TƏ́DA 18:7 - Bibəl ta Sar̄

⁷ Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

Bible sar

⁷ Ba ḭ̄ *Aaro̰ sḭḭ̄ kə ngání, ā ī-rāāī kəla *tun̄ yá̰a̰ kadə̄ Nə́ɓā dɔ *loo tun̄ yá̰á̰ tə́ ō, kem *loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

TƏ́DA 18:7 Referans Kwoze

JA̰A̰ 3:27

Anī Ja̰a̰ əda na: Deē kógə̄ḿ kə́ asə taā yá̰a̰ kanjə̄ kadə̄ i Nə́ɓā n adə̄n yá̰á̰ ní gətóo.

TƏ́DA 3:10

Ā ə̄ndā Aaro̰ nin̄ kə ngánən gēé kem kəla tun̄ yá̰á̰ tə́. Ré de kə́ karī tun̄ yá̰á̰ ní, ɓáa a tɔ̄lnən̄ kɔ̄ɔ́.

TƏ́DA 18:20

Kɔ́ɔ̄ɓē əda Aaro̰ ɓáý to̰ na: Dɔ nang ń m-ā m-ādə̄ ngán Israel gə̄ kadə̄ kēgə̄n̄ naā tə́ ní, ḭ̄ ā ə́nge yāí tū tə́ alé. I mā n i núsən yāí ń kadə̄ ə́nge ní ō, i mā n i yá̰a̰ kənge yāí kə́ dan ngán Israel gə̄ tə́ ō ní.

HEBƏRO 5:4

De kə́ asə kəndā rɔ̄n ngol ngé tun̄ yá̰a̰ gə̄ tə́ yā rɔȳń rɔ̄n nəkɔ́ gətóo. I Nə́ɓā n i nge ɓāŕ deē kə̄ tū tə́, tītə̄ ń ni-ɓārə́nń Aaro̰ ní.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

1 SAMUEL 2:28

Dan de gə̄ kə́ gír ɓē yā ngán Israel gə̄ tə́ malang ní, i kaaí Aaro̰ n m̄-gə̄rān kadə̄ i ni n i nge tun̄ yá̰a̰ yāḿ kə́ kadə̄ al̄ aw̄ dɔ loo tun̄ yá̰a̰ yāḿ tə́ ō, róō kajaja ō, ra ta kumḿ tə́ kə epod. Tá yá̰a̰ malang ń ngán Israel gə̄ a tun̄ adə̄mə̄n̄ ní, m̄-tél kə núsənneé m-ādə̄n ō, m-ādə̄ ngánən gə̄ ō, ngán kaan gə̄ ō.

TƏ́DA 3:38

Moijə ō, Aaro̰ ō, ngán Aaro̰ gə̄ ō, ndin̄ ɓē i ta kújə kənge naā tə́, dām̄ kə́ gír ɓē tə́. Nin̄ i ngé rāā kəla kem loo kə́ táĺ tə́ tām̄ yā ngán Israel gə̄ tə́. De kə́ karī ń a aw̄ loo kəla ń noō tə́ ní a tɔ̄lnən̄ kɔ̄ɔ́.

TƏ́DA 1:51

Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

LEBI GƏ̄ 16:2

Ə́da ngōkó̰ó̰í Aaro̰ na kə lōō kudə kə̄ noó kem loo kə́ táĺ ngá̰ý ń sandúkə ndū najə̄ gə̄ ō, yá̰a̰ tan ō, i tū tə́ á gāngə̄n̄ gír kə kūbūú ní, na sōgə́ a oy loo ń m-ā m̄-teē tū yá̰á̰ kə́ tītə̄ kil̄ man̄ tə́ dɔ ta sandúkə tə́ ní.

Teē Ngán Israel gə̄ 29:9

ā ī-do̰ō̰ ɓōdə̄də́ kə kəlā yādə́ gēé ō, ā ī-tə́la jākā yādə́ gə̄ dɔdə́ tə́ ō. Əla gír kum mbang ń noō tə́ ní Aaro̰ nin̄ kə ngánən gēé a ndin̄ kem kəla tun̄ yá̰á̰ tə́ i ngándáńg. Loo kəndā ń ā ə̄ndādə́ kem kəla tun̄ yá̰á̰ tə́ ní n toó:

MATIYE 10:8

Ī-rāāī ngé mo̰y gə̄ ādə̄ rɔ̄də́ ngáā ō, ī-ndólī de kə́ koy gə̄ ō, ī-rāāī ādə̄ bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, ī-tə̄ɓāī ndíĺ kə́ majaĺ gə̄ kɔ̄ɔ́ ō. Sḭḭ̄ ə́ngeī i karī ní, ādī de gə̄ karī ō.

1 PIYER 5:2

Ɓūtə̄ yá̰a̰ kul̄ gə̄ yā Nə́ɓā ń ɓɔ̄ɔ̄sí ní, āwī sedə́ ko̰ó̰. Ə̄ndāī kumsí gíŕdə́ tə́ majə. Ba ādī i kə́ kɔsə sesí ta rāā alé, banī ādī i kə kemsí kə́ majaá ō, kə gō ń Nə́ɓā ndigə ní ō. Ī-rāāī kəla yāsí, ba ādī i tām̄ yā kəngeń nar kə́ a reē kə rɔ̄sɔlɔ̄ɔ́ dɔ deē tə́ alé. Banī i tām̄ kəndā kə́ sḭḭ̄ kɔ́ gə̄ ə̄ndāī rɔ̄sí ta tə́.

