏ̄ 18:1

Ngáń Lebi gə̄ kə́ ngé tun̄ yá̰a̰ gə̄ ō, gotə de gə̄ malang kə́ gír ɓē yā Lebi tə́ ō ní, a əngen̄ yá̰a̰ nə̄ɓō, aké yá̰a̰ ndəbā naā tə́ kə gotə ngán Israel gēé alé. I dā̰ kə́ tun̄ kadə̄ Nə́ɓā n a əsan̄ ō, i yá̰a̰ yā Kɔ́ɔ̄ɓē n a əsan̄ ō ní.

2 MBAN̄G 12:17

Banī nar ń de kə́rēý gə̄ adə̄n̄ kum gotə yá̰a̰ tun̄ kə́ tām̄ yā majaĺ tə́ ní, ɓōkə́n̄ kem sandúkú alé, télə̄n̄neé adə̄n̄ i ngé tun̄ yá̰a̰ gə̄.

NEHEMI 10:36

Kan̄ yá̰á̰ kə́ dɔ nang yājí tə́ kə́ ta kəga dɔ ō, kan̄ kāgə̄ yājí kə́ ta kəga dɔ gə̄ ō ní, i gáŕ kadə̄ jə-reēń kem kújə yā Kɔ́ɔ̄ɓē tə́ kə dɔ ɓāl̄ gə̄.