TƏ́DA 18:6 - Bibəl ta Sar̄

⁶ Á̰a̰ā̰, ngákó̰ó̰sí kə́ ngán Lebi gə̄ ń adə̄mə̄n̄ sedə́ ní, m̄-tél sedə́ m-ādə̄sí kadə̄ rāān̄ kəla gə̄ kə́ tām̄ yā kújə kənge naā tə́.

Bible sar

⁶ Á̰a̰ā̰, ngákó̰ó̰sí kə́ *ngán Lebi gə̄ ń adə̄mə̄n̄ sedə́ ní, m̄-tél sedə́ m-ādə̄sí kadə̄ rāān̄ kəla gə̄ kə́ tām̄ yā *kújə kənge naā tə́.

TƏ́DA 18:6 Referans Kwoze

TƏ́DA 3:9

Ngán Lebi gə̄ ní ā ādə̄də́ kə Aaro̰ nin̄ kə ngánən gēé. Ngán Israel gə̄ a adə̄n̄də́ sedə́ ō, a ɔrə̄n̄ kemdə́ dɔdə́ tə́ ō.

TƏ́DA 3:45

Ī-taā ngán Lebi gə̄ ādə̄m̄ mā Kɔ́ɔ̄ɓē kum gotə hágə́ ngán Israel gə̄ malang ō, ī-taā yá̰a̰ kul̄ gə̄ yā ngán Lebi gə̄ ādə̄m̄ kum gotə hágə́ yá̰a̰ kul̄ gə̄ malang yā ngán Israel gə̄ ō.

TƏ́DA 3:12

I mə̄kɔ́ n m̄-gə̄rā ngán Lebi gə̄ dan ngán Israel gə̄ tə́ kum gotə hágə́ ngán Israel gə̄ ní. Ngán Lebi gə̄ i yá̰a̰ yāḿ,

EJEKIEL 34:20

I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́dásí najə̄ ń toō ní: Batə̄ kə́ bo gə̄ ō, kə́ kon̄g gə̄ ō, kə́ dan yá̰a̰ kul̄ yāḿ gə̄ tə́ ní, m-ā m̄-gān̄g sarya kə́ dɔ dáńdə́ tə́.

EJEKIEL 34:11

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, mə̄kɔ́ m-āw̄ yā sāā batə̄ yāḿ gə̄ ō, m-ā m-á̰a̰ gōdə́ ō.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

IJAI 48:15

I mā, i mə̄kɔ́ ngóy n m-ɔ̄r̄ najə̄ ní. Mā m̄-ɓāŕ deē ngeē ń toō, m̄-reē seneé ō, m̄-rāā adə̄ yá̰a̰ rāān gə̄ teēn yá̰á̰ tə́ ō.

Teē Ngán Israel gə̄ 31:6

M-ə̄ndā Oholiab ngōn̄ Ahisamak kə́ gír ɓē yā Dan tə́ kadən tə́ ō, m-ādə̄ kɔdə̄ gə̄ kum kedə̄ ngá̰ý kə dɔdə́ gēé ō, adə̄ a rāān̄ yá̰a̰ gə̄ ń m-ɔ́jiī ní malang.

Teē Ngán Israel gə̄ 14:17

Na n-a n-rāā kadə̄ de kə́ Ejiptə gə̄ rāān̄ dɔ ngan̄g adə̄ na a udən̄ gōdə́ tə́ kum bā tə́. Loo ń noō tə́ na n-a n-tetə Parao̰ rɔ̄ɔ̄ kə deē yān gēé malang, púsə rɔ̄ɔ̄ yān gē, ngé kal̄ sə́nda yān gē, yā kɔsəń gɔnən nəkɔ́ Kɔ́ɔ̄ɓē.

TA KƏLA 9:9

Yāḿ mā tā anī, m-ə́hɔ madə̄ naā sesí sḭḭ̄ ō, kə ngáńsí gə̄ ń a utə̄n̄ gōsí ní ō,

TA KƏLA 6:17

Ba m-ā m̄-rāā kadə̄ man̄ kaw̄ kə́ ngá̰ý a taā loo dɔ nang tə́ yā tɔ̄ləń yá̰a̰ malang kə́ ndi kə kumuú kɔ̄ɔ́. Yá̰a̰ malang kə́ dɔ nang tə́ a oy.

TƏ́DA 3:6

Ī-ɓāŕ de gə̄ kə́ gír ɓē yā Lebi tə́ ādə̄ reēn̄ kadə̄ ré kəla to ɓáa Aaro̰ nge tun̄ yá̰a̰ əladə́, a ɔsən̄ kílən kem kəlaá.

TƏ́DA 3:13

tɔdɔ̄ ngōn̄ hágə i yá̰a̰ yāḿ. Tām̄ ndɔ̄ ń m̄-tɔ̄ləń hágə de gə̄ kə́ Ejiptə kɔ̄ɔ́ malang ní, m-ɔ̄r̄ kam̄ hágə́ ngán Israel gə̄ ō, hágə́ yá̰a̰ kul̄ yādə́ gē ō, tām̄ yāḿ tə́. Mā i Kɔ́ɔ̄ɓē.