TƏ́DA 18:32 - Bibəl ta Sar̄

³² Ré ɔ̄rī dɔ kə́ majə ngá̰ý ń yāḿ ní oy ba ə́saī gotə anī, ī-rāāī i yá̰á̰ kə́ majaĺ alé. Ī-rāāī yá̰a̰ ndējə̄ kə́ táĺ gə̄ yā ngán Israel gə̄ yá̰á̰ kə́ karī tə́ alé, adə̄ ā óyiī alé.

Bible sar

³² Ré ɔ̄rī dɔ kə́ majə ngá̰ý ń yāḿ ní oy ba ə́saī gotə anī, ī-rāāī i yá̰á̰ kə́ majaĺ alé. Ī-rāāī *yá̰a̰ ndējə̄ kə́ táĺ gə̄ yā ngán Israel gə̄ yá̰á̰ kə́ karī tə́ alé, adə̄ ā óyiī alé.

TƏ́DA 18:32 Referans Kwoze

LEBI GƏ̄ 19:8

Deē ń əsa ní ɓōĺ i ndíĺ yá̰á̰ kə́ kɔr̄ kam̄ tām̄ yā Kɔ́ɔ̄ɓē tə́ alé, adə̄ najə̄ a əsō dɔn tə́ tām̄ yá̰á̰ kə́ gōtə́ aĺ ń ni-rāā tə́ ní. A ɔrnən̄ kɔ̄ɔ́ dan ngán Israel gə̄ tə́.

LEBI GƏ̄ 22:2

Ɔ́jə Aaro̰ ō, ngánən gə̄ ō, yá̰a̰ gə̄ ń a ɔgə̄n̄də́ reē rɔ̄ yá̰a̰ ndējə̄ kə́ táĺ gə̄ ń ngán Israel gə̄ ɔrə̄n̄ kam̄ tām̄ yāḿ tə́ ní, na sōgə́ nujən̄ rīḿ kə́ táĺ. Mā i Kɔ́ɔ̄ɓē.

1 KORḚNTƏ 11:29

Tɔdɔ̄ ré deē əsa mápá ní ō, a̰ȳ yá̰á̰ kə́ kem kópə ní tə́ ō, kanjə̄ gír̄ kadə̄ i rɔ̄ Kɔ́ɔ̄ɓē anī, yá̰á̰ ń ni-əsa ō a̰ȳ ō ní, i sarya kə̄ dɔn nəkɔ́ tə́.

1 KORḚNTƏ 11:27

I tām̄ najə̄ ń toō tə́ n ré deē kógə̄ḿ əsa mápa yā Kɔ́ɔ̄ɓē, aláa a̰ȳ yá̰á̰ kə́ kem kópə yān tə́ kə háĺ kə́ majə kadə̄ əsań aĺ ō, a̰ȳń aĺ ō anī, sarya a əsō dɔn tə́ najə̄ yā rɔ̄ Kɔ́ɔ̄ɓē tə́ ō, mósən tə́ ō ní.

MALASI 1:7

Sḭḭ̄ ī-reēī kə yá̰a̰ kəsa kə́ yḛr dɔ loo tun̄ yá̰a̰ yāḿ tə́. Ba ī-dəjeī najə̄ ə́daī na ké ī-ɓōlíī ndílə́ḿ aĺ i tū rí tə́ wa. I kə ta kūl̄ kəda na: Loo tun̄ yá̰a̰ yā Kɔ́ɔ̄ɓē i yá̰á̰ kə́ bo ngá̰ý ta kumsí tə́ alé.

TƏ́DA 18:22

Gotə ngán Israel gə̄ a reēn̄ rɔ̄ kújə kənge naā tə́ ngɔr alé, tɔdɔ̄ ni ń noō i majaĺ kə́ asə yo deē.

TƏ́DA 18:31

Loo kə́ rāā gə̄gē ā ə́saī yá̰a̰ gə̄ ní tū tə́ kə ngéésí gēé karī, tɔdɔ̄ i kəgā yāsí kə́ tām̄ yā kəla ń ī-rāāī kem kújə kənge naā tə́ ní.

TƏ́DA 19:1

Kɔ́ɔ̄ɓē adə̄ Moijə nin̄ kə Aaro̰ ndū najə̄ gə̄ ń toō: Ādə̄ ngán Israel gə̄ adə̄n̄sí kó̰o̰ man̄g kə́ kərē kə́ yá̰á̰ kógə̄ḿ rāān aĺ ō, ənīn̄ júgə́ kɔ́ɔn tə́ nja kógə̄ḿ aĺ ɓáý ō.

Teē Ngán Israel gə̄ 28:43

Aaro̰ nin̄ kə ngánən gēé a əlan̄ gíŕdə́ tə́ yā kudəń kem kújə kənge naā tə́, aĺ ɓáa yā kaw̄ń kə̄ loo tun̄ yá̰á̰ tə́ yā rāań kəla tun̄ yá̰a̰ kem loo kə́ táĺ tə́. Tītə̄ ń noō ɓáa a reēn̄ kə majaĺ dɔdə́ tə́ aĺ ō, a oyn̄ aĺ ō. Nge ń noō i ndū najə̄ kə́ a to ngándáńg tām̄ yā Aaro̰ tə́ ō, tām̄ yā ngánən gə̄ tə́ ō, ngán kaan gə̄ tə́ ō.