1 PIYER 5:3

Ngé gə̄ ń ɓɔ̄ɔ̄n̄də́ sesí kadə̄ á̰a̰ī gōdə́ ní, ī-lōōī rāā ngār dɔdə́ tə́, banī ādə̄ sḭḭ̄ i yá̰á̰ ndájə̄ tām̄ yā ɓūtə̄ yá̰a̰ kul̄ gə̄ tə́.

Teē Ngán Israel gə̄ 28:1

Ī-ɓāŕ ngōkó̰ó̰í Aaro̰ nin̄ kə ngánən gēé, Nadab ō, Abihu ō, Eleajar ō, Itamar ō, ādə̄ reēn̄ rɔ̄í tə́. Ɔ̄r̄ kam̄də́ tayā dan ngán Israel gə̄ tə́ ādə̄ rāān̄ kəla tun̄ yá̰a̰ yāḿ.

TƏ́DA 18:3

A rāān̄ kəla yāí ō, kəla kə́ tām̄ yā kújə́ ní tə́ ō, ba a ɔdən̄ rɔ̄ yá̰a̰ rāā kəla gə̄ kem loo kə́ táĺ tə́ aĺ ō, a aw̄n̄ ta loo tun̄ yá̰á̰ tə́ aĺ ō, na sōgə́ sḭḭ̄ gə̄gē nin̄ gə̄gē óyiī.

NDŪ NAJƏ̄ 18:2

Nin̄ a əngen̄ núsə dɔ nang kə́ tām̄ yādə́ tə́ dan ngán Israel gə̄ tə́ alé, tɔdɔ̄ yá̰á̰ ń əngen̄ ní i rāā kəla yā Kɔ́ɔ̄ɓē, tītə̄ ń Kɔ́ɔ̄ɓē ədańdə́ ní.

JOJUE 18:7

Ngán Lebi gə̄ əngen̄ dɔ nang dɔ dáńsí tə́ alé, tɔdɔ̄ yá̰a̰ kənge yādə́ i kəla tun̄ yá̰a̰ tām̄ yā Kɔ́ɔ̄ɓē tə́. Ba kə́ tām̄ yā Gad gə̄ tə́ ō, Ruben gə̄ tə́ ō, núsə de gə̄ ké gír ɓē yā Manase tə́ gə̄ ō ní, əngen̄ dɔ nang yādə́ gidə bā Jurdḛ kə́ dām̄ kə́ gír ɓē tə́ kɔ̄ɔ́ ɓá. I Moijə kə́ nge kəla yā Kɔ́ɔ̄ɓē nəkɔ́ n adə̄də́ ní.

EJEKIEL 44:8

Sḭḭ̄ kɔ́ gə̄ ī-rāāī kəla kə́ kem loo kə́ táĺ yāḿ tə́ alé, banī sḭḭ̄ ə̄ndāī kəla ní i dɔ tə̄rā gə̄ ń noō tə́ kadə̄ rāān̄ kum gotəsí.

EJEKIEL 44:15

Dan ń Israel gə̄ əya̰mə̄n̄ mā ń i Kɔ́ɔ̄ɓē ní kɔ̄ɔ́ ní, ngé tun̄ yá̰a̰ gə̄ kə́ gír yā Lebi tə́ ń Sadok ojədə́ ní, rāān̄ kəla kə́ kem loo yāḿ kə́ táĺ tə́, i tām̄ najə̄ ń noō tə́ n i nin̄ ngó̰y n a asən̄ reē rāā kəla kadə̄m̄ ní. Nin̄ a asən̄ ndējə̄m̄ yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō. I mā Kɔ́ɔ̄ɓē Nə́ɓā n m-ə́da najə̄ ń noō kə̄ ndágá ní.

EJEKIEL 44:16

I nin̄ ngóy n a udən̄ kem loo yāḿ kə́ táĺ tə́ ō, a ndɔ́tə̄n̄ kə̄ ta tábəl kə́ kə rī rāań kəla yāḿ tə́ tə́ ō ní. Nin̄ a ɓōlə́n̄ gidə jī bēl̄ loo rāā yá̰a̰ gə̄ kə́ yā rāań kəla ngeé ń toō.

LEBI GƏ̄ 7:35

Əla gír ndɔ̄ ń əndānəń Aaro̰ nin̄ kə ngánən gēé kem kəla tun̄ yá̰a̰ kadə̄ Kɔ́ɔ̄ɓē tə́ ní, nganjə dā̰ kə́ tun̄ kadə̄ Kɔ́ɔ̄ɓē ō, ɓúrən kə́ dām̄ kə́ k tə́ ō, i tām̄ yādə́ tə́.

PĀ GƏ̄ 115:10

Sḭḭ̄ de kə́ gír kojə yā Aaro̰ tə́ gə̄, ə̄ndāī kemsí dɔ Kɔ́ɔ̄ɓē tə́! I ni n i nge rāā sedə́ ō, der yādə́ ō ní!