TƏ́DA 18:8 - Bibəl ta Sar̄

⁸ Kɔ́ɔ̄ɓē əda Aaro̰ na: Á̰a̰ā̰, m-ə̄ndāī dɔ kəla yá̰á̰ kə́ táĺ gə̄ ń ngán Israel gə̄ adə̄mə̄n̄ ní tə́ ō, yá̰a̰ gə̄ ní m̄táləń m-ādə̄sí kə ngání gə̄ ō, ngán kaaí gə̄ ō, kə ndū kə́ a to ngándáńg.

Bible sar

⁸ Kɔ́ɔ̄ɓē əda *Aaro̰ na: Á̰a̰ā̰, m-ə̄ndāī dɔ kəla yá̰á̰ kə́ táĺ gə̄ ń ngán *Israel gə̄ adə̄mə̄n̄ ní tə́ ō, yá̰a̰ gə̄ ní m̄táləń m-ādə̄sí kə ngání gə̄ ō, ngán kaaí gə̄ ō, kə ndū kə́ a to ngándáńg.

TƏ́DA 18:8 Referans Kwoze

LEBI GƏ̄ 6:16

Tɔdɔ̄ yá̰a̰ ndējə̄ kə́ rāā kə kōó ń nge tun̄ yá̰a̰ ndējə̄ Kɔ́ɔ̄ɓē ní, deē a əsa alé. A róōn̄ horoó i malang.

LEBI GƏ̄ 7:6

I yá̰á̰ kə́ táĺ ngá̰ý adə̄ de kə́ dəngam gə̄ malang ń nin̄ i ngé tun̄ yá̰a̰ gə̄ ní ngóy n a asən̄ kəsa ní. Ba a əsan̄ i kem loo kógə̄ḿ kə́ táĺ tə́.

LEBI GƏ̄ 6:18

kəda Aaro̰ nin̄ kə ngánən gēé na: Ndū najə̄ kə́ dɔ dā̰ kə́ yā tun̄ tām̄ yā majaĺ tə́ n toó: A əjan̄ kɔ́ɔ dā̰ kə́ yā tun̄ tām̄ yā majaĺ tə́ i ta kum Kɔ́ɔ̄ɓē tə́, loo ń a əjan̄ kɔ́ɔ dā̰ kə́ yā róō horoó kadə̄ Kɔ́ɔ̄ɓē tū tə́ ní. Nge ń noō i yá̰á̰ kə́ táĺ ngá̰ý.

Teē Ngán Israel gə̄ 40:15

Ā úr yibə̄ ní dɔdə́ tə́ tītə̄ ń úrəń dɔ bɔbə̄də́ tə́ ní yā kəndāńdə́ kem kəla tun̄ yá̰a̰ yāḿ tə́. Yibə̄ ń ā úr dɔdə́ tə́ noō a rāā kadə̄ nin̄ gə̄gē, ngáńdə́ gə̄gē, a ndin̄ i kem kəla tun̄ yá̰a̰ yāḿ tə́ ngándáńg.

Teē Ngán Israel gə̄ 40:13

Gō tə́ anī ā ī-tə́la kūbə̄ kə́ yā ɓōĺ gidə gə̄ yā Aaro̰ rɔ̄n tə́ ō, ā úr yibə̄ ní dɔn tə́ yā kəndānneé kem kəla tun̄ yá̰a̰ yāḿ tə́ ō.

Teē Ngán Israel gə̄ 29:29

Ré Aaro̰ oy anī, kūbə̄ yān kə́ yā ɓōĺ gidə gə̄ i tām̄ yā ngánən gə̄ tə́ ō, ngán kaan gə̄ tə́ ō. A əlan̄ rɔ̄də́ tə́ ndɔ̄ ń a urən̄neé yibə̄ dɔdə́ tə́ ō, a əndān̄neédə́ kem kəla tun̄ yá̰á̰ tə́ ō ní.

1 JA̰A̰ 2:27

Ba Ndíĺ kə́ Táĺ ń ə́ngeī jīn tə́ ní i kemsí tə́, adə̄ ā ī-sāāī kadə̄ i deē kógə̄ḿ tá kə ndóōsí yá̰a̰ alé. Ndíĺ kə́ Táĺ ń ni-adə̄sí ní ndóōsí yá̰a̰ malang. Tá yá̰á̰ ń Ndíĺ kə́ Táĺ ndóōsí ní, i yá̰á̰ kə́ rɔ̄kum ba i sor̄ alé. Adə̄ tītə̄ ń ni ndóōsí yá̰á̰ ní, ī-ndiī kemən tə́.

