TƏ́DA 18:4 - Bibəl ta Sar̄

⁴ Nin̄ i ngé kutə gōí gə̄ ō, a rāān̄ kəla malang kə́ tām̄ yā kújə kənge naā tə́ ō. De kə́ karī a ərōsí tə́ alé.

Bible sar

⁴ Nin̄ i ngé kutə gōí gə̄ ō, a rāān̄ kəla malang kə́ tām̄ yā *kújə kənge naā tə́ ō. De kə́ karī a ərōsí tə́ alé.

TƏ́DA 18:4 Referans Kwoze

1 SAMUEL 6:19

Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Bet Semes gə̄ tɔdɔ̄ kumdə́ a̰a̰ sandúkə yān. Ni-rāā adə̄ de kə́ dəngam gə̄ oyn̄ kutə sīrí dɔ dáńdə́ tə́. Loo ń noō tə́ gotə de gə̄ ń na̰yn̄ ní əhɔn̄ ndoō tām̄ yā yá̰á̰ kə́ tōr̄ ngá̰ý ń Kɔ́ɔ̄ɓē rāā sedə́ tə́ ní.

TƏ́DA 3:10

Ā ə̄ndā Aaro̰ nin̄ kə ngánən gēé kem kəla tun̄ yá̰á̰ tə́. Ré de kə́ karī tun̄ yá̰á̰ ní, ɓáa a tɔ̄lnən̄ kɔ̄ɔ́.

TƏ́DA 1:51

Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

TƏ́DA 18:3

A rāān̄ kəla yāí ō, kəla kə́ tām̄ yā kújə́ ní tə́ ō, ba a ɔdən̄ rɔ̄ yá̰a̰ rāā kəla gə̄ kem loo kə́ táĺ tə́ aĺ ō, a aw̄n̄ ta loo tun̄ yá̰á̰ tə́ aĺ ō, na sōgə́ sḭḭ̄ gə̄gē nin̄ gə̄gē óyiī.

TƏ́DA 18:5

I sḭḭ̄ n i ngé rāā kəla gə̄ kə́ kem loo kə́ táĺ tə́ ō, kə́ dɔ loo tun̄ yá̰á̰ tə́ ō, yā kadə̄ wōn̄g rāāməń kə ngán Israel gēé to̰ aĺ ní.

TƏ́DA 31:30

Ba núsə́ yá̰a̰ kənge kə́ tām̄ yā gotə ngán Israel gə̄ tə́ ní, ré ɓəlo gə̄, aké man̄g gə̄ aké kərō gə̄, aké batə̄ gə̄, aké bə̄yā̰ gə̄, aké gotə dā̰ kə́ rang gə̄ i kutə mí anī, ā ɔ̄r̄ kógə̄ḿ kógə̄ḿ danaá tām̄ yā Kɔ́ɔ̄ɓē tə́, ba ā ī-téləń yā kadə̄ ngán Lebi gə̄ ń a rāān̄ kəla tām̄ yā kújə yā Kɔ́ɔ̄ɓē tə́ ní.

EJEKIEL 44:14

I kəla kə́ tayā tayā gə̄ malang kə́ kem kújə yā Kɔ́ɔ̄ɓē tə́ n m-ā m-ə̄ndā dɔdə́ tə́ ní. Nin̄ a rāān̄ i kəla yāḿ mā ngóy.

TƏ́DA 1:53

Banī ngán Lebi gə̄ a ndin̄ ɓē i kə gō gidə kújə́ ń ndū najə̄ yā Nə́ɓā i kemeé tə́ ní, yā rāań kəla. Loo ń noō tə́ wōn̄g a rāām̄ kə ngán Israel gēé alé.

TƏ́DA 8:26

Nin̄ a ɔsən̄ kíĺ ngán Lebi gə̄ ń a rāān̄ kəla kújə kənge naā ní ba aw̄n̄ kə kəla yādə́ kə́ sɔɔ̄ dɔdə́ alé. Loo rāā ń ā ī-rāań kəla kə ngán Lebi gə̄ ní n noó.