1 JA̰A̰ 2:20

Banī sḭḭ̄ ə́ngeī Ndíĺ kə́ Táĺ ń Kərist adə̄sí ní ō, sḭḭ̄ malang ī-gerī najə̄ kə́ rɔ̄kum ō.

HEBƏRO 1:9

Ī-ndigə yá̰á̰ kə́ gōtə́ ba ī-mbātə́ yá̰á̰ kə́ majaĺ, i tām̄ najə̄ ń noō tə́ n ḭ̄ Nə́ɓā, Nə́ɓā yāí ur yibə̄ rɔ̄nel̄ dɔí tə́ ɔrə̄ń kamí tayā ō, gə̄rāī dan madí gə̄ tə́ ō ní.

IJAI 10:27

Ndɔ̄ ngeé ń noō tə́ ní, yá̰a̰ kətō ń ndi mbajə dɔ bɔ̄gīí tə́ ní, yá̰a̰ kətō ń ɔȳ míndí tītə̄ njúkə beé ní, ni a un kɔ̄ɔ́. Madə̄ ba̰ā̰ gə̄ aw̄n̄ Samari,

NDŪ NAJƏ̄ 26:13

ə́da kə̄ ta kum Kɔ́ɔ̄ɓē Nə́ɓā yāí tə́ na: Kɔ́ɔ̄ɓē, yá̰á̰ kə́ yā ɓōĺ gidə kə́ tām̄ yā Nə́ɓā tə́ ń to kem kújə yāḿ tə́ ní, m-ādə̄ ngōn̄ Lebi ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō, kə gō míndí ń ə́dam̄neé ní kanjə̄ mān̄ dɔ ndūí tə́ ō, kanjə̄ kadə̄ dɔḿ ndígə̄nal ō.

NDŪ NAJƏ̄ 12:11

I loo ń Kɔ́ɔ̄ɓē Nə́ɓā yāsí a gə̄rā yā kəndā rīn dɔ tə́ ní n ā āwī kə yá̰a̰ malang ń m-ə̄ndā dɔsí tə́ kadə̄ ādī ní tū tə́ ní: Dā̰ yāsí gə̄ kə́ yā róō horoó kə taá malang ō, kə́ yā tun̄ tām̄ yā kem kógə̄ḿ ō, dɔ yá̰a̰ yāsí kə́ nge ko̰ kutə kə́ ɔ̄rī ō, yá̰a̰ yāsí gə̄ ń ā ādī kə gō kem ndigə yāsí ní ō, yá̰a̰ malang ń ā ī-gə̄rāī yā kadə̄ Kɔ́ɔ̄ɓē kadə̄ karī tə́ tām̄ ndūsí kə́ ə̄nīī tə́ ō ní, ā āwīneé i loo ngeé ń noō tə́.

NDŪ NAJƏ̄ 12:6

Dā̰ yāsí gə̄ kə́ yā róō horoó ō, kə́ yā tun̄ karī gə̄ ō, dɔ yá̰a̰ yāsí kə́ nge ko̰ kutə ō, yá̰a̰ yāsí gə̄ ń ī-ndējī Nə́ɓā kə gō kem ndigə yāsí ní ō, kadə̄ karī yāsí gə̄ ń ādī Nə́ɓā tām̄ ndūsí kə́ ə̄nīī tə́, aláa kanjə̄ núm̄ kemsí tə́ ní ō, hágə man̄g yāsí gə̄ ō, hágə batə̄ yāsí gə̄ ō, hágə bə̄yā̰ yāsí gə̄ ō ní, ā āwīneé i loo ń noō tə́.

TƏ́DA 18:9

Yá̰a̰ ndējə̄ kə́ táĺ ngá̰ý gə̄ ń róōn̄ núsən yāḿ horoó oy anī a tálnə̄ń yā kadə̄sí ní nin̄ n toó: Yá̰a̰ ndējə̄ gə̄ malang kə́ rāā kə ndujú ō, dā̰ kə́ tun̄ yā kutəń dɔ majaĺ ō, dā̰ kə́ tun̄ yā kəgāń kə̄rā yá̰á̰ kə́ rāā gōtə́ aĺ ō. Yá̰á̰ ndējə̄ kə́ táĺ ngá̰ý gə̄ ń noō a télnə̄ń yā kadə̄sí sḭḭ̄ kə ngání gə̄ ō, ngán kaaí gə̄ ō.

LEBI GƏ̄ 21:10

Ngol ngé tun̄ yá̰a̰ gə̄ ń urən̄ yibə̄ kə́ táĺ dɔn tə́ ō, əndānən̄ kə rī rāā kəla yā Nə́ɓāá ō, əlan̄ kūbə̄ kə́ táĺ gə̄ rɔ̄n tə́ ō ní, a əya̰ nənga dɔn kadə̄ to gususu aĺ ō, a rə́yā̰ kūbə̄ kə́ rɔ̄n tə́ aĺ ō.

LEBI GƏ̄ 8:30

Moijə ɔdə yibə̄ kə́ táĺ ō, ɔdə mósə́ kə́ dɔ loo tun̄ yá̰á̰ tə́ ō, sə̄kā dɔ Aaro̰ tə́ ō, tū kūbə̄ kə́ rɔ̄n tə́ ō. Ni-sə̄kā dɔ ngán Aaro̰ gə̄ tə́ ō, tū kūbə̄ yādə́ gə̄ tə́ ō. I tītə̄ ń noō n ni ɔrə̄ń kam̄ Aaro̰ nin̄ kə ngánən gēé ō, ɔrə̄ń kam̄ kūbə̄ yādə́ gə̄ ō ní.

LEBI GƏ̄ 6:20

Yá̰a̰ malang ń a ɔdə rɔ̄ dā̰ ń noō ní a tél yá̰á̰ kə́ kɔr̄ kam̄ tayā tām̄ yā Kɔ́ɔ̄ɓē tə́. Ré mósən kə̄rā tū kūbə̄ tə́ anī, a tə́gon̄ loo kūbə̄ ń mósə kə̄rā tū tə́ ní i kem loo kógə̄ḿ kə́ táĺ tə́.

Teē Ngán Israel gə̄ 29:21

Ā ɔ́də́ mósə́ kə́ dɔ loo tun̄ yá̰á̰ tə́ ō, yibə̄ kə́ táĺ ō, yā sə̄kā dɔ Aaro̰ tə́ ō, dɔ kūbə̄ yān gə̄ tə́ ō. Ā ī-sə̄kā dɔ ngánən gə̄ tə́ ō, dɔ kūbə̄ yādə́ gə̄ tə́ ō. Əla gír kum mbang ń noō tə́ ní, Aaro̰ nin̄ kə ngánən gēé a télən̄ de kə́ táĺ gə̄ ō, kūbə̄ yādə́ gə̄ a télən̄ kūbə̄ kə́ táĺ gə̄ ō.

1 KORḚNTƏ 9:13

Ngé rāā kəla kem kújə yā Kɔ́ɔ̄ɓē tə́ gə̄ a əsan̄ i yá̰á̰ kə́ kem kújə yā Kɔ́ɔ̄ɓē tə́ ō, ngé rāā kəla loo tun̄ yá̰á̰ tə́ gə̄ a əngen̄ kumən yādə́ dan yá̰á̰ gə̄ ń ndējə̄n̄ Nə́ɓā dɔ loo tun̄ yá̰á̰ tə́ ní ō ní ī-gerī aĺ a?

LEBI GƏ̄ 7:14

A unən̄ dɔ yá̰a̰ ndējə̄ gə̄ ń toō kógə̄ḿ kógə̄ḿ yā kadə̄ Kɔ́ɔ̄ɓē ō, a télnə̄ń yā kadə̄ nge tun̄ yá̰á̰ ń sə̄kā mósə dā̰ kə́ tun̄ tām̄ yā kem kógə̄ḿ tə́ ní ō.

LEBI GƏ̄ 7:28

Kɔ́ɔ̄ɓē mēr̄ Moijə kəda ngán Israel gə̄ ndū najə̄ gə̄ ń toō ɓáý to̰: Deē ń ndējə̄ dā̰ kə́ yā tun̄ kadə̄ Kɔ́ɔ̄ɓē tām̄ yā kem kógə̄ḿ tə́ ní a ɔr̄ loo dā̰ ní kə́ tām̄ yā Kɔ́ɔ̄ɓē tə́ yā kadə̄n.

2 YÁ̰A̰ GƏ̄ 31:4

Mban̄g əda de kə́ Jerusalem gə̄ malang kadə̄ adə̄n̄ ngé tun̄ yá̰a̰ gə̄ ō, ngán Lebi gə̄ ō, núsə́ yá̰á̰ kə́ tām̄ yādə́ tə́ ń sɔɔ̄ kadə̄ adə̄n̄də́ ní, tá kadə̄ nin̄ asən̄neé kadə̄ rɔ̄də́ kə taá malang ta kəla gə̄ ń ɔjən̄ tām̄ yādə́ tə́ kem ndū najə̄ yā Kɔ́ɔ̄ɓē tə́ ní.

Teē Ngán Israel gə̄ 28:43

Aaro̰ nin̄ kə ngánən gēé a əlan̄ gíŕdə́ tə́ yā kudəń kem kújə kənge naā tə́, aĺ ɓáa yā kaw̄ń kə̄ loo tun̄ yá̰á̰ tə́ yā rāań kəla tun̄ yá̰a̰ kem loo kə́ táĺ tə́. Tītə̄ ń noō ɓáa a reēn̄ kə majaĺ dɔdə́ tə́ aĺ ō, a oyn̄ aĺ ō. Nge ń noō i ndū najə̄ kə́ a to ngándáńg tām̄ yā Aaro̰ tə́ ō, tām̄ yā ngánən gə̄ tə́ ō, ngán kaan gə̄ tə́ ō.

Teē Ngán Israel gə̄ 29:28

I tām̄ najə̄ ń noō tə́ n ngán Israel gə̄ a ɔrə̄n̄neé loo gə̄ ń noō tū dā̰ gə̄ ń a tɔ̄lə̄n̄ yā tun̄ kadə̄ Kɔ́ɔ̄ɓē tə́ tām̄ yā kem kógə̄ḿ tə́ ní. Nin̄ a ɔrə̄n̄ yā kadə̄ Aaro̰ ō, ngánən gə̄ ō, ngán kaan gə̄ ō ngándáńg.

LEBI GƏ̄ 23:20

Nge tun̄ yá̰a̰ a ndējə̄ Kɔ́ɔ̄ɓē dā̰ gə̄ ní kə gō looneé. Ni a ndējə̄n mápá kə́ rāā kə ndujə̄ kōō kə́ kijií ní ō, ngán batə̄ kə́ jōó gə̄ ní ō. Yá̰a̰ gə̄ ń noō i yá̰á̰ kə́ kɔr̄ kam̄ tām̄ yā Kɔ́ɔ̄ɓē tə́ adə̄ i yá̰a̰ yā nge tun̄ yá̰a̰.

TƏ́DA 5:9

Yá̰a̰ malang ń ngán Israel gə̄ a ndējə̄n̄ Kɔ́ɔ̄ɓē ní i yā nge tun̄ yá̰a̰.

NDŪ NAJƏ̄ 18:1

Ngáń Lebi gə̄ kə́ ngé tun̄ yá̰a̰ gə̄ ō, gotə de gə̄ malang kə́ gír ɓē yā Lebi tə́ ō ní, a əngen̄ yá̰a̰ nə̄ɓō, aké yá̰a̰ ndəbā naā tə́ kə gotə ngán Israel gēé alé. I dā̰ kə́ tun̄ kadə̄ Nə́ɓā n a əsan̄ ō, i yá̰a̰ yā Kɔ́ɔ̄ɓē n a əsan̄ ō ní.

2 MBAN̄G 12:16

De gə̄ ń adə̄n̄də́ nar ngeé ń toō kadə̄ əgān̄neé ngé rāā kəla gə̄ ní, dəjen̄də́ kadə̄ ɔjən̄də́ gír yá̰a̰ gə̄ ń rāān̄ kə nar ní alé. Tɔdɔ̄ nin̄ rāān̄ yá̰a̰ i kə gōó.

2 YÁ̰A̰ GƏ̄ 31:5

Dan ń ədan̄ najə̄ ń noō anī, ngán Israel gə̄ adə̄n̄ dɔ kōō kə́ kijə gə̄ kə́ ndɔr̄ yādə́ gə̄ tə́ ngá̰ý. Adə̄n̄ kōō gémē ō, kasə nduú ō, yibə̄ ō, yibə̄ tejə ō, yá̰á̰ kə́ rang gə̄ ō. Reēn̄ kə yá̰a̰ gə̄ kə́ kɔr̄də́ kógə̄ḿ kógə̄ḿ dan kə́ kutə gə̄ tə́ ngá̰ý adə̄n̄ ō.